Lebitiku 19:3 - Fanawbuid tagsibaliwas Fakayabian

³ Suyui tua ay mama ay ay mina. Faningi ku suguan ayu galay Famiangalay fag Menit. Au wan ay Dius Yawi.

Lebitiku 19:3 Referans Kwoze

Nu Galin 20:12

Suyui ay mama ay ay mina laman mabanwan am ngaduge si ku fon ban ayu fag daga.

Nu Galin 20:8

Amatangi Famiangalay fag Menit, ay fasamani kanya fag menit laman sa angku.

Ebreu 12:9

Dewa tam mama ste swa daga gatul tua antam, ay gsuyu tua tam anya. Nu katanya, faugati yap nu gfaning tam tam Mama tagsis banwa, laman ban e leleg tua tam.

Fangatulun 30:17

Nusnga sinu fag sisian tagfalingun ay takamabo at fagtainan, ugak suminduk at ngay mata, ay nu nbul ban, ngay bio nangon at bilug.

Isayas 58:13

Ay nu gfaning tuam gugat ku ngay faugali sabaliwas Famiangalay fag Menit, ay nu ddi ban am gugat gamatang ay sadili fakaylatun ginanya fag menit, ay nu gtuyan tua ban am kafag menit te, sik famauseganan, siginan nu gfaragang ay ngay sadili fakaylatun, ay sa nu garingang am at yud e tungkul,

Fangatulun 30:11

Tibak sisian wa gdarangin ya sas Dius te, “Gubuki em ngay fagtainan,” abat ngate, glong way at mauri.

Fangatulun 23:22

Dungugani am fagtainan at ngay foyungan, ay lag gfalingun anya dewa ban anfagtainan.

Deuterunumyu 27:16

“Umfaurianan ban nangus sik taw at yud gfaning at mama ay mina.” Ay fagayu ban taw gbalus te, “Anud!”

Nu Galin 21:17

“Nusnga sinu at nafalingun at mama ay at mina, fabuli wa anya.

Nu Galin 21:15

“Nusnga sinu at nafauri at mama ay at mina, fabuli wa anya.

Nu Galin 16:29

Amatangani, nafasaman au Famiangalay fag Menit, nu katanya, galay sis faunumk menit, gfamut au ay fakonun. Ay fagayu am sii way fia ay mesa fagbanwanan sis fafituk menit. Ay lag am gduksun laman nanrvbvy ay fakonun.”

Malakyas 1:6

Yawi at Mabalyanan nalong sa sangay tagfon fanggalangun te, “Sik sisian gsuyu tua at mama ay sik fagsuguan gsuyu yangay at tagfayafun. Ay am, wain ay fagyudun gsuyu angku ay au oma ay mama ay ay tagfayafun? Takatanya ay fakamulun gfauri am angku. Dewa katanya, ginto yayam te, ‘Ay setain nunda nu gfauri ami emu?’

Esekyel 20:12

Nafalganan kyangay sa anya fagayu Famiangalay fag Menit laman famamatang ku nasadian sa anya fagayu. Kanya tagfamatang sanya fag ngay taw te, au Yawi at nafili anya fagayu te, ku ngay taw fia.

Lebitiku 26:2

“Faningi ku ngay suguan ayu sa baliwas Famiangalay fag Menit ay famafanudi tua ku bale. Au Yawi.

Fangatulun 1:8

Ku sisian, dungugani am ngay fagtainan nu gfoyung ay nu gturun emu sat matuyan fag ugali,

Lebitiku 19:30

“Faningi ku ngay suguan ayu sa baliwas Famiangalay fag Menit, ay famafanudi tua ku bale. Au Yawi.

Lebitiku 23:3

“Unumk menit nu gfakamulun am, dewa katanya, sis fafituk menit fiangalayi way ay afuli, aroro ginanya Famiangalay fag Menit. Lag am gfakamulun ginanya fag menit nusnga nday nu gbanwan am, aroro ginanya nu gfauseganan am Yawi.

Deuterunumyu 5:16

Suyui ay mama ay ay mina kata ku suguan ayu laman mabanwan am ngaduge ay manabayan si ku fon ban ayu fag daga.

Fakasigadan 48:12

Ay Use nabul wa vtv at ngay sisian siginans Israel at tungud balangbang, ay narungan gfauseganan at mama.

Lebitiku 19:25

Ay si bans falimak banwa, masine wam kon ay ngay tanum at rawvg. Ay nu nafaning tua ban am takatatuy fag ngay faugali, ngayu tua ban ay ngay fananumun at rawvg. Au wan ay Dius Yawi.

Lebitiku 19:31

“Lag am nanget gubuk sa sangay taw tagfakamatoan ngay kinbul at falad, aroro nu nafakamulun ban am takatanya, umsik masuya am. Au wan ay Dius Yawi.

Lebitiku 19:34

Ay tapi anya fagayu te, ay kaiban, ay esugi anya fagayu kata nu kesug am ay sadili, aroro ebi, sik ngay betaw yangay am sis talun Igiptu. Au wan ay Dius Yawi.

Nemyas 9:14

Nafoyung o sa anya fagayu sabaliwa at fakamulun sis Famiangalay fag Menit. Ay siginan am fagsuguan Muisis, nasugu o anya fagayu te, faningi am ngay suguan, am ngay foyungan, ay am ngay faugali.