Lukas 10:31 - Fanawbuid tagsibaliwas Fakayabian

³¹ Ginanya, sik tagfon fanggalangun gtagbung sa sangaba dalan, ay kanya nu nalag nasaruyan way ay gtaglayun glao.

Lukas 10:31 Referans Kwoze

Alubad. 69:20

Anmomuy au ay ankuri kanya fag ngay taw at nafakamulun sa angku. Nafamanyan koma te, o wa ro gayvd e nfanyu ya angku, ay nusdi sadi we nfanyu angku. Gfanya au at namasun angku, dewa katanya, we nanamasun ya angku.

Malakyas 1:10

Yawi at Mabalyanan nalong yay fia te, “Am tua ban nangus at sadi tagdingding ku sakbawan bale, laman wam namae afuy sas fagirugan nu dway matuyan! Dewa katanya, kwa guseganan ayu ay kwa kaylat ay ngay fanggalangun sa angku.

Usea 6:9

Ay ngay tagfon fanggalangun kata sik ngay tagfangkamul tagfanya at fagnamauriun. Kanya fagayu gfabul wan ngay taw taglao sas Sekem, ay gfakamulun nusnga setaw fag mauri.

Usea 5:1

Yawi nalong yangay te, “Ngay taw Israel, dungugani, anggan am fag ngay tagfon fanggalangun, ay am tagbanwan sis fun at bale daul, aroro kadasug sa ayu sik faurianan: fagayu am kata am sik sangdaw, aroro nasangdaw am ngay taw tagbanwan sis Mispa ay sis Tabur.

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Takamoyung 9:11

E nalag kyay fia stes fagdaul daga. Bunwa fagayu at masakit gtarung tagbabo, ay bunwa fagayu at mabitsug tagbabo nu gfawayan. Ay bunwa fagayu at ke fagsafulun at ke fakamulun laman at fagbulan at fagayudanun, ay bunwa fagayu ke fagsafulun at maramraman, ay bunwa fagayu ke fagmakatuun tagbabo. Aroro galay sik taw mesa e kayaunanan.

Fangatulun 21:13

Sik taw at yud ggubuk tagidapan, gina ban kanya anke fagidapun, wa yangay ban e ggubuk ya anya.

Alubad. 142:4

Dius, glag wo ngay taw tagsi ku ligung, kanya fagayu we kafanyu ya angku. Ay kwe fagnangakbangan ya taggubuk angku.

2 Samwel 1:6

Ay kanya glong sas Dabid te, “Gina au sis buksul Gilbua, nalag au Saul masarare sit bangko ay at ngay fawayan kakbang anya sit ngay kabayu ay faguyudan fangawayan.

Isayas 58:7

Foni fakonun sas fagayu takalunus, fasakboi sa ay ngay bale at yud e kwa, foni lanbung sat yud e lanbung, ay gubuki ay ngay kalongan.

Lukas 10:30

Ay Isus nafaydayuanan te, “Sik taw gtagbung siginans Erusalem, laman nangadasug sas Eriku. Ay sik ngay tagfangkamul nabalabag anya. Kafag ngay tagfangkamul nabul at lanbung ay nafalang anya ay naubun arvs gakabulun wan.

Lukas 10:32

Ay sik taw Lebi, nadalan yangay sanya, ay kanya nu nalag nasaruyan yangay anya.