Lukas 10:40 - Fanawbuid tagsibaliwas Fakayabian

⁴⁰ Ay Marta gasagsagan, aroro ngayu at fakamulun ay at fagfalgananun. Nu katanya, kanya ankakbang sas Isus ay nalong te, “Ku Fun, o wo e amatanganan te, ku faduksay gsefu angku, laman au way sesadi takamalganan? Longi sa ku faduksay te, gubuki yap angku.”

Lukas 10:40 Referans Kwoze

Uan 6:27

Ay fagugatanun gfakamulun dangay sa takadan fag fakonun, nu bunway sa tua at yud kadan fag fakonun tagfon leleg at yud e fakatabuan. Au, Taw at Baguama, gfon au sa ayu takatanya fag fakonun, aroro Dius nafalag sa sangay taw te, ‘Matuyan ku Baguama at fakamulun.’ ”

Lukas 12:29

“Lag gafanawa sabaliwa ay fakonun ay ay fanginum.

Mateu 16:22

Ay Pedru nataban Isus sat dayu ay gagras anya te, “Ku Fun, duan, wa ban umfasludan takatanya sa emu.”

Mateu 14:15

Ay menit nu gakafalyuun wan, Isus at ngay tagadal nanangakbang sa anya ay nalong te, “Ste we bale, ay kayabi wan. Falaoi wan kafag ngay taw, ma ro nanrvbvy at fakonun sa sangay furuan.”

Lukas 9:55

Ay Isus anbiling ay gagras anya.

Markus 3:21

Ay Isus at ngay kalongan nu nasaful takatanya, nalao laman nantaban anya, aroro kafag ngay taw glong te, “Kanya nalyam at amatanganan.”

Lukas 10:38

Isus ay at ngay tagadal nafataglayun glao, ay andasug sa sik furuan, ay sanya sik mangena at ngayan Marta nafasakbo sat bale.

Lukas 10:41

Tam Fun nabalus anya te, “Marta, Marta, ngayu am fagafanawaun ay am fagasalaganun.

Uan 11:1

E sik taw at ngayan Lasaru. Kanya gbanwan sis furuan Betanya magamut at ngay faduksay Maria ay Marta.

Uan 11:5

Isus kesug tua Marta, Maria ay Lasaru.

Uan 12:2

Nu katanya, e nafalganan sik yafun laman sas Isus, ay Lasaru gfasfuan gfangon. Ay Marta tagfalganan at ngay fakonun.