Lukas 10:39 - Fanawbuid tagsibaliwas Fakayabian

³⁹ Ay Marta at faduksay at ngayan Maria. Maria namalunggung sa tam Fun at day darafa ay gdungugan at foyungan.

Lukas 10:39 Referans Kwoze

Lukas 8:35

Nu katanya, ngay taw nalo sanya, laman nanlag te, nataw at kinfasludan. Ay kanya fag ngay taw andasug sas Isus, ay nalag aro ke mauri fag ngay falad, malunggung sis Isus at daga salubangan ay galanbungan ay e amatanganan wan. Ay at nananlag maksvn nu kalimu.

Fangatulun 8:34

Masine sik taw at amatanganan nu sa tua gugat angku, laman gdungugan angku.

Uan 12:3

Ay Maria nabul sik baringan sirut famaebebanglu at yud e suglat, mawatan siginan sik tanum nardu, at mabyat nu kabayad. Ay kanya naugwag sas Isus at darafa ay at fangarus at buk wan. Ay sanya fag basad bale maksvn nu mabebanglu.

Fakamulun 22:3

“Sik taw Udyu au, ay ansalug au sis Tarsu, sis talun Silisya, ay an-gurang stes Erusalem. Nu gadal au ste yangay, ay ku takamoyung Gamaliel. Kanya nafoyung sa angku Faugali tam ngay mangaguyang at nafaning yangay. Ay gfaning kyangay ayu at maseganama gfakamulun sa tam Dius.

Lukas 2:46

Ay sis fatuluk menit, dadwa nalag Isus sis Dius at bale malunggung magamut ngay tagfoyung Muisis at faugali. Ay Isus gdungugan ay ginto.

Deuterunumyu 33:3

Anud, Yawi kesug at ngay taw. Kanya galaga at nafili fag ngay taw. Nu katanya, kanya fagayu gfaning ay gfafasludan at ngay suguan.

Uan 11:1

E sik taw at ngayan Lasaru. Kanya gbanwan sis furuan Betanya magamut at ngay faduksay Maria ay Marta.

2 Fun 4:38

Gina Elisyu kafoli sas talun Gilgal, sanya fag talun anke fanlunus maksvn. Sik menit, kaduge ngay taglong maful gkamatoan, Elisyu nalong sat fagsuguan te, “Salei tagbia fag tikung ay fatamai sik fakonun ke sabo laman sa kafag ngay taglong.”

Lukas 10:42

Sadi way sik taw at fagayudanun fia. Ay Maria nafili at masine, ay we mafaago siginan anya.”

Uan 11:19

ay ngayuk taw Udyu at nansibo Marta ay Maria laman namasun, aroro sat faduksay at nabulanan.