Lukas 12:31 - Fanawbuid tagsibaliwas Fakayabian

³¹ Abat ngate am gafanawa, ugatani yakman te, setain Dius nu gfagtainan fia ayu, ay Dius gfon ban sa ayu fagayu ay fagayudanun.

Lukas 12:31 Referans Kwoze

Mateu 6:33

Abat ngate am gafanawa, ugatani yakman te, setain Dius nu gfagtainan fia ayu, ay ugatani nu gfaning am at fakaylatun, ay Dius gfon ban sa ayu fagayu ay fagayudanun.

Ebreu 13:5

Lag am galabian salapi. Useganani wan nusnga seyu ay ramraman. Aroro Dius nalong te, “Kdi gubun ay kdi gfabayan emu.”

Alubad. 34:9

Yawi at nafili fag ngay taw, suyui tua anya, aroro kanya gfon nusnge wain sas fagayu tagsuyu anya.

1 Timuteu 4:8

E tungkul tua nu gfananad tam tam bilug laman kabitsug, ay dewa katanya, gtungud yay nu e tungkul nu gfaning tam tam Dius, aroro e fanggubukun tua ban sa tam leleg katsi ay anggan sa takadasug ban fag leleg.

Uan 6:27

Ay fagugatanun gfakamulun dangay sa takadan fag fakonun, nu bunway sa tua at yud kadan fag fakonun tagfon leleg at yud e fakatabuan. Au, Taw at Baguama, gfon au sa ayu takatanya fag fakonun, aroro Dius nafalag sa sangay taw te, ‘Matuyan ku Baguama at fakamulun.’ ”

Alubad. 84:11

Yawi em Dius, o wan em tagbalabag, ay em taggubuk, ay nafasik takadungug o emi, kata menit nu gyamag sa emi. Ay di o gsuksuk nusnge wain at masine sas fagayu tagugali at matuyan.

Ruma 8:31

Nataw ya tam longan sa takatanya fagayu? Dius nu siwa antam, sinu at mafabadbaboan antam?

Alubad. 37:3

Afanudi sas Yawi, ay fakamuluni at masine. Ay gbanwan ban o manabayan iste fag talun.

Alubad. 37:25

Siginan nu masisian au dasug katsi, kya batang glag Yawi nu gfabayan at matuyan fag ngay taw, ay at ngay sisian nu gfangetan.

Isayas 33:16

Takatanya fag ngay taw at kumlangfe siginans faurianan. Kanya nu gbanwan kata nu si tua tangabat ay at mogat fag furuan, sit ke tagbia fag ngay gang fagsarirungan. Ay wa ban kamin at fakonun ay at fanginum.

Alubad. 37:19

Kanya fagayu dewa anke fagidapun, di kapla, ay dewa andasug fanlunus, kasakan tua gugat.

Lukas 10:42

Sadi way sik taw at fagayudanun fia. Ay Maria nafili at masine, ay we mafaago siginan anya.”

Lukas 12:30

Aroro fagayu taw at yud gtoglag Dius, kabavn grvbvy takatanya, ay ay Mama nasaful wan nusnge wain ay fagayudanun.