Kulusas 2:2 - Fanawbuid tagsibaliwas Fakayabian

² Katanya ku fakamulun laman umkaksvn at ngay amatanganan, ay umsadi sas fakesugun, ay laman kanya fagayu tumogdungug ay sumaful fia sabaliwa Dius at algan at masuksukan, we tiba nu bunway tam Fun Isus.

Kulusas 2:2 Referans Kwoze

Kulusas 1:27

Dius kaylat gfasaful sa anya fagayu sabaliwa at algan at maksvn nu madulo, ay kaylat yangay gfasaful sa ayu, yud Udyu fag ngay taw. At masuad, siwa ayu tam Fun Isus, ay siginan anya nabul am ay fagsegun gfaudgufudan anya sat fagmasineun.

Kulusas 4:8

Gsugu au anya sa ayu laman sumaful am em kayaunanan ay laman gfaksvn tua ay ngay amatanganan.

Efesu 6:22

Gsugu au anya sa ayu laman sumaful am em kayaunanan ay laman gfaksvn tua ay ngay amatanganan.

Kulusas 3:14

Tagtungud sas fagayu, edkesugani aroro fakesugun wan tagfutus sat matuyan fag fagmasadiun.

Ruma 16:25

Ay katsi segi tam Dius, tagfaksvn ay fagafanudun, gfaning ku foyungan ayu fag Masine fag Barita sabaliwas Isus tam Fun. Kanya fag Barita ngaduge wan nu masuksukan,

Filipus 3:8

Matuyan, we tungkul ya sa angku takatanya fagayu, aroro katsi at mafanud sa angku nu gtoglag ktua ku Fun Isus. Aroro siginan anya, fagayu tagsi angku ebi, gtuyan kwa te, kata way lang sik nakaurian laman tam Fun Isus gbanwan tua si angku,

Filipus 2:1

Dakngani maksvn wan ay amatanganan siginan ay fagmasadiun sa tam Fun Isus, ay gsudsunan am sat fakesugun, ay e fagmasadiun tuam sat Masine fag Falad, ay mafanggubuk tuam ay kedkesugan,

Isayas 53:11

Ay nu nlangfe ban nu gidapan, kanya ban lumag at naidapanan at rawvg ay guseganan ban. Yawi nalong te, “Ku fagsuguan matuyan, ay siginan at fagsafulun ngayu ban at kumtap kata nu yud e asalanan, aroro kanya ban nanginkidapan laman sa sangay taw at asalanan.

2 Pedru 1:3

Dius at fagmabalyananun tagfon antam tam fagayudanun fagayu laman gugali tua tam gfaning anya, siginan tam natoglagan anya at nauro antam aroro siginan at fagmabalyananun ay at fagmasineun.

Ruma 15:13

Dius wan tagfon fagsegun, ay ku darangin te, kanya yangay nangus tagfon ayu fagusegananun ay fagmanabayanun aroro gafanud tuam sa anya, laman maksvn tua ay fagsegun siginan at Masine fag Falad at fagmabalyananun.

Uan 10:30

Au ay ku Mama, sadi waymi.”

Uan 6:69

Katsi gafanud ami, ay natuyan ami te, o wan Dius at nasugu at Yud e Malong.”

Ebreu 10:22

Nu katanya, masinei tua tam amatanganan nu kakbang tam sas Dius aroro tam ngay basad ansine wan, ay tam ngay bilug anfegus wan, kata nu nfegus tam sat malyo fag mamam.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

Ebreu 6:11

Ay em fakaylatun galay am at sadi nu gfataglayun tuam ay fakamulun nu gugatan am gfalag ay fagmatuyanun sa ay ngay faduksay sitsigon bans fakatabuan laman ban mul tuam ay fagsegun.

Kulusas 1:9

Nu katanya, nu nadungug ami sabaliwa ayu, gfataglayun ami gdarangin ayu. Get ami sas Dius te, kanya nangus gfon ayu fagsafulun ay fagmayamagun siginan at Masine fag Falad at gubuk, laman sumaful am at fakaylatun.

Galasya 3:28

Nu katanya, we fagsamanun ya taw Udyu ay yud Udyu, ngay fagsuguan ay yud fagsuguan, mangama ay mangena. Fagayu am masadi tuam aroro sa ay nasadian sa tam Fun Isus.

1 Kurintu 2:12

Tagbanwan si antam fag falad Dius tua at falad, bunwa tagste swa daga fag falad, laman sumaful tam Dius at fon sa antam.

