Kulusas 2:8 - Fanawbuid tagsibaliwas Fakayabian

⁸ Dirii laman diam gatabanan sa sangay foyungan at yud e tungkul ay takamuagan, kata tam ngay mangaguyang at fagsafulun ay siginan fagdaul daga at ugali. Takatanya fag foyungan bunwa siginan tam Fun Isus.

Kulusas 2:8 Referans Kwoze

1 Timuteu 6:20

Timuteu, bakvdi at nafafatigwanan sa emu fag ngay foyungan. Ay saruyi fagayu tagste swa daga yud e tungkul fag kamatoanan, ay tagbadbaboan sabaliwa at yud mafanud fag fagsafulun.

Efesu 5:6

Lag am gadayan nusnga sinu fag taw at yud matuyan at longan, aroro Dius kadotama nusnga sinu takamabo.

Mateu 7:15

“Dirii ngay tagfandaya te, ‘Au wan at sadi Dius at taglong.’ Kanya gina kadasug sa ayu magup kata sik ngay tupa. Ay dewa katanya mangaro kafag ngay taw kata way sik ngay tagfangagat fag idu talun.

Galasya 4:9

Ay katsi natoglag tuam Dius, ay at mafanud, Dius tua at natoglag ayu laman at ngay sisian. Nu katanya, wain ay fagfaningun yay ngay foyungan at yud e tungkul ay at yud e fanambagun? Wain ay fakaylatun yay nangafagsuguanan takatanya fagayu?

Kulusas 2:20

Anbul oma am gasfuan tam Fun Isus ay nalfas oma am siginan fagdaul daga at ugali at fagmabalyananun. Ay wain ay fagfaningun yay fagdaul daga at ngay suguan te,

2 Timuteu 3:13

Dewa katanya, at mauri ay tagfandaya fag ngay taw at fagmauriun umkaksvn ban. Kanya fag ngay taw gfataglayun nu gfandaya ay anggan kanya gadayan yangay.

Eremyas 29:8

Yawi at Mabalyanan, Israel at Dius, glong yangay fia te, “Lag am gafaylatan ay ngay taglong ay ay kaiban fag ngay taginsaful nu kamuag sa ayu. Ay lag am gafanud sat ngay taginfan.

2 Pedru 3:17

Nu katanya, ku ngay fakesugun, dakngani nasaful wam takatanya, madiriani tua laman ban diam gatabanan at mauri fag ngay taw at foyungan, ay manmomuy ay maksvn fag fagafanudun.

Ebreu 13:9

Lag am gatabanan sa tibak foyungan tagsaman ay nasaful. Masine nu gfaksvn tua tam tam ngay amatanganan siginans Dius at fagmagalangun, abat ngate tam gfaning ngay suguan sabaliwas fakonun. We tungkul nu gfaning tam takatanya fag ngay suguan.

2 Uan 1:8

Nu katanya, mafalganani tua, laman ban di nfangulan ay nainlufuyan ay mul tua ban am at famonun.

Galasya 4:3

Ay anggan itam, gafagsuguanan tam fagdaul daga at ugali, gina tam yud gafanud sa tam Fun Isus.

2 Kurintu. 10:5

Ay grasras ami nusnga setaw fag famabadbaboan ay fagayu takamatungudun laman gsalag tibak taw nu kae fagsafulun sabaliwas Dius. Ay gtaban ami fagayu taw laman gfaning tua tam Fun Isus.

Kulusas 2:18

Lag am gatabanan nusnga sinu at yud matuyan nu kamababaun ay tagseg ngay tagbarita. Takatanya fag ngay taw gfoyung sabaliwa at ngay taginfan, ay kamatungudun sabaliwa at ngay amatanganan tagfaning ste swa daga fag ngay ugali.

