Lukas 10:3 - Fanawbuid tagsibaliwas Fakayabian

³ Loi wan, gsugu au ayu kata sik tupa riangan sas wa idu talun.

Lukas 10:3 Referans Kwoze

Mateu 10:16

“Katsi gsugu au ayu kata sik ngay tupa sas wa idu talun. Ay am, mamatangani tua kata ule nu mamatanganan, ay katai yangay sik labikung nu magup.

Fakamulun 20:29

Saful kwa te, nu nalo kwa ban, e kadasug ban sa ayu sik tagfangagat fag idu talun, ay gugatan namabul ay fagalagaun fag ngay tupa.

Uan 16:2

Ngay taw ban gaiyan ayu siginan sangay bale fakafulan. Ay kadasug ban tibak buknga nusnga sinu ban at nafabul ayu gamatangan te, kanya fagayu gfaning Dius.

Uan 15:20

Amatangani ku longan ayu te, we fagsuguan tagtungud at fun. Kafag ngay taw nu nafaidapan way angku, gfaidapan yangay ban anggan ayu. Ay kanya fagayu nu gfaning tua ku ngay longan, gfaning yangay ban anggan ay longan.

Mateu 10:22

Ay ginanya ban fag ngay menit, fagayu ban taw kauri ayu, aroro gafanud am sa angku. Ay dewa katanya at namabakvd sat fagafanudun sitsigons fakatabuan umlangfe tua ban.

Mateu 7:15

“Dirii ngay tagfandaya te, ‘Au wan at sadi Dius at taglong.’ Kanya gina kadasug sa ayu magup kata sik ngay tupa. Ay dewa katanya mangaro kafag ngay taw kata way sik ngay tagfangagat fag idu talun.

Sefanias 3:3

At ngay tagfangguna kata sik liun gsubang. Nu gakayabiun wan kanya fagayu kata sik idu talun tagrvbvy at fagnangonun, ay balabag di, we fasawadan ya.

Fakamulun 9:2

laman nanget sik rirukan at fagfalagun sa sangay taw Udyu sa sangay bale fakafulan sis Damasku, laman mananggamat ngay mangama ay ngay mangena tagfaning at foyungan sabaliwas Isus, ay arodi namuba sas Erusalem laman nangubung.

Uan 10:12

Sik taw nu mabayadan way, ay nu dway fia tagagbilug tupa, nu glag te, idu talun kadasug, kanya glagyu wan ay gubun wan kafag ngay tupa. Nu katanya, idu talun namafalo ngay tupa ay kanya fagayu sumaruayan.

Alubad. 22:21

Falangfei angku sanya ginan fag ngay taw mauri. Kanya fagayu kata sik ngay liun ay sik ngay unwang.

Fakamulun 9:16

Ay namalag kyangay sa anya ngay fagidapun at fagnandalanun, ay nu setain ban nu gagwanta laman sa angku.”

Lukas 10:4

Lag am gasulpan, ay lag am gasabian, ay lag am e lapak. Ay lag yangay gfakamatoan ay nablang sa sangaba dalan.