Lukas 10:42 - Fanawbuid tagsibaliwas Fakayabian

⁴² Sadi way sik taw at fagayudanun fia. Ay Maria nafili at masine, ay we mafaago siginan anya.”

Lukas 10:42 Referans Kwoze

Alubad. 27:4

Yawi, get au sa emu te, kaduge kban gleleg aylati nu namanwan au sa emu, laman lumag au fia am fagmasineun, ay gamatangan ktua fia sa emu.

Uan 4:14

Ay dewa katanya, nusnga sinu ban at nainum ku fon fag mamam di kadanum ya. Ay kanya fag mamam kata sik bulbug gfamilugan sat basad, laman gfon leleg at yud e fakatabuan.”

Uan 5:24

“Matuyan nu glong au ayu te, nusnga sinu tagdungugan ku longan ay tagafanud sat nasugu angku, e leleg tua at yud e fakatabuan. Ay kanya di ban gafaurianan nu bunway anlangfe siginans fakabulun ay mul leleg at yud e fakatabuan.

Alubad. 73:25

Fagayu tagsis banwa, we masuad sa angku nu bunway o way lang. Ay sas day emu, kwa yangay e fakaylatun ya fagayu tagsis fagdaul daga.

Lukas 18:22

Isus nu nadungug katanya, nalong sa kafag mangama te, “Dewa katanya, sadi ya am kurang. Falaoi am ramraman fagayu ay at nagbulan foni sat yud e kwa, laman e ramraman tua ban o sas banwa. Ay sanya ginan, aloi angku.”

Uan 17:3

Katatuy sik taw nu e leleg at yud e fakatabuan: nu natoglag emu te, o wan at matuyan fag Dius, ay nu natoglag yangay angku am nasugu, Isus, am nafili fag Fun.

Alubad. 17:15

Ay au, matuyan ktua, ay lumag au emu. Nu nfulo kwan, lumag au am fagmasineun, ay nu katanya umke fagmanabayanun au.

Markus 8:36

O e tungkul ro sa sik taw dewa nagbilug nusnge wain ste swa daga ay at leleg ban sa ways faurianan?

Alubad. 142:5

Yawi, nu katanya, guro au sa emu te, “O way lang ku taggubuk ay ku fakaylatun ste sfagdaul daga.”

Deuterunumyu 30:19

Katsi fag menit guro au banwa ay daga laman tagfatuyan nu inday ay fakaylatun: leleg mannga fakabulun, ay famonun mannga faurianan. Leleg tua nangus ay fagfiliun, laman ban ngaduge tua nu gleleg am anggan ay ngay kasugfunanan.

Alubad. 119:30

Nafili au am ngay faugali, laman ku fagnangugaliun at matuyan.

Lukas 8:18

Amatangani fia kaduge am gdungugan, aroro nusnga sinu at ke kwa, e gfamut yay ban. Ay nusnga sinu nu alay way tagsi anya, e namul way ban siginan anya, anggan at amatanganan te, Tuy angku way.”

Lukas 12:20

“Ay Dius nalong anya te, ‘Ida, o nunda wo e amatanganan ya! Katsi ro sad yabi namul kwan am falad. Nu katanya, sinu ban at nangagbilug am nafungsu fag ngay ramraman?’

Alubad. 119:111

Am ngay foyungan ku fagagbilugun yud ban e fakatabuan, aroro tuy wan tagfon angku fagusegananun.

1 Kurintu 13:3

Dewa ro au nafon fagayu ku ramraman, ay dewa ro au nafon wan ku bilug laman nangirug, nu dway ngap si angku fakesugun, we masuad sa angku.

Lukas 12:33

Falaoi ay ramraman ay foni at nagbulan sa sangay taw at yud e kwa. Katanya nu gbul am sik fagsuadan ramraman at yud karasras, ay anggan at yud e fakatabuan fag ramraman sas banwa. Aroro we madasug sanya ngay tagfangkamul, ay we fatung at manamin ay ramraman.

Takamoyung 12:13

Katsi, natap wo fagayu, ay kata ya tuy ku fangatulun taguyan: Alimui Dius ay faningi at ngay suguan, aroro katanya galay sik taw at fakamulun.

Lukas 16:25

“Abrayam nabalus sat maramraman fag taw te, ‘Sama, amatangani gina am gleleg, o manabayan tuo, ay Lasaru gidapan way. Katsi sia masun tua ay o man tagidapan.

Uswe 24:22

Uswe nalong te, “Am wan at nafatuyanan say sadili te, gfauseganan ban am Yawi.” Ay kanya fagayu nabalus te, “Kin, ami wan at nafatuyanan.”

Uswe 24:15

Dewa katanya, wayam kaylat gfakamulun sas Yawi, katsi fag menit filii nusnga sinu ay fagnamausegananun. O namakamulun am sa ay ngay mangaguyang at ngay fagsegan sis dife Liskung Eufrates, o ay mannga sa sangay taw Amur at fagsegan sanya fag talun ay fagbanwanan katsi? Dewa katanya, au ay ku kalongan namakamulun ami sas Yawi.”

Alubad. 119:173

Kabavn gubuki tua angku, aroro ku fagfaningun am ngay fagaloan tua.

Galasya 5:6

Aroro nusnga sinu at kinsadi sa tam Fun Isus, we tungkul ya dewa e fakatoglagan ay yud e fakatoglagan. Nu bunway, at mafanud, ke fagafanudun tua takalag sit fakamulun siginan nu mafangesug.

Lukas 16:2

“Nu katanya, kafag maramraman nagewan at fagfatigwanan ay nainto anya te, ‘Nataw ku dungganan am nafakamulun? Fastei am rirukan ku ramraman at kayuan, aroro bunwa ban o ya ku fagfatigwanan ku ngay ramraman.’

Lukas 10:39

Ay Marta at faduksay at ngayan Maria. Maria namalunggung sa tam Fun at day darafa ay gdungugan at foyungan.

Lukas 11:1

Sik menit, Isus gdarangin si sik talun, ay nu ntabu wan nu gdarangin, at sadi at tagadal nalong anya te, “Em Fun, foyungi emi tagdarangin kata ebi Uan nu gfoyung sat ngay tagadal.”

Uan 6:27

Ay fagugatanun gfakamulun dangay sa takadan fag fakonun, nu bunway sa tua at yud kadan fag fakonun tagfon leleg at yud e fakatabuan. Au, Taw at Baguama, gfon au sa ayu takatanya fag fakonun, aroro Dius nafalag sa sangay taw te, ‘Matuyan ku Baguama at fakamulun.’ ”

Uan 11:1

E sik taw at ngayan Lasaru. Kanya gbanwan sis furuan Betanya magamut at ngay faduksay Maria ay Marta.

Uan 11:19

ay ngayuk taw Udyu at nansibo Marta ay Maria laman namasun, aroro sat faduksay at nabulanan.

Uan 12:3

Ay Maria nabul sik baringan sirut famaebebanglu at yud e suglat, mawatan siginan sik tanum nardu, at mabyat nu kabayad. Ay kanya naugwag sas Isus at darafa ay at fangarus at buk wan. Ay sanya fag basad bale maksvn nu mabebanglu.