Lukas 1:59 - Fanawbuid tagsibaliwas Fakayabian

⁵⁹ Ay nu siwas fawaluk menit siginan kafag ngenge nu kasalug, at ngay fasabale ay at ngay kalongan andasug laman namae fakatoglagan kafag ngenge kata ngay taw Udyu at ugali. Ay kanya fagayu nafangayan kafag ngenge te, Sakaryas, kata at mama at ngayan.

Lukas 1:59 Referans Kwoze

Lebitiku 12:3

Ay nu ndasug at fawaluk menit, fae fakatoglagani wan at ngenge.

Fakasigadan 17:12

Siginan katsi ay anggan ban sa am ngay kasugfunanan, fagayu munama kinsalug, fae fakatoglagani tua nu ndasug sis fawaluk menit siginan nu kasalug. Fagayu mangama si ay mesa talanan fae fakatoglagani, anggan ay ngay fagsuguan mangama at kinsalug sim fagbanwanan, ay anggan ay nabul fag ngay fagsuguan siginan tibak talun. Katanya at fagtoglagan tagfatuyan te, ku nasadian sa ayu gtaglayun tua ban kabavn.

Filipus 3:5

Aroro anke fakatoglagan au sis fawaluk menit, ay sik taw Israel au, siginans Benamin at kasugfunanan, ku ngay mangaguyang taw Ebreu, ay nu sabaliwa em faugali tam fagkamatoanun, sik taw Fariseu au at maksvn nu gfaning.

Lukas 2:21

Nu nlangfe waluk menit, nu nafae fakatoglagan wan kafag sisian gfaning taw Udyu at faugali, at fagtainan nafangayan anya te, Isus, kata tagbarita at nalong gina kafag sisian yay yud ansalug.

Fakamulun 7:8

Dius anke nasadian sas Abrayam sabaliwa nu gfae fakatoglagan ngay mangama. Ay Abrayam gina anke munama Isak, nafae fakatoglagan gina sis fawaluk menit, ay katanya yangay Isak at nafakamulun sat munama Akub, ay anggan Akub nafakamulun yangay takatanya sat ngay munama fag labi dua. Kanya at fagsigadan tam ngay mangaguyang.