Lukas 15:6 - Fanawbuid tagsibaliwas Fakayabian

⁶ ay nu ndasug wam sa ay bale, namaful am ay ngay fagadgalangan ay anggan ay ngay fasabale ay glong am te, ‘Useganani fasfuani angku, aroro nalag ktua ku tupa at nalyam.’

Lukas 15:6 Referans Kwoze

Lukas 15:10

Glong au ayu te, katanya yangay Dius at ngay tagbarita nu guseganan, sik tagasalanan nu naubun tua at ngay asalanan.”

Lukas 15:24

Aroro nu glong au tuy ku baguama anbul wan, ay katsi anfoli tua gleleg. Kanya ebi nalyam wan, ay katsi nalag kyay.’ Nu katanya, kanya fagayu gfasigad guseganan.

1 Pedru 2:25

Ebi kata am sik ngay tupa at malyaman, dewa katanya, kanya nafafoli yay ayu sa tam Fun Tagalaga ayu.

Fakamulun 11:23

Ay Bernabe nu ndasug sanya, guseganan nu nalag Dius at fagmagalangun sa kafag ngay taw. Ay sas fagdaul at amatanganan kanya gfoyung sanya fag ngay taw Dius at longan, laman gfaning tua gugat tam Fun.

Alubad. 119:176

Kata au sik tupa at nalyam yud nasaful dalan, nu katanya, rvbvyi angku am fagsuguan, aroro dakdi nalyam am ngay suguan.

Filipus 2:17

Ay fagafanudun ay ay fagfaningun sa tam Fun kata sik fanggalangun sa anya. Ay ku taguk dewa umbusbus gasfuan ay fanggalangun, guseganan au, ay gfasfuan kban ayu guseganan.

Fakamulun 15:3

Nu katanya, ngay tagafanud sis furuan Antiukya nasugu duama ay tiba yak tagafanud. Ay kanya fagayu gina gdalan sas talun Fenisya ay Samarya, nafasaful te, e ngay yud Udyu tagafanud wan sas Isus. Ay sanya fag ngay tagafanud maksvn nu guseganan.

Uan 15:14

Am wan ku ngay fagadgalangan nu gfaning tuam ku ngay suguan.

Uan 3:29

Sa sik fainduganan, kanya wan at ke fagmasineun nangadadwa sat fabubayan. Ay nu gakadadwaun wan, at fainduganan at fagadgalangan gfanya anya, ay nu nadungug at aringang, maksvn nu guseganan. Katanya kyangay, maksvn nu guseganan au.

Lukas 15:7

Glong au ayu te, katanya yangay sik tagasalanan nu naubun at ngay asalanan, e guseganan ban sas banwa gtungud yay nu guseganan sa sik masine fag ngay taw at yud e fagubunun at asalanan.

1 Pedru 2:10

Ebi, bunwam Dius at ngay taw, dewa katanya, katsi am wan Dius at nafili. Ebi Dius wa kafanyu ayu, ay katsi kafanyu tua ayu.

1 Tesalunika 2:19

Aroro am wan em fagsegun, ay em fagusegananun ay em fakamatungudunun em foyungan ban sa tam Fun Isus at daga salubangan gina ban anfoli.

Filipus 4:1

Nu katanya, ku fakesugun ku ngay faduksay, faksvni ay fagmasadiun sa tam Fun. Gyalagun au ayu. Am wan ku fagusegananun ay ku fakamatungudunun.

Filipus 1:4

Galay au gdarangin ayu, guseganan au

Lukas 1:58

Elisabet at ngay fasabale, anggan at ngay kalongan, nadungug te, tam Fun maksvn nu ggubuk Elisabet. Ay kanya fagayu gfasfuan Elisabet guseganan.

Lukas 15:5

Ay nu nalag wam, guseganan am gfasanan,