Kulusas 3:8 - Fanawbuid tagsibaliwas Fakayabian

⁸ Ay katsi masine nu gubun wam takatatuy fagayu: fagfangadotamaun, ay fagfangauriun, ay at mauri fag amatanganan, ay fakamalingunun, ay at mauri fag ngay longan.

Kulusas 3:8 Referans Kwoze

Efesu 4:29

Lag am glong nusnge wain at mauri, nu bunway at mafagubuk tua ay at mafaksvn ay iba kata at fagayudanun, laman e fanambagun tua sa tagdungugan.

Efesu 4:22

E nafoyung ayu te, ay fagfangalabianun gdaya ayu laman namamin ayu, ay nu katanya, ubuni wan ay dan fag ugali anggan ay dan fag ngay fakamulun.

Efesu 5:4

Ay lag yangay gugali nusnga setaw fag mauri ay at yud e tungkul fag fagkamatoanun ay at yud masine fag alaman, nu bunway useganani tua sas Dius.

Kulusas 3:5

Nu katanya, at masine fabuli wan tagsi ayu tagfaning ste swa daga fag fakaylatun kata fagfanugtugun, ay fagamatanganun ay fagkamatoanun sanya baliwa, ay fagfaningun ay bilug at fakaylatun, ay at mauri fag fakaylatun, ay fagfanganuranun. Fagfanganuranun kata yay nu gseg at yud matuyan fag ngay fagsegan.

Efesu 4:26

Ay dewa am ankuri, lag gfadasug sas asalanan. Ay lag am gfafagngabak menit nu gfalyam am ay fakauriun.

Ebreu 12:1

Nu katanya, dakngani maligung tam ngayuk taw tagfatuyan, gubun watam fagayu tagsalag antam ay tam asalanan tagfatawad gugat antam, ay gugatan tua tam gfataglayun gafanud, kata nu ggudgunan tam.

Fangatulun 29:22

Sik taw at masakit gfangadotama, gfasigad awayan, ay kanya mauri gugat.

Kulusas 3:9

Lag am kadkamuagan ya, aroro naubun wam ay dan fag taw anggan ay dan fag ugali,

1 Pedru 2:1

Nu katanya, ubuni wan ay fagmauriun ay fagfandayaun, ay fakamaninganun, ay fagfangalabianun, ay nu glong am at yud matuyan sabaliwa ay iba.

2 Kurintu. 12:20

Aroro gafanawa au te, gina kban andasug sanya, e lagan kway ban manga ku fagyudun guseganan si ayu, ay e lagan yangay ban am manga ay fagyudun guseganan ku fakamulun, ay gawayan way ban am manga, ay galabian ay iba, ay kadkadotaman, ay gbadbaboan, ay glong at yud matuyan sabaliwa ay iba, ay ginasan sat yud matuyan, ay kamatungudun, ay gugali at yud matuyan fag ugali.

1 Kurintu 3:3

Aroro gfaning yayam ay bilug at fakaylatun. Gfangalabian yayam ay gawayan, takatanya ay fakamulun gfatuyan te, gfaning yayam ay bilug at fakaylatun ay fagdaul daga at ugali.

Mateu 5:22

Ay katsi glong au ayu te, nusnga sinu takauri at faduksay, umfaurianan. Ay nusnga sinu taglong sat faduksay te, ‘Gfansaful o,’ e tumaban ban sa sangay taginsaful. Ay nusnga sinu taglong te, ‘Wo e amatanganan,’ kanya ban nangadasug sas Afuy Daul.

Alubad. 37:8

Lag o gfangauri, ay lag o gfangafanluat, ay lag o gafanawa, aroro takatanya gfae fagmauriun way emu.

Galasya 5:15

Dewa katanya, nu gawayan way am gugat kata ngay mangilafang, umkamin am.

Ruma 13:13

Ugalii tua at masine aroro si tua tam sad mayamag, ay di tam si ya sad madulum. Ay saruyi takatatuy fagayu: fakamasaweun nu guseganan, fagfanlanguanun, fagfanugtugun, ay at mapla fag fakamulun, fagawayanun, ay fagfangalabianun.

Fangatulun 17:14

Tagfae awayan kata way sik famalabag mamam at ke sulbung, fauti wan, laman di kabia.

Udas 1:8

Ngay taw takamuagan at kindasug sa ayu nafakamulun yangay takatanya. Siginan at ngay taginfan, kanya nafae fagmauriun at ngay sadili, ay gfauri Dius at mabalyanan, ay gfalingun ngay tagbarita.

2 Pedru 2:18

Kafag ngay taw kamaseganamaun nu garingang, dewa katanya, we tungkul at foyungan. Ay kanya fagayu gfamatanganan sas fagfanugtugun laman gfaylatan gfafoli sas asalanan ngay taw at bagu yay kalfas siginan at yud matuyan fag ngay ugali.

Santiagu 2:7

O nunda bunwa kanya fagayu tagfalingun tam Fun Isus at ngayan at mauseganan? Ay siginan kafag ngayan ngay taw toglag ayu.

1 Timuteu 1:20

Ay anggan Imeneu ay Aleandru nafalyam yangay at fagafanudun. Nafon kwan duama sas Satanas laman gfaragang wan nu glong at mauri sas Dius.

1 Timuteu 1:13

Kanya nafili angku dewa au nalong at mauri sa anya ay dewa au nafauri ay nafalingun anya. Ay dewa katanya, Dius anfanyu yay angku, aroro gina au yud gafanud sa anya, kya saful ku fakamulun.

Galasya 5:26

Lag tam kamatungudun, ay lag gfauri tam ngay iba, ay lag gfangalabian.

Galasya 5:20

ay nu gseg at yud matuyan fag ngay fagsegan, ay fagfangufitun, ay fakauriun ay iba, ay fakamawayanun, ay fagfangalabianun, ay fagfangadotamaun, ay fakamasadiliunun, ay fagbadbaboanun, ay faginkafudanun,

Markus 7:22

ay nu gfanugtug sat ke indugan, ay nu gfangalabian tiba at ramraman, ay nu gfakamulun at mauri, ay nu gfandaya, ay at fagyudun e apla, ay nu galabian, ay nu kamuagan gfatuyan sabaliwa at iba, ay nu kamatungudun, ay anggan nu yud e amatanganan.

At Nafasure 16:9

Ay kafag ngay taw dewa nasugba, ya kaylat gubun at ngay fagmauriun. Ay wa yangay kaylat gfauseganan Dius, abat ngate, kanya fagayu gfalingun way Dius.

Fangatulun 19:19

Lag o ggubuk tagfangadotama fag taw dewa gafaurianan, aroro nu nagubuk ro wo, kanya ban gdog yay nangugali at mauri.

Udas 1:13

Kanya fagayu kata at kinramsaw fag burak siginans dagat nu glugwak, ay kata way sik galeme at malyaman, ay at mafalganan wan sat yud e fakatabuan fag fagmadulumun.

2 Pedru 2:7

Ay Dius nafalangfe Lut, sik taw matuyan; kanya kauri at mauri fag ngay taw at fakamulun at maksvn nu mapla.

Efesu 4:25

Nu katanya, lag am kadkamuagan ya, nu bunway matuyani tua sas galay am at sadi, aroro fagayu tam masadi tam si sik bilug.