Lukas 12:48 - Fanawbuid tagsibaliwas Fakayabian

⁴⁸ Ay sik fagsuguan nu dway nasaful at tagfayafun at fakaylatun, at fakamulun dewa sak gafaurianan, di maksvn nu gafaurianan. Nu ngayu way at nafon sa sik taw, ngayu yangay ban at fagnamulun siginan anya. Ay nu ngayuk fanambagun at nafatigwanan sa sik taw, ngayu tua ban nangus at nafakamulun.”

Lukas 12:48 Referans Kwoze

Santiagu 3:1

Ku ngay faduksay, lag am ngayu takaylat nangasik takamoyung aroro nasaful wam te, Dius ban nu ginsaful emi fag ngay takamoyung, aksvn yap tua nu ginsaful tibak taw at asalanan.

Lebitiku 5:17

“Sik taw nu dway nafaning Yawi at suguan, ay doma at algan, kanya e asalanan wan.

Uan 15:22

Nu dakway ro nastie ay nafoyung sanya fag ngay taw, satu ro kanya fagayu we asalanan. Ay nu katanya, katsi kafag ngay taw we famanlonganan ya te, ‘Wami e asalanan.’

Mateu 13:12

Sik taw at ke kwa, e gfamut yay ban laman umkayu tagsi anya. Ay sik taw nu alay way tagsi anya, e namul yay ban siginan anya.

1 Timuteu 1:13

Kanya nafili angku dewa au nalong at mauri sa anya ay dewa au nafauri ay nafalingun anya. Ay dewa katanya, Dius anfanyu yay angku, aroro gina au yud gafanud sa anya, kya saful ku fakamulun.

Fakamulun 17:30

Ebi taguna fag ngay buknga Dius wa nasalag taw at fagyudun e fagsafulun. Ay katsi Dius nasugu sas fagayu taw te, Ubuni wan ay ngay asalanan.

1 Timuteu 1:11

Kanya fag foyungan siginan at Masine fag Barita sabaliwa tam Dius at mabalyanan ay tam fagfausegananun. Dius nafatigwanan sa angku laman gfoyung au sabaliwa kafag Masine fag Barita.

Lukas 16:2

“Nu katanya, kafag maramraman nagewan at fagfatigwanan ay nainto anya te, ‘Nataw ku dungganan am nafakamulun? Fastei am rirukan ku ramraman at kayuan, aroro bunwa ban o ya ku fagfatigwanan ku ngay ramraman.’

1 Timuteu 6:20

Timuteu, bakvdi at nafafatigwanan sa emu fag ngay foyungan. Ay saruyi fagayu tagste swa daga yud e tungkul fag kamatoanan, ay tagbadbaboan sabaliwa at yud mafanud fag fagsafulun.

Titu 1:3

Ay katsi wan Dius at nafalganan fag buknga nu gfasure at foyungan sabaliwa kafag leleg. Ay Dius tam Tagfalangfe nafatigwanan sa angku laman kamoyung au kafag foyungan.

Tap 15:27

“Dewa katanya, nu sadi way lang fag taw at nasalan bunwa at algan, kanya gbuba sik tina kambing tagsadik banwa laman fanggalangun famalyam asalanan.

Deuterunumyu 25:2

ay taginsaful nu nalong way te, “Faurianani at ke malong,” falubi anya sis salubangan taginsaful ay falangi anya nu se aksvn at asalanan.

Lukas 12:41

Pedru nainto te, “Em Fun, o sa way lang emi am fagyafadungugun am nafoyung fag faydayuanan, ay o mannga sa tuas fagayu taw?”

Lukas 12:49

Isus nalong te, “Andasug au, laman namuba sik afuy sas fagdaul daga, ay ku fakaylatun nangus ku ba afuy gigang wan.

Mateu 23:14

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Aroro gfamin am ngay fagbubayun at ramraman. Ay kamatungudun am siginan nu gdarangin am tangaba. Nu katanya way ay fakamulun, kaugat yay ban nu gafaurianan am.