Lukas 10:2 - Fanawbuid tagsibaliwas Fakayabian

² Ay Isus nalong sa anya fagayu te, “Ngayu at faggutluun, ay gsadsadian way at nanggutlu. Darangini sas faggutluun at Fun, laman kanya gsugu ngay taggutlu sat faggutluan.

Lukas 10:2 Referans Kwoze

1 Tesalunika 5:12

Em ngay faduksay, maksvn nu gsugu ami ayu te, suyui tua tagfakamulun laman sa ayu, tagfangguna ay tagfoyung ayu sabaliwa nu gfaning tam tam Fun.

Markus 16:15

Ay Isus nalong sat ngay tagadal te, “Loi wan sas fagdaul daga, ay namoyung am at Masine fag Barita sas fagayu taw.

2 Timuteu 4:5

Dewa katanya, kabavn o manabayani tua ay mafalganani, ay agwantani tua nusnge wain fag fagidapun. Foyungi at Masine fag Barita sat yud gafanud, ay fakamuluni fia fagayu at nafatigwanan sa emu fag ngay fakamulun.

2 Tesalunika 3:1

Ay katsi, em ngay faduksay, get ami sa ayu te, darangini emi, laman tam Fun at longan masakit nu kafagdaul, ay laman e gseg yay ban kata ayu.

Markus 13:34

Kata sik taw tagaloun sa tangayayu fag talun. Kanya naubun at bale ay nafaalaga at ramraman ay nafae fakamulun at ngay fagsuguan. Ay kanya nasugu at tagulit sakbawan bale, laman gulit tua fia.

1 Timuteu 4:10

Siginan takatanya, gugatan tam aroro e fagsegun tua tam sa tagleleg fag Dius tagfalangfe fagayu taw, kaugat wan sa sangay tagafanud.

Fakamulun 22:21

“Ay tam Fun nalong angku te, ‘Loi wan, aroro gsugu au emu sa tangayayu fag talun, sas yud Udyu fag ngay taw.’ ”

Fakamulun 20:28

Dirii ay sadili, ay fagayu tagafanud at Masine fag Falad at nafatigwanan sa ayu laman galaga Dius at furuan, at nabayad siginan at sadili taguk.

Fakamulun 13:4

Ay at Masine fag Falad nasugu Bernabe ay Saulu sas furuan Seleusia. Ay sanya ginan duama nasakay sa sik sakayan lino tagsas furu Sipre.

Fakamulun 13:2

Sik menit, gina kafag ngay tagafanud gseg Dius ay wa gfangon laman gdarangin, at Masine fag Falad nalong sa anya fagayu te, “Fasamani Bernabe ay Saulu, aroro kanya ku nafili laman namakamulun ku nafalganan sa anya fag ngay fakamulun.”

Fakamulun 11:19

Ay Esteban nu nbul wan, anke faurianan sa sangay tagafanud sis Erusalem, ay kanya fagayu nafanaruayanan way lang. Tibak tagafanud andasug sas talun Fenisya ay Sipre ay sas furuan Antiukya sis talun Sirya, ay kanya fagayu gfoyung Dius at longan nusnga nday at fakadasugan. Ay at fagfoyungan sa way lang ngay taw Udyu.

Fakamulun 8:4

Ay fagayu tagafanud at nafansaruayan, kamoyung Dius at longan nusnga nday at fakadasugan.

Lukas 9:1

Isus nafaful at nasugu fag labi dua ay nafae fagmabalyananun anya fagayu laman mafaiyan at mauri fag ngay falad, ay laman mafafia fagayu at ke fakasaitun.

Markus 16:20

Ay at ngay tagadal nalo wan ay namoyung sas fagayu talun. Ay tam Fun nagubuk anya fagayu, siginan nu gfon at fagmabalyananun gfakamulun at ngay madulo, laman famafanud te, matuyan at longan.

Mateu 20:1

Ay Isus nalong yangay te, “Dius nu gfagtainan kata yangay sik tagagbilug tanuman wat ubas. Ay tagagbilug mayabas nu nanrvbvy sik ngay taw at namakamulun sat tanuman.

Sakaryas 11:17

Afanyuan at yud matuyan fag tagalaga tupa at fakadasugan aroro kanya nafabayan at fagalagaun fag ngay tupa. Siginan sik fiso at uyup gatvngi kanya at daluap, ay suruti at siun fag mata. Nu katanya, we tungkul ya at daluap at sadi ay at siun fag mata wa glag.”

Eremyas 3:15

Ay nanfili kban sik tagfangguna at ke fagsafulun ay at mamatanganan laman at namangguna ayu.

