Lukas 1:46 - Fanawbuid tagsibaliwas Fakayabian

⁴⁶ Maria nalong te, “Gseg au tam Fun sas fagdaul ku basad taw.

Lukas 1:46 Referans Kwoze

Alubad. 35:9

Yawi, nu katanya, guseganan au sa emu, aroro nafalangfe tuo angku.

Isayas 61:10

Guseganan au sas Yawi ku Dius, aroro kanya nafalangfe tua ay nafae fagmatuyanun angku, kata nu nafae lanbung angku. Ay ankata au sik mangama at nangadadwa at ke lanbung masine kata ngay tagfon fanggalangun, ay kata yangay sik mangena at nangadadwa at mafasinean.

1 Kurintu 1:31

Nu katanya, faningi at Rirukan te, “Nusnga sinu takaylat kamatungudun, at fakamatungudunun sai tua baliwa tam Fun.”

Filipus 4:4

Kabavn useganani sa tam Fun. Gdog au glong te, useganani!

Ruma 5:11

Bundi lang katanya, nu bunway guseganan tam sas Dius aroro at nafakamulun siginan tam Fun Isus. Siginan anya, ansadi tua tam sas Dius.

Isayas 45:25

Yawi gtap Israel at ngay kasugfunanan te, yud e asalanan, ay kanya ban fagayu sumeg anya.

1 Pedru 1:8

Dewa am yud batang glag anya, kesug tuam anya. Ay dasug katsi yam glag anya, dewa katanya gafanud tuam sa anya. Nu katanya, maksvn tua nu guseganan am, at kaksvnan we taw ya mafafoyung.

Filipus 3:3

Amatangani te, itam wan Dius at ngay sisian, ay gseg tam anya siginan at Masine fag Falad, ay guseganan tam aroro siginan tam fagmasadiun sa tam Fun Isus, ay tam fagsegun bunwa siginans taw at faugali.

2 Kurintu. 2:14

Guseganan tam sas Dius aroro kanya gfosuk tua gugat emi sa tam Fun Isus at fagmababoun aroro masadi tua ami sa anya. Ay nusnga nday ami, Dius gagbilug emi laman gfatoglag ami tam Fun Isus sas fagayu taw. Takatanya em fakamulun kata nu gfarapyag ami sik famaebebanglu.

1 Tesalunika 5:23

Dius gfon fagmanabayanun, ay kanya nangus gfasine ayu laman diam e malong. Dius wa nangus fia tagbakvd fagdaul ay falad, ay ay amatanganan, ay ay bilug, laman diam e malong gina ban tam Fun Isus andasug.