Lukas 12:18 - Fanawbuid tagsibaliwas Fakayabian

¹⁸ “Ay kanya nalong te, ‘Nasaful kwan ku fakamulun. Nangiklas kban ku bale famoy ay gdog kyay nangawat labi yap tua aro taw. Ay sanya ban nu gfasakbo au ku gutluan ay ku ramraman.

Lukas 12:18 Referans Kwoze

Santiagu 3:15

Takatanya fag fagsafulun bunwa siginans banwa. Siginan ways fagdaul daga, siginans taw at amatanganan ay siginans Satanas.

Santiagu 4:15

Nu katanya, katatuy yakman ay longan: “Tam Fun nu kaylat, ay nu gleleg yay ban tam, sanya ban tam, laman namakamulun.”

Lukas 18:6

Tam Fun nalong te, “Amatangani at yud matuyan fag tagwabilug at longan.

Lukas 12:21

“Katanya ban sik taw at nafungsu at ngay ramraman ste swa daga, ay wa ngap maramraman sas Dius.”

Lukas 18:4

“Ebi taguna kafag tagwabilug kauri ggubuk, ay abandi kanya namatangan te, ‘Dewa yud au gseg Dius, ay deyud au kafanyu ngay taw,

Alubad. 17:14

Siginan am fagmabitsugun, falangfei angku sanya ginan fag ngay taw, aroro at fagamatanganun tagste way lang sfagdaul daga. Gfamut o at ngay ramraman, ay gfayu o at ngay sisian, ay kanya fagayu gfagbilug at ngay ramraman sat ngay kasugfunanan.

Mateu 6:26

Amatangani ngay manuk tungud, we tanum ay we gutluan, ay we fungsuan, ay dewa katanya, ay Mama sas banwa gfon tua gugat at fakonun. Ay ay kamafanudan gtungud tuam ngay manuk tungud.

Lukas 12:17

Ay kanya gamatangan te, ‘Tain ban ku fakamulun? Aroro kwe fagfasakboan ya tiba ku gutluan.’

Lukas 12:19

Ay glong kban sa ku sadili te, Katsi ku ramraman ngayu tua, kasakan wa ban dewa ngayuk banwa. Kamato kway ban lang ay gfangon ay ginum ay anggan guseganan.’

Lukas 12:24

Amatangani te, sik ugak we tanum ay we gutluan ay we fungsuan. Dewa katanya Dius gfon tua gugat at fakonun. Ay ay kamafanudan gtungud tuam ngay manuk tungud.

Santiagu 4:13

Dungugani, nusnga sinu am taglong te, “Katsi ay mannga balabag, glo ami sa sik furuan, ay sik banwa ban nu sanya ami, ay namalao ban mi nusnge wain, ay ngayu ban em bulan.”