1 Pedru 1:18

Nasaful wam at nafalangfe ayu siginan at yud e tungkul fag ugali, tagsiginan ay ngay mangaguyang. At nafalangfe ayu bunwa takarasras ay takamin, kata sanbung salapi ay gintu,

Ruma 16:17

Ku ngay faduksay, maksvn nu glong au sa ayu te, amatangani fia ay dirii nusnga sinu tagfasaruayan ayu sa ay fagmasadiun, ay tagfamomuy tibak taw at fagafanudun, ay tagfoyung tibak foyungan tagfabadbaboan ay nadungug wan fag foyungan. Ayayui siginan takatanya fag ngay taw.

Efesu 4:20

Dewa katanya, di katanya ay fagsafulun sabaliwa tam Fun Isus

Galasya 1:14

Ay gtungud kyay ku ngay ibama gina au gfaning taw Udyu at fagafanudun. Ay au amaseganama kyap tua gfaning em ngay mangaguyang at faugali.

Filipus 3:2

Dirii nusnga sinu fag taw tagugali at mauri kata sik idu, kafag ngay taw gfakamulun at mauri, ay kanya fagayu gfabulun sa sangay yud Udyu te, fae fakatoglagani.

Deuterunumyu 6:12

Tuyani te, wa ban am kalyam Yawi, at nafaduksun ayu siginans talun Igiptu nu inda nu gafagsuguanan am.

Mateu 16:6

Ay Isus nalong anya te, “Dirii ay mataganani taw Fariseu ay Saduseu at famabia tinapay.”

Mateu 10:17

Ay madiriani tua sa sangay taw, aroro tumaban ayu sa sangay taw Udyu at ngay fagtainan ay gfalang ayu si sangay bale fakafulan.

Kulusas 2:22

Fagayu takatanya taw way at ngay suguan ay at ngay foyungan at yud e tungkul. Takatanya fag longan sa way baliwa takamin way nu naon ay nu nainum.

Efesu 2:2

Gugali am gfaning ste sfagdaul daga at ugali, ay galo yangay am tagfunan kiwang fag falad at ke mauri fag ngay fagmabalyananun. Kanya wan tagfamatangan takamabo fag ngay taw.

Fakamulun 17:18

Ay sanya e duak gaban taw takamoyung, laman gfabadbaboan Pablu. At fasadik gaban, Epikureu, at faduak gaban, Estuiku. Ay sanya tiba glong te, “Nataw manga kanya at ngay nalong yud e tungkul?” Ay tiba glong te, “Kanya kamoyung sa baliwa tibak fagsegan.” Ngay taw at fagnalongun katanya, aroro Pablu gfoyung sabaliwas Isus ay anggan nu gdog naleleg.

Fakamulun 17:32

Ay kanya nu nadungug Pablu at longan sabaliwa nu gdog gfaleleg at ngay kinbul, tibak taw gfalingun anya, ay tibak taw glong te, “Kaylat yaymi gdog gdungugan emu sabaliwa takatatuy fag foyungan.”

Sulumun at Alubad 2:15

Nu kedkesugan ami, kata sik tanuman ubas. Ku ngay fagadgalangan, masakiti! Nanggamat am ngay idu talun tagrasras em tanuman wat ubas tagbarugwak.

1 Kurintu 8:9

Ay baliwan dirii tua nu kon am nusnge wain fag fakonun, laman diam gfataid at momuy yay at fagafanudun.

1 Kurintu 10:12

Nu katanya, mataganani tua nusnga sinu tagamatangan te, maksvn wan nu gafanud, laman di gatabanan sas asalanan.

Galasya 5:15

Dewa katanya, nu gawayan way am gugat kata ngay mangilafang, umkamin am.

Kulusas 2:23

Ngay taw at amatanganan, kafag ngay foyungan kata tua at mamatanganan fag taw at foyungan, aroro kafag ngay tagfandaya maksvn nu gseg ngay tagbarita, ay wa matuyan nu kamababaun ay gfaidapan at sadili. Dewa katanya, takatanya fag ngay suguan wa mafafaragang tam bilug at fakaylatun.

Ebreu 3:12

Ku ngay faduksay, nu katanya, dirii tua laman diam gamatangan sat mauri ay di kalyam ay fagafanudun ay tumalyuyan tagleleg fag Dius.