Lukas 10:37 - Fanawbuid tagsibaliwas Fakayabian

³⁷ Tagfoyung Muisis at Faugali nabalus te, “At kinfanyu.” Ay Isus nalong anya te, “Loi wan ay faningi anya.”

Lukas 10:37 Referans Kwoze

Mikas 6:8

Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

1 Pedru 2:21

Matuyan, Dius nafili ayu laman gagwantan am, aroro tam Fun Isus naidapan laman sa ayu. At nafakamulun sik fagulitan, laman gfaning tuam anya.

2 Kurintu. 8:9

Aroro nasaful wam te, kaksvn nya tam Fun Isus at fagmagalangun. Dewa kanya maramraman, kanya naubun at fagmaramramanun aroro sa ayu, laman umramraman am siginan at fagyudun e kwa.

Mateu 23:23

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Dewa am gfon at fasafuluk afud sas Dius siginan ay famaenamnam fakonun, kata balanuy ay banglad, nalyam wayam gfakamulun at mafanud fag ngay suguan sis Muisis at Faugali, kata nu gfakamulun at matuyan sa ay iba, ay nu kafanyu am ay iba, ay nu matuyan ay longan sa ay iba. Nu ddi am nalyam at mafanud fag ngay suguan, dangay kalyam anggan talay fag ngay suguan.

Efesu 5:2

Ugalii ke fakesugun kata tam Fun Isus nu kesug antam. Kanya nafon at leleg sik mabebanglu fag fanggalangun sas Dius laman sa antam.

Usea 6:6

Aroro ku fakaylatun, nu kesug tuam angku, bundi ay ngay fanggalangun. Ku fakaylatun, nu gtoglag am angku gtungud yap tua ay ngay fagirugun fag ngay fanggalangun.

Fangatulun 14:21

Takauri at iba asalanan way, dewa katanya, taggubuk at yud e kwa, e ggubuk yangay ban anya.

At Nafasure 1:5

ay siginan tam Fun Isus, at matuyan fag tagfatuyan, ay at taguna naleleg siginan at fagmabulanan, ay tagtungud fag Fun ste swa daga fag ngay fun. Kanya kesug tua antam, ay siginan at nabulanan nafalfas tua antam siginan tam ngay asalanan.

Mateu 20:28

Ay au Taw at Baguama, katanya kyangay, ku fagindasugun bundi taw at fagnanggubukun, nu bunway nanggubuk au ngay taw, ay namon au ku leleg laman namul au ngayuk taw siginans fakabulun.”

Lukas 10:36

Isus nainto sas tagfoyung Muisis at Faugali te, “Nu gamatangan o, sinu sanya fag tuluk taw, kafag taw at nafangkamulan at iba fia?”

Lukas 10:38

Isus ay at ngay tagadal nafataglayun glao, ay andasug sa sik furuan, ay sanya sik mangena at ngayan Marta nafasakbo sat bale.