Kulusas 2:7 - Fanawbuid tagsibaliwas Fakayabian

⁷ Fataglayuni nu mabakvd am si tam Fun Isus, ay fagbilugi sa anya ay leleg, ay faksvni ay fagafanudun kata at foyungan sa ayu, ay kabavn useganani.

Kulusas 2:7 Referans Kwoze

Efesu 3:17

Tam Fun Isus nangus gbanwan si ay ngay amatanganan aroro gafanud tuam sa anya. Ay gdarangin kyangay te, maksvn am sis Dius at fakesugun, kata sik kayu tangabasad at lalid,

Eremyas 17:8

Kanya umkata sik fun kayu tagtugbung sis tigyangan liskung ay at ngay lalid tagdasug tua sasad mamam. Kafag fun kayu wa gafanawa dewa andasug tangaduge fag mangune. Ay at ngay don melo tua gugat ay di karagang nu grawvg.”

Kulusas 1:23

Katanya ban at kumfasludan nu gbanwan tuam matuyan ay nu gfaksvn tuam ay fagafanudun, ay nu ddi am gubun at Masine fag Barita at nafon sa ayu fag fagsegun. Katanya ay nadungug fag Masine fag Barita, at nafoyung wan sas fagayu taw. Au, Pablu, sik fagsuguan laman kamoyung takatanya.

2 Tesalunika 2:17

kanya nangus tagfasun ay tagfaksvn ay amatanganan laman fagayu ay fakamulun ay ay longan masine tua.

1 Pedru 5:10

Tam Dius magalang sas fagayu taw, ay kanya at nauro ayu sat yud e fakatabuan fag fagmasineun siginan tam Fun Isus. Wa ban glugo ya nu gidapan am, ay Dius ban namafia ay namabitsug ay namaksvn ayu.

Efesu 5:20

Kabavn fauseganani tam Dius tam Mama aroro sas fagayu nusnge wain, siginan tam Fun Isus at ngayan.

Ruma 16:25

Ay katsi segi tam Dius, tagfaksvn ay fagafanudun, gfaning ku foyungan ayu fag Masine fag Barita sabaliwas Isus tam Fun. Kanya fag Barita ngaduge wan nu masuksukan,

Alubad. 92:13

Kanya fagayu kata yangay sik ngay fun kayu tagtugbung sis Yawi tam Dius at bale.

Alubad. 1:3

At matuyan fag taw kata sik fun kayu tagsis tigyangan liskung, tagrawvg tua gina fanrawvgan fag buknga ay at ngay don di kalangke. Ay nusnga setaw at fagnamakamulunun kafasludan tua.

Udas 1:24

Tam Dius tagdiri ayu laman diam gasalanan, ay kanya yangay tagfayud e malong ayu laman mafakbang ayu sat daga salubangan ke fagusegananun.

1 Kurintu 15:58

Nu katanya, ku fakesugun fag ngay faduksay, faksvni ay amatanganan, ay dangay glamlamangan. Ay kabavn maseganamai tua nu gfakamulun am tam Fun at fakamulun, dakngani saful am te, wa ban umfangulan fagayu ay nainlufuyan.

Ebreu 13:15

Nu katanya gfataglayun tam gugat gfauseganan Dius. Katanya tam fanggalangun sa anya siginan nu gfoyung tam te, gafanud tua tam sas Isus.

Kulusas 3:17

Ay fagayu ay fakamulun, ay anggan ay longan, fakamuluni sa tam Fun Isus at ngayan, ay siginan anya useganani sas Dius tam Mama.

1 Tesalunika 5:18

kabavn segi Dius nusnge wain at kinfasludan sa ayu, aroro katanya tua Dius at fakaylatun sa ayu tagfaning tam Fun Isus.

Lukas 6:48

Kanya kata sik taw takawat at bale ay naali ngabasad, ay at turuk antungkud sas gang. Lugwak nu ndasug sat bale, di guigan at bale, aroro mogat tua.

Efesu 4:21

gina am nadungug sabaliwa anya. Ay sa ay fagmasadiun sa anya ansaful tuam at matuyan fag foyungan sabaliwas Isus.

Udas 1:20

Dewa katanya am, ku ngay fakesugun, maksvni tua sa ay mafanud fag fagafanudun. Darangini siginan at Masine fag Falad nu ggubuk ayu.

2 Kurintu. 1:21

Dius wan tagfaksvn emi ay ayu, siginan tam fagmasadiun sa tam Fun Isus, ay kanya yangay at nafili antam.

Udas 1:12

Kafag ngay taw gina gasfuan ayu gfangon, gfae fakaplaun ayu, aroro kanya fagayu gfangkumon. Ay at fagamatanganun at sadili way lang fakaylatun. Kanya fagayu kata way at yud e arak fag linyabu, tagabuban tagmara, ay kata yangay sik tanum tagrare yud grawvg dewa ndasug fanrawvgan, ay an-gulad, ay at lalid anyango wan.

1 Kurintu 1:8

Kanya yangay tagbakvd ayu sitsigons fakatabuan, laman ban diam e malong gina ban tam Fun Isus kafoli fag menit.

Ebreu 13:9

Lag am gatabanan sa tibak foyungan tagsaman ay nasaful. Masine nu gfaksvn tua tam tam ngay amatanganan siginans Dius at fagmagalangun, abat ngate tam gfaning ngay suguan sabaliwas fakonun. We tungkul nu gfaning tam takatanya fag ngay suguan.