Filipus 2:25

Ay namatangan au te, gfauli kwa sa ayu Epafruditu, ku faduksay sa tam Fun Isus, ay ku faudgufudan yangay sa ku fakamulun, ay ay nasugu laman taggubuk angku.

Filipus 2:21

Aroro tibak taw at fagugatanun sa way lang at sadili fakaylatun, wa gfaning tam Fun Isus at fakaylatun.

1 Kurintu 12:28

Tam Dius nafili tibak taw sit furuan, taguna at ngay nasugu, fadua tagfasaful Dius at ngay longan, ay at fatulu, takamoyung. Ay nafili yangay ngay tagfakamulun at ngay madulo, ay tiba at ke fagmabalyananun gfafia at ke ngay fakasaitun, ay tiba taggubuk, ay tiba tagfangguna, ay tiba tagsaful garingang at fagyudun togdungug fag ngay fangaringang.

Tap 11:17

Ay kadasug kban sanya laman namakamatoan au emu, ay namul kban siginan emu tiba ku fagmabalyananun ay namon kban sa kafag ngay tagfangguna, laman magubuk emu, ay laman bundi o sesadi tagfangguna ngay taw.

Kulusas 1:29

Gugatan au gfakamulun takatanya siginan tam Fun Isus at fon angku fag fagmabitsugun.

Filipus 2:30

Aroro siginan at nainlufuyan gfaning tam Fun Isus, arvs anbul wan, ay at leleg siwas fakalimuun laman gfakamulun sa angku ay fagyudun mafakamulun.

Ebreu 3:6

Ay dewa katanya tam Fun Isus matuyan tua nu gfunan Dius at ngay taw, aroro sia wan Dius at baguama. Ay itam wan Dius at sisian nu maksvn tua tam fagafanudun ay gbakvd tua tam fia tam fagsegun.

1 Tesalunika 2:9

Em ngay faduksay, gamatang yay ro am em nainlufuyan ay em nainkidapanan. Nafakamulun ami fagngabak menit ay yabi laman dimi nafaidapan sas nusnga sinu si ayu kaduge ami gfoyung Dius at Masine fag Barita sa ayu.

Kulusas 4:12

Epafras tagsiginan ayu, tam Fun Isus at fagsuguan at sadi, glong ayu te, O manabayan tuam? Kabavn kanya maksvn nu gdarangin ayu, laman maksvn tua ay matuyan nu gfaning am tam Dius at fakaylatun.

2 Kurintu. 6:1

Ami, taggubuk Dius at fakamulun, maksvn nu glong ami ayu te, lag am gfayud e tungkul Dius at nafon antam fag fagmagalangun.

1 Kurintu 15:10

Ay dewa katanya, siginan tam Dius at fagmagalangun, ansik nasugu kyangay. Ay di nfangulan Dius at nafon angku, nu bunway naugatan ktua nafakamulun gtungud yay ku ngay ibama at nafakamulun. Dewa katanya, bunwa siginan ku sadili fagmakatuun, nu bunway siginan tua tam Dius at fagmagalangun sa angku.

Sakaryas 11:5

At nabayad ay at nafilas wa nfaurianan. Ay at nafalao glong te, ‘Yawi, fadi fadi! Maramraman kwan!’ Ay anggan at ngay tagalaga wa nfanyu ya at fagalagaun fag ngay tupa.

1 Fun 18:22

Ay Elyas gdog yay nalong sa sangay taw te, “Au way lang at sawad Yawi at taglong, ay sas Baal at taglong ufat yak sandan limak safulu.

Tap 11:29

Ay Muisis nabalus anya te, “Ay wain, o kauri wo daul takatatuy nu gfangguna au? Ngap karo nu au di at mafaning, kaylat kwa ro Yawi nu gfae fagmabalyananun at ngay taw fagayu, laman mafoyung kata sik ngay taglong.”

Filemun 1:1

Au, Pablu, at maubungan aroro sa tam Fun Isus, ay ste yangay tam faduksay Timuteu, griruk ami sa emu, Filemun, em fakesugun ay em faudgufudan gfakamulun,

Alubad. 68:11

Fun Dius nafadasug at suguan, ay ngayu at nafadungug kafag barita:

At Nafasure 2:1

“Riruki sas tagbarita tagulit ngay tagafanud sis Efesu te, “Tagbitbitan kafag fituk galeme sit siun fag daluap, ay taglao sis wabilug fituk fagfatungkudan salung at mawatan siginans gintu, glong te,