Kulusas 3:15 - Fanawbuid tagsibaliwas Fakayabian

¹⁵ Fabanwani si ay ngay amatanganan fagmanabayanun siginan tam Fun Isus. Aroro siginan at nauroan ayu, antap am te, tam Fun Isus am at bilug at ngay afud. Ay kabavn useganani.

Kulusas 3:15 Referans Kwoze

Uan 14:27

Lag am gafanawa ay lag kalimu, aroro gfamato au sa ayu fagmanabayanun. Ku fon sa ayu fag fagmanabayanun, di kata tagste sfagdaul daga at fon fag fagmanabayanun.

Isayas 26:3

Yawi, foni sik maksvn fag fagmanabayanun sanya fag ngay taw tagamatangan kabavn sabaliwa emu, aroro gafanud tua sa emu.

Ruma 15:13

Dius wan tagfon fagsegun, ay ku darangin te, kanya yangay nangus tagfon ayu fagusegananun ay fagmanabayanun aroro gafanud tuam sa anya, laman maksvn tua ay fagsegun siginan at Masine fag Falad at fagmabalyananun.

1 Tesalunika 5:18

kabavn segi Dius nusnge wain at kinfasludan sa ayu, aroro katanya tua Dius at fakaylatun sa ayu tagfaning tam Fun Isus.

Alubad. 29:11

Yawi gfon fagmabitsugun sat ngay taw ay gfon yangay fagmanabayanun.

Ruma 5:1

Nu katanya, dakngani antap watam kata nu yud tam e asalanan siginan tam fagafanudun, e fagmanabayanun tua tam sas Dius siginan tam Fun Isus.

Kulusas 3:17

Ay fagayu ay fakamulun, ay anggan ay longan, fakamuluni sa tam Fun Isus at ngayan, ay siginan anya useganani sas Dius tam Mama.

Uan 16:33

Nafoyung au ayu takatanya laman e fagmanabayanun tuam siginan ay fagmasadiun sa angku. Dumalan ban am fagidapun ste swa daga, ay dewa katanya, faksvni ay amatanganan, aroro nababo kwan at mauri ste swa daga.”

Efesu 5:20

Kabavn fauseganani tam Dius tam Mama aroro sas fagayu nusnge wain, siginan tam Fun Isus at ngayan.

2 Kurintu. 9:11

Dius wan tagfaramraman ayu sas nusnge wain laman kaugat yay nu ggubuk am ay iba. Nu katanya, ngayu tua ban taguseganan sas Dius gina ami gfon ay fanggubukun.

Efesu 4:4

Ansadi tam sa sik bilug ay sa sik Falad, ay sadi yangay tam fagsegun at nafon antam gina nauro antam.

Ruma 14:17

Dius nu gfagtainan taw wa siginans fakonun ay fanginum, nu bunway siginan tua nu gbanwan matuyan ay manabayan, ay at ke fagusegananun siginan at Masine fag Falad.

Alubad. 116:17

Gdarangin kban gugat sas Yawi, ay namon ku fanggalangun at mauseganan sa anya.

1 Timuteu 2:1

Taguna, gfalukmeanan au sa ayu te, darangini laman sas fagayu taw. Fadasugi sas Dius ay ngay fagetun laman sa anya fagayu, ay useganani.

Kulusas 2:7

Fataglayuni nu mabakvd am si tam Fun Isus, ay fagbilugi sa anya ay leleg, ay faksvni ay fagafanudun kata at foyungan sa ayu, ay kabavn useganani.

Efesu 5:1

Dakngani am wan Dius at fakesugun at ngay sisian, faningi tua anya.

2 Kurintu. 4:15

Fagayu em fagagwantanun gfae fagmasineun tua ayu, laman Dius at fagmagalangun gina karapyag sas ngayuk taw, kaugat yay nu kaayu tagfauseganan ay tagseg anya.

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

At Nafasure 7:12

“Anud! Fagsegun, ay fagmasineun, ay fagmamatanganun, ay fagusegananun, ay famauseganan, ay fagmabalyananun, ay fagmabitsugun tagsi tam Dius kabavn ban. Anud!”

Efesu 4:16

Siginan anya fagdaul at bilug matuyan tua nu gdiuganan nu masine tua fagayu at afud at fakamulun, ay fagdaul at bilug mataglu tua ay karabung tua ay kaksvn tua sas fakesugun.

Alubad. 107:22

Kanya nangus fagayu gfon at ngay fanggalangun laman famauseganan Dius, ay galubad guseganan sabaliwa at ngay nafakamulun.

Kulusas 1:12

gina am guseganan sa tam Mama, aroro kanya nafasine ayu laman e afud tuam sat fagnamonun at nafalganan sat ngay taw tagbanwan sad mayamag.

Alubad. 100:4

Sakboi sas Dius at bale, fauseganani ay segi anya.

Ebreu 13:15

Nu katanya gfataglayun tam gugat gfauseganan Dius. Katanya tam fanggalangun sa anya siginan nu gfoyung tam te, gafanud tua tam sas Isus.

1 Kurintu 7:15

Ay dewa katanya, at yud gafanud fag mangama nu gubun wan at mangena, ay at yud gafanud fag mangena nu gubun wan at mangama, lag am gsalag ya. Sabaliwa takatanya, tagafanud fag mangama ay fag mangena wa gfatawad ya at mangena ay at mangama. Aroro tam Dius at fagnauroun antam laman namanwan tua tam manabayan.

Ruma 1:21

Kafag ngay taw dewa saful Dius, wa gseg ay wa gfauseganan anya. Abat ngate at ngay amatanganan sa way lang at yud e tungkul, ay nalyam wan at amatanganan sabaliwa at matuyan, kata wan nu ndulum.

Unas 2:9

Dewa katanya, au ban nangalubad ktua sa emu sik mauseganan fag alubad. Ay namafasludan kban ku ngay fatuyanan te, namon au sa emu fanggalangun. Yawi, o wan ku tagfalangfe.”

Isayas 27:5

Ay kanya umlangfe tua nu masadi tua sa angku ay get gubuk sa angku.

Isayas 57:19

Ay nu katanya, kanya ban fagayu sumeg angku. Ay dewa tangayayu ay at munakbang, namae fagmanabayanun kban anya, ay gfafia kban anya fagayu. Au, Yawi, taglong tuy.

1 Kurintu 10:17

Fagayu tam kata tam sadik bilug aroro sadi wayk tinapay tam nafudan.

1 Timuteu 6:12

Fabadbaboani sabaliwa am fagafanudun. Ay bakvdi leleg at yud e fakatabuan. Kanya wan Dius at fagnauroun emu gina o maseganama gfoyung sa sangay taw sabaliwa am fagafanudun.