Biblia Todo Logo
Bib sou entènèt

- Piblisite -




Lukas 14:11 - Fanawbuid tagsibaliwas Fakayabian

11 Aroro sik taw nu kamatungudun way, abandi ban e gfababa anya, ay nu kamababaun tua, abandi ban e gfabat anya.”

Gade chapit la Kopi




Lukas 14:11
24 Referans Kwoze  

Ay Isus glong yay fia te, “Gfoyung au ayu te, kanya fag taw gina guli, Dius natap anya kata sik taw at yud e asalanan, ay duan kafag taw Fariseu. Aroro nusnga sinu nu kamatungudun way, abandi ban e gfababa anya, ay kanya nu kamababaun tua, abandi ban e gfabat anya.”


Ay nusnga sinu takamatungudun, abandi ban Dius gfababa anya, ay takamababaun, Dius ban gfabat tua anya.


Sik taw takamatungudun gfae fakaplaun anya, dewa katanya, sik taw takamababaun gfae fagusegananun tua at sadili.


Ay Dius at nafon sa antam at gubuk kasakan wan. Nu katanya, anriruk sis Dius at Longan te, “Dius wa gfadiuganan takamatungudun fag ngay taw, dewa katanya, kafanyu tua nusnga sinu takamababaun.”


Ay am fag ngay baguama, faningi tua ay ngay fagtainan bale fakafulan. Ay fagayu am fadfababaunani tua, aroro marirukan sis Dius at Longan te, “Dius gsalag fagayu taw takamatungudun, ay ggubuk fagayu takamababaun.”


Takamatungudun fag taw gfauri way at sadili, dewa katanya, takamababaun gfae fagusegananun at sadili.


Famababauni sa tam Fun at daga salubangan ay kanya namabat ban ayu ke fagusegananun.


Yawi, o wan tiba tungud, ay galaga tuo ngay taw at yud e kwa. Dewa katanya, kayayu way o siginan sangay taw takamatungudun.


Ay ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag,


Ay gfalangfe tuo takamababaun, dewa katanya, gfababa o takamatungudun fag ngay taw.


Ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag.


Sik taw nu gsuyu tua Yawi, kae fagsafulun, ay takamababaun, e gfauseganan anya.


Ay sik taw nu kamomuy, darangini sas Dius te, fabitsugi anya, ay Dius ro ggubuk kafag taw.


Samwel nalong te, “Nu gdama o am sadili dewa o sik mafalingun, Yawi nafili tua emu laman ngay taw Israel at fun.


Dius nafalag at mabalyanan fag fakamulun. Ay kanya naiyan wan fagayu takamatungudun sat amatanganan.


Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.


Ay gfalangfe tuo takamababaun, dewa katanya, gfababa o takamatungudun fag ngay taw.


Wa masine gfasonun nu ginum deut, ay lag yangay grvbvy ngay taw laman tagfauseganan emu.


Dius nafababa ngay funan siginan at fagmafunanun, ay nafabat ngay taw tagafalingunan.


Isus nalong yangay sat nagewan anya te, “Nu nafalganan o ngay fakonun sim bale, am faggewanun say bale dangay ay ngay fagadgalangan ay am ngay faduksay ay am ngay kalongan ay anggan am ngay fasabale at maramraman. Aroro kanya ban fagayu, ggewan yangay emu sat bale.


Sik tagafanud at yud e kwa, masine nu guseganan te, Dius nafabat tua anya.


Nu katanya, famababauni tua sas Dius at daga fagmabalyananun, ay kanya ban gfabat ayu nu ndasug sit filian fag menit.


Fun nalong sas Aman te, “Agvd, namul o at sadi ku lanbung ay ku kabayu, ay namakamulun o fagayu am nalong sas Mardukyu, kanya fag taw Udyu at malunggung si ku day sakbawan bale. Tuyani fia te, umfasludan fagayu am ngay nalong.”


Swiv nou:

Piblisite


Piblisite