Lukas 12:37 - Fanawbuid tagsibaliwas Fakayabian

³⁷ Mauseganan ngay fagsuguan at mafuloan tua gugat gfanya at tagfayafun nu kadasug. Matuyan nu glong au ayu te, at tagfayafun namalganan at sadili ay namalunggung at ngay fagsuguan ay namon anya at yafun.

Lukas 12:37 Referans Kwoze

2 Pedru 3:14

Nu katanya, ku ngay fakesugun, kaduge am gfanya, ugatani laman ban kanya nu ndasug ay ugali masine tua ay diam e malong ay manabayan tuam sit daga salubangan.

Mateu 24:42

Nu katanya, mafalganani tua gugat, aroro wam nasaful te, ginain ay Fun nu kadasug.

Filipus 1:23

Gawabilugan au te, inday tuy fagdua at masine: kabul kwan ay mannga gleleg kyay. Kaylat kwan gfalyam ku leleg katsi laman gfaday tigyangan kwan tam Fun Isus, aroro tuy wan tiba tungud at masine sa angku,

1 Kurintu 2:9

Kata at Rirukan te, “We taw nalag ay we taw nadungug ay we namatangan sabaliwa Dius at nafalganan sas fagayu takesug anya.”

At Nafasure 14:13

Ay nadungug au sik aringang siginans banwa nu glong te, “Riruki takatatuy, Siginan katsi, mauseganan at kinbul tagafanud sa tam Fun.” Ay at Masine fag Falad glong te, “Sabv ngaro. Kanya fagayu gfiangalay ban siginan at nainlufuyan, aroro Dius gfon ban sa kafag ngay taw kata at nafakamulun.”

2 Pedru 1:11

Nu katanya, Isus, tam Fun ay tam Tagfalangfe, namaful ayu sat fagfagtainanan yud e fakatabuan ban kabavn.

Uan 12:26

Nusnga sinu takaylat nangafagsuguanan angku, aloi angku. Ay nusnga nday au, anggan kanya sanya yangay. Ay ku Mama gfauseganan nusnga sinu tagfaning angku.

Lukas 21:36

Nu katanya, kabavn mafalganani ay mafandarangini laman mababo tuam takadasug ban fag fagidapun, ay laman ban manangalindug tua ban am sas Taw at Baguama at daga salubangan.”

Isayas 62:5

Kanya at nawat emu, ay nangadadwa ban sa emu, kata sik baguama nu nangadadwa sa sik baguina. Ay nu setain sik baguama nu guseganan at fabubayan, katanya yangay am Dius nu guseganan emu.

At Nafasure 7:17

aroro Tupa Riangan at malunggung sis faglunggungan tagsis wabilug, kanya ban tagalaga kafag ngay taw. Ay kanya ban nantabanan kanya fagayu sa sik ngay bulbug tagfon leleg. Ay Dius ban garus kafag ngay taw at liasun.”

At Nafasure 3:21

Ay nusnga sinu ban at nababo gfalunggung au sa sik faglunggungan tagsi ku day faglunggungan, ay kanya ban kata angku at nababo ay at malunggung si ku Mama at day faglunggungan.

Filipus 1:21

Aroro dewa au gleleg yay, tam Fun Isus tagagbilug ku leleg, ay nu nbul kwan, e tungkul kwan.

Lukas 17:8

Duan! Am longan glong way o te, ‘Seudi yap ku yafun ay fasinei am lanbung ay bubai am sineud sas fagfangonan, laman au taguna takon ay taginum, ay nu ntabu kro, o man at nanfangon.’

Lukas 12:43

Mauseganan kafag fagsuguan, gina at tagfayafun kadasug, nu gfakamulun tua fia at fakamulun.

Sefanias 3:17

aroro Yawi gufud tua ayu. Kanya kata sik maseganama fag tagfawayan at namalangfe ayu. Yawi guseganan ayu ay aroro kesug tua ayu, kanya gfon ayu sik bagu fag leleg. Kanya galubad guseganan laman sa ayu,

Eremyas 32:41

Kaylat au namakamulun sa anya fagayu at masine ay sas fagdaul ku amatanganan namabanwan au anya fagayu stie fag talun.”

Lukas 12:36

Faningi sik ngay taw tagfanya tua at tagfayafun nu kafoli siginan sik fakadadwaan, ay kanya nu ndasug ay natuk sakbawan, at ngay tagfanya gluang tua vtv.

Lukas 22:27

Inday ro manga at tiba tungud tuy fag dua? At malunggung sit fagfangonan, ay mannga at namuba sa anya at fakonun? At malunggung tua, o kin. Au wan tagalo ayu kata sik tagbuba ay fakonun.

At Nafasure 16:15

Kanya fag tuluk falad nafaful kafag ngay fun sa sik talun, at ngayan sas Ebreu fag fangaringang te, Armagidun. Isus nalong te, “Amatangani, kadasug kban kata sik tagfangkamul. Mauseganan ngay taw at mafuloan tua gugat, ay tagfasine tua gugat at lanbung, kanya ban nu glao, di malulasan ay di kapla sa sangay taw.”