Lukas 12:17 - Fanawbuid tagsibaliwas Fakayabian

¹⁷ Ay kanya gamatangan te, ‘Tain ban ku fakamulun? Aroro kwe fagfasakboan ya tiba ku gutluan.’

Lukas 12:17 Referans Kwoze

Mateu 5:42

Foni sas nusnga sinu taget sa emu, ay faulbusi yangay sat nangulbus sa emu.

Isayas 58:7

Foni fakonun sas fagayu takalunus, fasakboi sa ay ngay bale at yud e kwa, foni lanbung sat yud e lanbung, ay gubuki ay ngay kalongan.

1 Uan 3:16

Katatuy tam fagsafulan fakesugun at masuad: Isus nafon at leleg sa antam. Ay at masine nu gfon yangay tam tam leleg sa tam ngay faduksay.

Ruma 12:13

Gubuki tua Dius at ngay taw at ke fagayudanun. Kabavn mafalganani nu gfasakbo am ay betaw at yud e fagtaglayunan.

Fakamulun 16:30

Ay kanya nafaduksun duama ay nainto te, “Duama, tain manga at masine ku fakamulun laman ban umlangfe au?”

Lukas 19:17

“Ay at tagfayafun nalong anya te, ‘Masine tuo. Matuyan o fag fagsuguan, aroro matuyan tuo sa talay fag fakamulun. Katsi ban o wan tagfunan safuluk furuan daul.’

Lukas 18:22

Isus nu nadungug katanya, nalong sa kafag mangama te, “Dewa katanya, sadi ya am kurang. Falaoi am ramraman fagayu ay at nagbulan foni sat yud e kwa, laman e ramraman tua ban o sas banwa. Ay sanya ginan, aloi angku.”

Lukas 16:9

Ay glong au ayu te, ay ramraman, kanya ay famagadgalangan ngay taw, laman ban nu namin wan, e gfasakbo tua ayu sa sik fagbanwanan at yud e fakatabuan.

1 Timuteu 6:17

Foyungi sat ngay maramraman at ke fagagbilugun nusnge wain ste swa daga te, lag kamatungudun, ay lag gseg takatabu fag ramraman, nu bunway segi tua Dius tagfon antam tam fagayudanun yud e fakatabuan, tagfae fagusegananun antam.

Fakamulun 2:37

Kafag ngay taw nu nadungug, gafanawa ay ginto sas Pedru ay sa tibak nasugu te, “Em ngay faduksay, setain ban manga em fakamulun?”

Lukas 16:3

“Ay at fagfatigwanan namatangan te, ‘Ku fun gaiyanun wa angku, bunwa ban au ya at fagfatigwanan. Tain ro ku fakamulun? Kwa makatu ggamas ay kapla kway gfangetan.

Lukas 12:33

Falaoi ay ramraman ay foni at nagbulan sa sangay taw at yud e kwa. Katanya nu gbul am sik fagsuadan ramraman at yud karasras, ay anggan at yud e fakatabuan fag ramraman sas banwa. Aroro we madasug sanya ngay tagfangkamul, ay we fatung at manamin ay ramraman.

Lukas 12:29

“Lag gafanawa sabaliwa ay fakonun ay ay fanginum.

Lukas 12:22

Sanya ginan, Isus nalong sat ngay tagadal te, “Lag am gafanawa te, daginan ban ay fakonun, ay ay lanbung.

Lukas 11:41

Foni tua sat yud e kwa laman masine tua fagayu tagsi ayu.

Lukas 10:25

Ay sanya ginan, sik tagfoyung Muisis at Faugali anlindug laman gfaskud Isus. Kanya nalong te, “Takamoyung, setain ku fakamulun, laman magbilug ktua ban leleg at yud e fakatabuan?”

Lukas 3:11

Ay Uan nabalus te, “At ke lanbung dua, foni at sadi sat yud e lanbung. Ay at ke fakonun, foni tua sat yud e fakonun.”

Takamoyung 11:2

Am salapi fasai tua tagsaman saman fag famaloun, aroro wo saful nusnga setaw takadasug fag ngay mauri stes fagdaul daga.

Mateu 16:7

Ay at ngay tagadal gkamatoan sit dayu te, “Isus at fagnalongun katanya aroro wa tam namatang gbuba fakonun.”

Lukas 12:16

Isus nafoyung sik faydayuanan te, “Ebi, e sik taw maramraman. Ay siginan at gamasun ngayu at gutluan.

Lukas 12:18

“Ay kanya nalong te, ‘Nasaful kwan ku fakamulun. Nangiklas kban ku bale famoy ay gdog kyay nangawat labi yap tua aro taw. Ay sanya ban nu gfasakbo au ku gutluan ay ku ramraman.