Lukas 13:33 - Fanawbuid tagsibaliwas Fakayabian

³³ Dewa katanya katsi ay balabag ay anggan at dayu fag menit glo kwan, aroro wa masine sik taglong nu kabul nu dway sis Erusalem.

Lukas 13:33 Referans Kwoze

Lukas 9:53

Ay tagsanya fag ngay taw wa kaylat gfasakbo Isus, aroro Isus at fagyadasugun fia sa tuas Erusalem.

Mateu 21:11

Ay tibak taw nabalus te, “Kanya Isus, Dius at taglong tagsiginans furuan Nasaret sis talun Galilea.”

Fakamulun 13:27

Dewa katanya, ngay taw Udyu tagbanwan sis Erusalem ay anggan at ngay tagfangguna wa natoglag te, Isus wan Tagfalangfe. Ay kanya fagayu dewa gtap ngay taglong at foyungan galay Famiangalay fag Menit, wa nyamag. Ay kanya yangay fagayu at nafafasludan kafag ngay foyungan gina nafaurianan Isus sas fakabulun.

Mateu 20:18

“Amatangani, katsi sa watams Erusalem. Ay sanya ban e moyung angku, Taw at Baguama, sa sangay fun tagfon fanggalangun ay sa sangay tagfoyung Muisis at Faugali. Ay kafag ngay taw ban nanfantabugan angku laman namabul,

Uan 11:54

Ay Isus wa galagan ya ngay taw Udyu, nu bunway nasa way sik furuan at munakbang sis talun at yud e taw. Kafag furuan at ngayan Efraim. Ay Isus gbanwan sanya magamut at ngay tagadal.

Uan 9:4

Kaduge mamenit yay, masine nu gfakamulun tam at nasugu angku at fagyafakamulunun. Aroro nu nyabi wan, we taw ya mafakamulun.

Uan 4:34

Isus nafayamag sat ngay tagadal te, “Ku fakonun namakamulun au at nasugu angku at fakaylatun, ay namatabu au at fafakamulun sa angku.

Fakamulun 10:38

Ay nasaful am te, Dius nafon at Masine fag Falad ay fagmabalyananun sas Isus tagsiginans Nasaret, ay nasaful yangay am te, nusnga nday kanya nu glao, gfakamulun gugat at masine ay gfafia fagayu tagsis daga Satanas at fagmabalyananun, aroro Dius gufud tua anya fagayu.

Uan 12:35

Isus glong sa anya fagayu te, “Wa ban glugo ya fagmayamagun nu si ayu. Fataglayuni nu glao am kaduge mayamag, laman diam gaduluman. Nusnga sinu taglao sad dulum wa glag at dalan.

Uan 11:9

Isus glong anya te, “O nunda sik menit, wa labi duak uras? Sik taw nu glao nu swa menit tua di kataid, aroro mayamag tua.