Kulusas 2:6 - Fanawbuid tagsibaliwas Fakayabian

⁶ Dakngani gafanud tuam te, Isus tam Fun, fataglayuni tua nu gfaning am anya.

Kulusas 2:6 Referans Kwoze

Kulusas 1:10

Katanya em darangin laman mafafaning tuam at masine ay at maylat sa tam Fun, ay laman diam e fagayudanun sat masine fag fakamulun, ay kaksvn tua nu katoglag am tam Dius.

1 Uan 2:6

nusnga sinu taglong te, “Gbanwan au sas Dius,” masine nu gugali kata Isus at ugali.

1 Tesalunika 4:1

Em ngay faduksay, ebi nafoyung ami sa ayu te, fakamuluni at mauseganan sas Dius, ay nafakamulun tuam takatanya. Katsi, gurungan ami glong ayu te, sa tam Fun Isus at ngayan, faugati yap takatanya ay fakamulun.

Galasya 2:20

Ay kata nu nbul au sas fasulungan kayu gasfuan tam Fun Isus, ay katsi ku ugali gfaning ktua tam Fun Isus. Ay kaduge au gleleg ste swa daga, gafanud au sas Dius at Baguama at nesug angku ay at nafon at sadili laman sa angku.

2 Kurintu. 5:7

Gugali ami gfaning em fagafanudun, bundi ste swa daga takalag fagayu nusnge wain.

Kulusas 3:17

Ay fagayu ay fakamulun, ay anggan ay longan, fakamuluni sa tam Fun Isus at ngayan, ay siginan anya useganani sas Dius tam Mama.

Udas 1:3

Ku ngay fakesugun, maksvn nu kaylat au griruk sa ayu sabaliwa tam fakalangfean. Dewa katanya, gtungud yay nu kaylat au griruk sa ayu sabaliwa tagfaksvn ay fagafanudun, laman mabakvd tuam sa ay nadungug fag foyungan, Dius at nafatigwanan sat nafili fag ngay taw.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.

Filipus 1:27

Nu katanya, ugatani nu gfaning am tam Fun Isus at Masine fag Barita. Aroro, nu katanya tua ay fakamulun, umdasug kman sanya ay duan, antuyan kwa fia te, takadungug si ayu maksvn nu masadi am ay nu ggudgubukan am gfabadbaboan laman ban tibak taw gafanud sat Masine fag Barita,

Ebreu 3:14

Fagayu tam ansadi watam fia sa tam Fun Isus nu maksvn tua ban gugat nu gafanud tam sa anya sitsigons fakatabuan.

Efesu 4:1

Au sik maubungan aroro siginan nu gfaning au tam Fun, maksvn nu glong au ayu te, ugalii tua at masine kata Dius at ngay nauro.

Mikas 4:2

Ay kanya ban fagayu glong te, “Bastam sas Yawi at nafili fag buksul, sas Akub at Dius at bale, laman kanya ban gfoyung antam at ngay balyawvtan tam fagnamaningun.” Nu katanya, Yawi ban at foyungan kafagdaul siginans Buksul Siun tagsis furuan Erusalem.

Uan 14:6

Isus glong anya te, “Au wan dalan ay at matuyan ay leleg. We taw madasug sa ku Mama nu dakway ban tumaban.

Uan 13:20

Matuyan nu glong au ayu te, nusnga sinu takaylat ku nasugu, kaylat yangay angku. Ay nusnga sinu takaylat angku, kaylat yangay at nasugu angku.”

Mateu 10:40

“Nusnga sinu tua takaylat ayu, kaylat yangay angku. Ay nusnga sinu takaylat angku, kaylat yangay at nasugu angku.

Isayas 2:5

Akub at ngay kasugfunanan, nangugali tam kata Yawi at foyungan, aroro at foyungan kata sik yamag sa antam.

1 Kurintu 1:30

Ay siginan anya ansadi tua tam sa tam Fun Isus. Ay sa antam, kanya wan Dius at fagmamatanganun, siginan anya, Dius nafalangfe antam ay natap antam te, matuyan, ay kata nu yud tam e asalanan.

Galasya 3:26

Siginan nu nsadi am sa tam Fun Isus, anngayan am te, Dius at ngay sisian, aroro gafanud am sa anya.