Lukas 12:15 - Fanawbuid tagsibaliwas Fakayabian

¹⁵ Ay Isus nalong sanya fag ngay taw at maful te, “Amatangani, lag am gfanganuran nusnge wain, aroro sik taw at leleg amafanud yap tua at ramraman.”

Lukas 12:15 Referans Kwoze

Ebreu 13:5

Lag am galabian salapi. Useganani wan nusnga seyu ay ramraman. Aroro Dius nalong te, “Kdi gubun ay kdi gfabayan emu.”

Fangatulun 15:16

Amasine yap sik taw dewa yud ngayu at ramraman nu gsuyu tua Yawi, nu gamut sik maramraman at amatanganan nu dway ngap mabayan.

Fangatulun 16:16

Amasine yap takaylat kae fagsafulun ay kae fagmamatanganun abat ngate kaylat nangae sanbung salapi ay gintu.

2 Timuteu 3:2

Ngay taw ban kamasadiliun, ay galabian salapi, ay kamatungudun, ay kamuag, ay glong at mauri sat ngay iba, ay kamabo at fagtainan, ay wa saful gfauseganan sas nusnga sinu dewa e nafakamulun sa anya at masine, ay wa gfaning Dius.

Lukas 16:14

Ay ngay taw Fariseu nu nadungug Isus at nalong, kanya fagayu nafalingun anya aroro kanya fagayu kesug salapi.

Kulusas 3:5

Nu katanya, at masine fabuli wan tagsi ayu tagfaning ste swa daga fag fakaylatun kata fagfanugtugun, ay fagamatanganun ay fagkamatoanun sanya baliwa, ay fagfaningun ay bilug at fakaylatun, ay at mauri fag fakaylatun, ay fagfanganuranun. Fagfanganuranun kata yay nu gseg at yud matuyan fag ngay fagsegan.

Lukas 8:14

Ay at kintong fag ngay bvtang sas wa makmak at madugi, kata ngay taw at nadungug Dius at Longan, ay dewa katanya, kanya fagayu gafanawa way at leleg ste swa daga, ay kesug way at fagmaramramanun, ay at fakaylatun ste swa daga nafaut at amatanganan, ay at rawvg wa nlesan.

Alubad. 62:10

Lag am gfanagsag gseg ay ngay ramraman, tagsiginan ay nafamalimu ay ay nafangkamul. Dewa am anke ramraman, dangay lang sanya ay amatanganan.

Alubad. 37:16

At matuyan fag taw at ramraman, dewa alay way, amasine yap tua sa sik taw tangayu at ramraman tagsiginan ways fagmauriun;

2 Pedru 2:3

Ay kafag ngay taw gdaya ban ayu siginan at ngay fakamuagun, aroro galabian salapi. Ngaduge wan faurianan nu mafalganan sa kafag ngay taw, ay munakbang wan kanya fagayu nu kamin.

Markus 7:22

ay nu gfanugtug sat ke indugan, ay nu gfangalabian tiba at ramraman, ay nu gfakamulun at mauri, ay nu gfandaya, ay at fagyudun e apla, ay nu galabian, ay nu kamuagan gfatuyan sabaliwa at iba, ay nu kamatungudun, ay anggan nu yud e amatanganan.

Abakuk 2:9

Ida am, takawat ay ngay bale siginan ay nabul fag ngay salapi sat mauri fag ngay balyawvtan. Nafaksvn am ay ngay bale laman ban malangfe am nu ndasug faurianan.

Alubad. 10:3

Kanya fagayu gfangalabian ay kamanagsag sat ngay fakaylatun mauri, ay gfauseganan tagfangalabian fag ngay taw, ay gfalingun Yawi.

Ub 2:4

Satanas nabalus te, “Sik taw guseganan tua dewa namin wan fagayu at fagagbilugun, nu ddi ro kanya anbul.

Uswe 7:21

Si tam naago fag ngay ramraman nalag au sik ramit masine siginans Babilunya, ay duak sandank salapi, ay sik lifung gintu at kabyatan gwabilug fabudbungguan. Nalabian au kanya fagayu ay nabul au. Ay nalubgub au si ku basad bale ramit, ay kafag ngay salapi sit tiba daga.”

1 Kurintu 6:10

ay tagfangkamul, ay tagfanganuran, ay tagalangu gugat, ay tagfauri tibama, ay takamasing, fagayu tagfakamulun takatanya wa ban umful sas Dius at fagfagtainanan.

Lukas 21:34

“Mafalganani, laman diam gfangkumon ay glanguan ay gafanawa sabaliwa ay famanwanun, aroro kafag menit umdasug kasakit sik abvt nu kasalan.

Mikas 2:2

Ay gago am ay fagalabianun fag ngay daga ay fag ngay bale. Ay kamuag am sa sangay taw laman magbilug am at ngay bale ay at ngay ramraman.

Eremyas 6:13

Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Fangatulun 28:16

Sik fun at yud saful gtogdungug gfaidapan way at ngay taw. Ay sik fun nu ddi gfangalabian, ngaduge tua nu gleleg.

2 Pedru 2:14

Kafag ngay taw kabavn gdama gugat sa sangay mangena ay gamatangan sas fagfanugtugun, ay wa gfaragang nu gfakamulun sas asalanan. Kanya gtaban at ngay mamomuy fag taw sas asalanan, ay annanad wan sas fagfanganuranun. Kanya ban fagayu umfaurianan.

Esekyel 33:31

Nu katanya, ku ngay taw gadgaloan sa emu, kata nu kaylat nandungugan emu. Ay aroro mangaro, kanya fagayu wa gfaning am longan. Kafag ngay taw kamuagan te, kesug angku, ay at matuyan at ngay amatanganan galabian way salapi.

Lukas 12:16

Isus nafoyung sik faydayuanan te, “Ebi, e sik taw maramraman. Ay siginan at gamasun ngayu at gutluan.

1 Fun 2:40

Nu katanya, Simei anlindug ay nafalganan at asnu, ay nasas Gat sas Akis, laman nanrvbvy at ngay fagsuguan. Ay nu nalag nataban wan.