Lukas 1:48 - Fanawbuid tagsibaliwas Fakayabian

⁴⁸ Aroro Dius namatang tua angku at mafalingun fag fagsuguan. Dungugani, siginan katsi, fagayu taw at sugfun gfangayan angku te, sik mauseganan.

Lukas 1:48 Referans Kwoze

Alubad. 138:6

Yawi, o wan tiba tungud, ay galaga tuo ngay taw at yud e kwa. Dewa katanya, kayayu way o siginan sangay taw takamatungudun.

Malakyas 3:12

Ay ginanya ban, fagayu talun at taw gfangayan ayu te, at manabayan fag talun, aroro ay ngay furuan at masine fag fagbanwanan. Au, Yawi at Mabalyanan, taglong tuy.”

1 Samwel 1:11

Ana gfatuyanan sas Yawi te, “Yawi at Mabalyanan, damai ku fagidapun. Amatangi angku am fagsuguan. Nu nafon di ban o angku sik sisian munama, namon kban anya sa emu kaduge gleleg ay kwa ban gufo at buk.”

Lukas 11:27

Kaduge Isus garingang, sik mangena gbia nu nalong siginan swa taw te, “Mauseganan kafag mangena at nafasalug emu, ay at nafasusu emu ebi.”

Alubad. 136:23

Kanya di nalyam antam gina tam mamomuy ay gafaplan. Nu mafangesug di e fakatabuan.

Lukas 1:42

Ay Elisabet maksvn nu glong te, “Dius nu ggubuk emu gtungud tua tibak mangena. Ay Dius nagubuk yangay anggan am fagfafionun.

Lukas 1:28

Ay kafag tagbarita nu ndasug, nalong sas Maria te, “Useganani, aroro tam Fun ggubuk tua emu ay si yangay emu.”

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

2 Samwel 7:8

“Ay longi yangay sas Dabid te, ‘Au Yawi at Mabalyanan, glong au te, Ebi sik tagulit way o ngay tupa, dewa katanya, nafili au emu laman at namangguna ku ngay taw Israel.

1 Samwel 2:8

Kanya ggubuk at maidap fag ngay taw siginans fagidapun. Yawi e fagmabalyananun gfae fanambagun at maidap fag ngay taw magamut ngay fun ay gfae fagusegananun. Yawi wan tagagbilug fagdaul daga at fagtungkudan.

Fakasigadan 30:13

Lia nalong te, “Maksvn nu guseganan au aroro ngay mangena gfangayan angku te, sik taguseganan.” Nu katanya, kanya nafangayan kafag munama te, Aser.

Alubad. 102:17

Ay ginanya ban, kanya gbalus tagidapan fag ngay taw at darangin, ay di ban gaiyan.

Alubad. 72:17

Amatangi tua ban nangus gugat kafag fun at ngayan, kaduge ban e menit. Dius nangus gfae ramraman sas fagayu talun, aroro siginan kafag fun, ay tibak talun at ngay taw lumong te, Dius nafae ramraman kafag fun.

Lukas 1:45

Ay mauseganan tuo, aroro gafanud tuo te, umfasludan ban tam Fun at longan sa emu.”

Lukas 1:49

Aroro at Mabalyanan fag Dius at nafakamulun sa angku maksvn nu madulo. At ngayan we malong.