Lukas 11:24 - Fanawbuid tagsibaliwas Fakayabian

²⁴ “Sik mauri fag falad nu naubun at fagbanwanan fag taw, nalo sa sangay talun at yud e mamam, laman nanrvbvy tibak fagbanwanan. Ay nu dway e nalag, kanya gamatangan te, ‘Kafoli kyay siring sa ebi ataw ku bale.’

Lukas 11:24 Referans Kwoze

1 Pedru 5:8

Mafuloani ay mafalganani aroro Satanas ay fawayan glo gsubang gugat kata sik liun, gligungan ay grvbvy at fagnangonun.

Alubad. 63:1

Dius, o wan ku Dius. Sas fagdaul ku amatanganan maksvn nu grvbvy au emu, kata at magong fag daga nu gayudan mamam.

Ub 2:2

Ay Yawi nainto sas Satanas te, “Daginan o?” Ay Satanas gbalus te, “Gfoyfolian au stae ay sas fagdaul daga.”

Ub 1:7

Ay Yawi nainto sas Satanas te, “Daginan o?” Ay Satanas gbalus te, “Gfoyfolian au stae ay sas fagdaul daga.”

Markus 5:10

Ay kafag falad maksvn nu get sas Isus te, “Lag gaiyan emi ste ginan fag talun.”

Isayas 48:22

Dewa katanya, Yawi glong te, “At mauri ban fag taw we fagmanabayanun.”

Efesu 2:2

Gugali am gfaning ste sfagdaul daga at ugali, ay galo yangay am tagfunan kiwang fag falad at ke mauri fag ngay fagmabalyananun. Kanya wan tagfamatangan takamabo fag ngay taw.

Markus 9:25

Ay Isus nu nalag sik ngay taw masakit nu kaful, nagras kafag mauri fag falad te, “O fag falad tagfayud maringang ay tagfayud gdungug, glong au emu te, ubuni wa anya ay lag gdog ya katayuk sa anya kabavn.”

Isayas 44:3

Aroro namon au sa emu sik mamam famalyam am fakadanumun, ay at namarugme at magong fag daga. Ay namon au ku Falad sa am ngay kasugfunanan ay namayu kban anya fagayu,

Isayas 35:7

Ay at masugba ban fag lagnasan umke lino. Ay at magong fag talun umke bulbug tua. Ay sanya ban tumugbung nusnge wain fag makmak sa sangay idu talun at dan fagbanwanan.

Fangatulun 4:16

Aroro at yud matuyan fag taw wa gatiugun nu dyakmay nafakamulun at mauri, ay wa kabayan nu dyakmay e nafamauri.

Lukas 11:25

Ay nu ndasug wan, manlag di malanu ay masine.