Lukas 15:29 - Fanawbuid tagsibaliwas Fakayabian

²⁹ “Ay kafag baguama nabalus te, ‘Amatangani, ngayu wak banwa nu gfaning au emu kata sik fagsuguan, ay kwe nafamabo am longan. Dewa katanya, wo e nafon angku nusdi sadik riangan kambing laman guseganan au gasfuan ku ngay fagadgalangan.

Lukas 15:29 Referans Kwoze

At Nafasure 3:17

Glong am te, ‘Maramraman ami, ay ngayu em fagagbilugun nusnge wain, ay wami e fagayudanun ya.’ Ay dewa katanya wam nasaful te, gafalingunan way am ay afanyuan, ay wam e kwa, ay wam glag, ay malulasan way am.

At Nafasure 2:17

“Nusnga sinu at ke talinga, dungugani at Masine fag Falad at longan sa sangay tagafanud. Nusnga sinu ban at nababo, gfon kban at masuksukan fag fakonun tagsiginans banwa. Ay gfon kyangay ban sas galay at sadi sanya fag ngay taw sik gang malaksi marirukan at mesa ngayan bagu, we taw nasaful nu bunway at nabul way lang ban fag taw.

Ruma 10:3

Aroro wa nasaful te, setain Dius nu gtap sik taw kata nu yud e asalanan. Kanya fagayu nu gugatan sa way at sadili balyawvtan ay wa nafaning Dius at balyawvtan.

Ruma 7:9

Ebi taguna, kwa saful sabaliwas Faugali, dewa katanya, fagnasaful kdi, asalanan ngaro gleleg si angku, ay kanya nataban angku sas fakabulun.

Lukas 19:21

Aroro kalimu au emu, aroro malimu tuo. Gbul o, deyud o at nafon, ay ggutlu o, deyud o at natanum.’

Lukas 18:9

Isus nafoyung tuy fag faydayuanan sa sangay taw takauri at usama ay tagamatangan te, matuyan at fakamulun.

Lukas 17:10

Katanyai yangay ay fakamulun, nu nafakamulun wam at fafakamulun sa ayu. Longi te, ‘Sik ngay fagsuguan way mi, gfakamulun way mi em fakamulun.’ ”

Lukas 15:7

Glong au ayu te, katanya yangay sik tagasalanan nu naubun at ngay asalanan, e guseganan ban sas banwa gtungud yay nu guseganan sa sik masine fag ngay taw at yud e fagubunun at asalanan.

Mateu 20:12

Glong te, ‘At ngay kindasug taguyan fag tagfakamulun sik kadugayan way sirut nu gfakamulun, ay ami nu gfakamulun ami, dewa masugba, fagngaba tuak menit. Ay gsudsudan way am famayad sa emi fagayu.’

Malakyas 3:14

Nalong am te, ‘We masuad tagfaning Dius. Nataw ban at fanambagun sa antam nu nafaning tam at ngay suguan? Ay nataw ban at fanambagun sa antam nu nafalag tam te, kabalu tam ay gubun tam ngay asalanan sis Yawi at Mabalyanan at daga salubangan?’

Isayas 65:5

Ay kanya fagayu glong sat iba te, ‘Lag kakbang angku; mansik masuya au. Aroro kdi kata emu au sik yud ktua e malong!’ Maksvn nu kauri au takatanya fag ngay taw. Ay nu kadotama au anya fagayu kata sik afuy tagigang fagngabak menit.”

Ruma 3:27

Wa tam masine ya kamatungudun, aroro Dius nu gtuyan antam kata nu yud tam e asalanan bunwa siginan nu gfaning tam Muisis at Faugali nu bunway siginan tua tam fagafanudun sas Isus.

Ruma 3:20

Aroro Dius wa gtap nusnga sinu fag taw kata nu yud e asalanan, siginan nu gfaning Muisis at Faugali, aroro kafag Faugali gfasaful te, fagayu taw e asalanan.

Lukas 15:28

“Ay at kaka fag baguama kadotama ay wa kaylat gsakbo. Nu katanya, at mama naduksun ay nafalukmeanan te, ‘Baguama, sakboi wan.’

Lukas 15:30

Ay tuy, am baguama, ebi at nafamin am ramraman sat fagfanugtugun, nu ndasug, gfilas tuo fia tam nafataglu fag baka riangan.’