Lukas 12:42 - Fanawbuid tagsibaliwas Fakayabian

⁴² Ay tam Fun nabalus te, “Katatuy at matuyan ay at mamatanganan fag tagalaga. At tagfayafun nasugu anya te, ‘Alagai ku ngay fagsuguan ay fafangoni tua anya fagayu galay fanfangonan.’

Lukas 12:42 Referans Kwoze

Ebreu 13:17

Faningi tua ay ngay tagfangguna aroro kanya fagayu tagalaga ayu sabaliwas fanfalad fag famanwanun. Ay sa ban tibak menit kanya fagayu mesa namoyung sas Dius sabaliwa at ngay nafakamulun. Nu gfaning tuam anya fagayu, kanya fagayu guseganan tua gfakamulun at ngay fanambagun, ay di gidapan. Aroro nu gfaidapan way am anya fagayu, we fanambagun sa ayu.

Ebreu 13:7

Amatangi ay ngay tagfangguna at nafoyung Dius at longan sa ayu, ay amatangani nu setain kanya fagayu nu gugali at matuyan anggan anbul, ay faningi tua kafag ngay taw at ke fagafanudun.

2 Timuteu 4:2

nusnga ginain, mafalganani nu gfoyung o Dius at longan; turuni tagdungugan emu at ngay ugali siginan am longan, ay salagi nu gfakamulun at yud matuyan, ay faksvni at ngay amatanganan siginan nu gugatan o gfoyung.

1 Timuteu 5:17

Foni fia at kasakan sa sangay tagfangguna ngay tagafanud, kaugat wan sat maseganama nu gfoyung ay gfasaful Dius at Longan.

1 Pedru 4:10

Dakngani Dius nafatigwanan wan sas galay sadi antam at famonun, fakamuluni fia at nafon sa antam fag ngay fanambagun laman e tungkul tua sas fagayu taw.

Titu 1:7

At masine sik fagtainan di e kafoyung te, mauri, aroro kanya sik fagfatigwanan Dius at fakamulun. Ay kanya di kamabatun, ay di gfangadotama, ay di glanguan, ay di kamawayan, ay di gfangalabian salapi.

Fakamulun 20:28

Dirii ay sadili, ay fagayu tagafanud at Masine fag Falad at nafatigwanan sa ayu laman galaga Dius at furuan, at nabayad siginan at sadili taguk.

Mateu 20:8

“Ay menit nu kafalyu wan, kafag tagagbilug nalong sat tagalaga te, ‘Fastei at ngay nanamakamulun sa ku tanuman, ay bayadi at nalufuyan. Nu gbayad o, fasigadi siginan taguyan at kindasug ay fatabui sat taguna.’

Esekyel 34:3

Kon am at kindai fag fakonun at mawatan siginan ay fagalagaun fag ngay tupa at susu bilug, ay at ngay balat kawat am ay ngay lanbung, ay gfilas am at mafilian fag ngay tupa, dewa katanya wam galaga anya fagayu.

Isayas 50:4

Yawi tam Fun nafoyung angku ku fagnanlongun laman namabitsug au at ngay mamomuy. Kayu balabag Yawi gfulo angku laman gdungugan au at foyungan.

Fangatulun 15:23

Sik taw guseganan at famalus nu matuyan tua, kaugat wan at famalus nu si tua fia at kasakan fag buknga.

Ebreu 3:5

Muisis, Dius at fagsuguan, matuyan tua nu gfangguna Dius at ngay taw, ay fagayu at nafakamulun sik fafaskudanan sabaliwa takafasludan yay ban.

1 Timuteu 3:15

laman deyud au vtv andasug, sumaful o at masine Dius at ngay sisian at ugali. Itam wan tagleleg fag Dius at ngay taw, ay itam wan tagbakvd ay tagsarig sas fagmatuyanun.

Lukas 7:13

Ay tam Fun, nu nalag kafag fagbubayun, kafanyu, ay nalong te, “Lag o gwayway.”

Mateu 13:52

Ay Isus nalong yay fia te, “Nu katanya, fagayu at nadal Dius at Longan ay at kinsik tagadal sas Dius at fagfagtainanan, kanya kata sik tagagbilug bale at nafasure siginan at fagfungsuan at bagu ay at taglugo fag ramraman.”

Eremyas 23:4

Ay nanfili kban sik ngay tagfangguna at nangalaga tua anya fagayu. Ay kanya ban fagayu di e fakalimuun ya ay we fagafanawaun, ay wa ban e kalyam ya. Au, Yawi, taglong tuy.”

Fangatulun 27:18

Sik taw nu galaga tua sik fun kayu, maon tua ban at rawvg, ay nusnga sinu at nafaning at tagfayafun gfauseganan tua ban anya.

Fangatulun 31:15

Kanya masurip nu kafulo laman namalganan at talanan at fakonun, ay laman nanlong sat ngay fagsuguan fag ngay mangena at ngay fakamulun.

Lukas 7:19

Ay Uan nauro at tagadal at dua, ay nasugu laman nanginto sa tam Fun te, “O o wan ebi at foyungan tagakadasugun, ay o mannga gfanya yay ban mi?”

Lukas 12:43

Mauseganan kafag fagsuguan, gina at tagfayafun kadasug, nu gfakamulun tua fia at fakamulun.

Nu Galin 36:4

Nu katanya, ngay tagfakamulun nangakbang sas Muisis ay nalong te,

Fangatulun 12:8

Ngay taw gfauseganan tua sik taw ke fagsafulun, dewa katanya, sik taw at amatanganan nung way kamalingun, mauri way.