Lebitiku 2:1 - Fanawbuid tagsibaliwas Fakayabian

¹ “Ay sik taw nu namon at fanggalangun laman famauseganan Yawi, at fanggalangun at masinei tua fag fangawat tinapay, ay fasuglati langis ulibu ay famaebebanglu.

Lebitiku 2:1 Referans Kwoze

At Nafasure 8:3

Ay nalag au sadi yak tagbarita ankakbang sas fagirugan famaebebanglu, ay kanya gbitbitan sik famanus famaebebanglu at mawatan siginans gintu. Ay nafon sa anya ngayuk famaebebanglu laman nangirug sas fagirugan famaebebanglu at mawatan siginans gintu tagsis salubangan faglunggungan, gasfuan yangay Dius at ngay taw at ngay darangin.

Isayas 66:20

Ay kanya ban fagayu gina guli siginan sangay talun gtaban ban ay ngay kalongan. Kanya ban fagayu gsakay sit ngay kabayu, sit ngay mola, sit ngay kamelyu, ay sit ngay faguyudan. Ay gtaban ban sa ku nafili fag buksul at yud e malong tagsis Erusalem laman sik fanggalangun sa angku, kata ebi ngay taw Israel nu gfon at ngay fanggalangun si ku bale, fanggalangun fag ngay fakonun masuadan sit masine fag fagsuadan.

Lebitiku 9:17

Kanya nabuba yangay sas wabilug fagmafulan at fanggalangun famauseganan Yawi. Ay kanya nabul sik galumut fangawat tinapay ay nairug sas fagirugan gasfuan ngay fagirugun fag ngay fanggalangun tagsis balabag baliwa nu girug.

Udas 1:20

Dewa katanya am, ku ngay fakesugun, maksvni tua sa ay mafanud fag fagafanudun. Darangini siginan at Masine fag Falad nu ggubuk ayu.

1 Uan 2:27

Tam Fun Isus nafon sa ayu at Masine fag Falad. Nu katanya wam gayudan ya tibak takamoyung, aroro at Masine fag Falad tagfoyung ayu nusnge wain fagayu. At ugali matuyan ay kanya wa kamuag. Ay faningi at foyungan ayu te, banwani gugat sa tam Fun Isus.

1 Uan 2:20

Ay nafon sa ayu at Masine fag Falad ay nasaful tuam at matuyan.

Uan 6:35

Ay Isus glong sa anya fagayu te, “Au wan tagfon leleg fag fakonun. Nusnga sinu takakbang sa angku di ban kalunus ay nusnga sinu tagafanud sa angku di ban kadanum kabavn.

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Uel 2:14

Tibaginan ro, Yawi gfabali yay at amatanganan, ay gfon ayu ngayuk gutluan, laman e fon tuam sa anya ngay fanggalangun fag ngay rawvg ay ngay fanlangu.

Nu Galin 29:2

Ay siginan at masine fag fangawat tinapay at yud e famabia, awati ngay tinapay at madamvl at mafasuglatan langis, ay at mayangfis at mararusan langis.

Uel 1:9

Aroro wat ubas we rawvg ya ay we mamam ya fanlangu laman at fanggalangun sas Yawi at bale. Nu katanya, ngay tagfon fanggalangun tagfakamulun sa anya maksvn nu kabalu.

Lebitiku 5:11

“Dewa katanya, kanya fag taw nu dway makatu gfon duak labikung ay mannga duak udkuruan, masine kanya nu gbuba duak fabudbungguan fangawat tinapay, at yud e suglat langis ay famaebebanglu, aroro kanya sik fanggalangun laman famalyam asalanan.

Tap 8:8

Sanya ginan, foni anya fagayu sik riangan baka tama, ay at masine fag fangawat tinapay at mafasuglatan langis laman sik famauseganan fanggalangun sas Yawi. Ay foni yangay sik riangan baka tama laman sik fanggalangun famalyam asalanan.

Tap 18:9

E afud am siginans ngay fanggalangun yud nairug, ngay taw at fanggalangun sa angku laman sik yud e malong fag fanggalangun. Gasfuan yangay ngay fanggalangun nu gfauseganan angku, fanggalangun sat nafian, ay fanggalangun famalyam asalanan. Tuy wan fagayu am ngay afud.

Tap 28:5

gasfuan nu gfon fanggalangun famauseganan Yawi fag duak fabudbungguan at masine fag fangawat tinapay at ke suglat sik baringan langis ulibu.

Tap 29:18

Gina am gfon ay fanggalangun, foni nu seyu at kasakan fag fanggalangun famauseganan Yawi ay foni yangay fanginum fag fanggalangun.

Isayas 43:23

Ay wo nafon sa angku sik fagirugun fag tupa. Ay wo nafauseganan angku, dewa au yud gfaidapan emu ay gfalufuy siginan nu get au sa emu te, foni tua sa angku fanggalangun ay ngay famaebebanglu.

Lebitiku 6:7

Tagfon fanggalangun nu nafakamulun tua takatanya, Yawi gfalyam kanya fag taw at ngay asalanan.”

Lebitiku 9:4

Bubai yangay sik tama baka ay sik riangan tupa, laman sik fanggalangun laman sas fagmanabayanun. Kanya gfon kafag ngay fagbaugun gasfuan sik rawvg at mafasuglatan langis, aroro katsi fag menit Yawi nafasure sa ayu at fagmasineun.’ ”

Lebitiku 14:10

Sis fawaluk menit, masine kanya nu gbuba duak tama tupa ay sik tina tupa, tagsadik banwa ay at yud e malong. Ay kanya gbuba yangay unumk fabudbungguan fangawat tinapay at ke famasuglat langis, laman sik fanggalangun famauseganan Yawi. Ay kanya gbuba yangay sik taya langis.

Lebitiku 24:7

Ay folii at yud e suglat fag famaebebanglu sa kafag duak talad tinapay at mesa tigyangan. Kafag famaebebanglu sik fanggalangun laman gamatang tuam gugat Yawi. Kanya tua at fagnangirugun fag famaebebanglu at fanggalangun sas Yawi abat ngate kafag tinapay.

Esekyel 46:20

Kafag taw nalong sa angku te, “Ste, ngay tagfon fanggalangun nu gseud ngay fanggalangun famayad asalanan, ay famalyam asalanan, ay nu gfatama at gutluan fag fanggalangun. Sanya wan kanya fagayu nu gfatama laman wa namuba ya fanggalangun sas tagbia fag basad alad laman ngay taw Israel di kafaurianan.”