Lukas 1:28 - Fanawbuid tagsibaliwas Fakayabian

²⁸ Ay kafag tagbarita nu ndasug, nalong sas Maria te, “Useganani, aroro tam Fun ggubuk tua emu ay si yangay emu.”

Lukas 1:28 Referans Kwoze

Daniel 10:19

Kanya nalong sa angku te, “Dius kesug tua emu; lag kalimu ay lag gamatangan. Fabitsugi am amatanganan.” Ay kanya nu nalong wan takatanya, ku fagmabitsugun anfoli wan. Ay nalong au sa anya te, “Fataglayuni wan nu garingang o, aroro nafabitsug tuo angku.”

Tagfangguna 6:12

Yawi at tagbarita ansure sas Gidyun ay nalong te, “Maseganama o ay at mabitsug fag taw, Yawi ggubuk emu.”

Lukas 1:30

Ay kafag tagbarita nalong te, “Maria, lag o kalimu, aroro Dius kesug emu.

Efesu 1:6

Fauseganani Dius, aroro kanya nafakamulun tua at madulo fag famonun sa antam siginan at fakesugun at Baguama.

Fakamulun 18:10

Aroro gufud au gugat emu. We mafauri emu aroro ngayu tua tagfaning angku ste fag furuan.”

Lukas 1:42

Ay Elisabet maksvn nu glong te, “Dius nu ggubuk emu gtungud tua tibak mangena. Ay Dius nagubuk yangay anggan am fagfafionun.

Tagfangguna 5:24

Mauseganan tua Yael, Keber at mangena, fag taw Ken, gtungud yay tibak mangena tagbanwan si sangay bale ramit.

Mateu 12:48

Ay Isus nabalus te, “Sinu nunda ku mina ay ku ngay faduksay?”

Usea 14:2

Afolii wan sas Yawi ay longi sa anya te, ‘Falyami wan em ngay asalanan, ay aylati emi kata am fagmasineun, laman mafauseganan ami emu.

Isayas 43:5

Lag o kalimu aroro au wan am ufud. Namaful kyay ban fagayu am ngay kasugfunanan tagsis fakamenitan ay tagsis fakayabian.

Rut 2:4

Ginanya fag buknga, Buas siginans Betleem ay nasat gamasun, ay kanya nalong sat ngay taggutlu te, “Yawi nangus sumawa fia ayu.” Ay at ngay taggutlu gbalus te, “Suma yangay nangus fia emu.”

Lukas 1:27

Sanya sik baguina at yud batang e nasa anya. Kanya fag baguina, Use at algan ban at bubay, at ngayan Maria. Use, Dabid at kasugfunanan.

Lukas 1:29

Ay Maria nu nadungug, gafanawa, ay gamatangan te, “Nataw manga at longan angku at masuad?”