Lukas 14:22 - Fanawbuid tagsibaliwas Fakayabian

²² “Ay at fagsuguan nu nfoli wan, nalong te, ‘Fagtainan, nafaning kwan am longan, ay ya mapnu am bale.’

Lukas 14:22 Referans Kwoze

Uan 14:2

Si ku Mama at bale ngayu fag suluk. Kwa ro nafoyung sa ayu te, glo kwan laman namalganan ay fagbanwanan nu dway katanya.

1 Uan 2:2

Kanya wan Dius at fanggalangun famalyam tam asalanan, ay bundi itam lang at ke asalanan, anggan tua ngay taw sas fagdaul daga at ngay asalanan.

Kulusas 2:9

Aroro Dius at fagmadiusun siwa tam Fun Isus.

Efesu 3:8

Ay sas fagayu taw Dius at nafili, au wan at yud e tungkul. Dewa katanya, Dius nafon angku at fagmasineun gfayamag sas yud Udyu fag ngay taw sabaliwa tam Fun Isus at fagmasineun yud e gfasud,

Alubad. 130:7

Ngay taw Israel, afanudi sas Yawi, aroro kanya tua at mafangesug ay at mafalganan gfalangfe.

Alubad. 103:6

Yawi nu ginsaful matuyan tua sas fagayu tagafalingunan.

Lukas 14:21

“At fagsuguan anfoli ay nafoyung sat fun. At fun kadotama ay nalong sat fagsuguan te, ‘Masakiti sa sangay dalan ayu daul ay sa sangay dalan ayu sirut sa tam furuan, ay fastei ngay taw at yud e kwa, ay at yud mafalelegan at take ay at bitis, ay at yud glag, ay anggan at yud malo.’

Lukas 14:23

“Ay at fun nalong sat fagsuguan te, ‘Loi wan sas talun fag ngay dalan, ay fabuluni gewani ngay taw, laman umkapnu ro ku bale.’