Uan 17:3

Katatuy sik taw nu e leleg at yud e fakatabuan: nu natoglag emu te, o wan at matuyan fag Dius, ay nu natoglag yangay angku am nasugu, Isus, am nafili fag Fun.

Uan 16:15

Fagayu tagsi ku Mama si yangay angku. Katanya ku fagnalongun te, siginan angku at Masine fag Falad at foyungan ayu.

Uan 10:38

Ay nu gfakamulun ktua katanya, afanudi tua siginan ku ngay nafakamulun, deyud am kaylat gafanud sa angku. Nu katanya tua, sumaful am te, ku Mama si wa angku, ay au si kyangay anya.”

Uan 5:23

laman fagayu taw gseg angku, at Baguama, kata nu gseg ku Mama. Nusnga sinu at yud gseg angku, at Baguama, wa yangay gseg ku Mama, at nasugu angku.

Uan 5:17

Ay Isus gbalus anya fagayu te, “Ku Mama gfataglayun gfakamulun ay anggan au gfakamulun kyangay.”

Mateu 11:27

Ay Isus glong sa sangay taw te, “Ku Mama wan at nafon sa angku fagayu nusnge wain. Au, at Baguama, wa fia e gtoglag angku, ku Mama way lang tagtoglag angku. Ay we taw gtoglag fia ku Mama, nu bunway au way lang, at Baguama. Ay kayu ku fakaylatun gfatoglag ku Mama, anggan kafag taw tumoglag ku Mama.

Mateu 11:25

Ay ginanya, Isus glong te, “Mama, o wan banwa ay fagdaul daga at Fun. Fadi fadi nafasuksuk tuo ku foyungan at masuad sa sangay taw at mamatanganan ay anggan sat ke ngay fagsafulun, ay nafasure tuo ku foyungan at masuad sa takata sik ngay sisian fag taw.

Eremyas 9:24

Nusnga sinu fag taw takaylat nanfamatungudun, nu kamatungudun sa yakman baliwa nu gtoglag angku. Aroro au, Yawi at mafangesug, at mafakamulun kasakan ay at matuyan sas fagdaul daga. Katanya tua ku fakaylatun. Au, Yawi, taglong tuy.”

Isayas 40:1

Dius nalong te, “Fasuni ku ngay taw.

Isayas 32:17

Ay fagmatuyanun at rawvg, fagmanabayanun, ay di e fagafanawaun kabavn ban.

Alubad. 133:1

Masine tua ay manabayan sik ngay taw tagfaduksayan nu gbanwan tua masadi.

1 Uan 5:7

Tulu tagfatuyan sabaliwas Isus:

1 Uan 3:19

Nu katanya tua, mafatuyan tam te, siwa tam sad matuyan ay e fagmanabayanun tam sas Dius at daga salubangan,

2 Pedru 3:18

Fataglayuni nu kaksvn am si tam Fun Isus tam tagfalangfe at fagmagalangun ay at fagsafulun. Si wa anya fagmasineun katsi ay kabavn ban. Anud.

2 Pedru 1:10

Ku ngay faduksay, ugatani atuyani te, Dius tuam at ngay nafili. Aroro nu katanya tua ay fakamulun, di ban am kamomuy.

1 Tesalunika 5:14

Em ngay faduksay, glong ami ayu te, famatangi sat ngay momuy laman gfakamulun tua, ay fabitsugi at mamomuy at fagafanudun ay gubuki at yud e fagmakatuun, ay mafangagwantai tua sas fagayu taw.

1 Tesalunika 3:2

Ay nasugu ami sa ayu tam faduksay Timuteu, Dius at fagsuguan tagfoyung yangay at Masine fag Barita sabaliwa tam Fun Isus. Kanya wan em nasugu laman gfaksvn ay fagafanudun ay gfabitsug ay amatanganan,

1 Tesalunika 1:5

aroro em foyungan fag Masine fag Barita andasug tua sa ayu bundi lang sis longan nu bunway siginan tua at Masine fag Falad at fagmabalyananun, ay maksvn nu gafanud ami te, em foyungan matuyan. Ay gina ami si ayu, nalag wam em ugali at masine; nafakamulun ami takatanya laman sa ayu.

Fakamulun 4:32

Ay fagayu tagafanud masadi at ngay amatanganan ay wa nesug at ngay ramraman nu bunway sa tuas fagayu.

1 Fun 3:28

Ay ngay taw nu nadungug fun Sulumun at nafakamulun anke fakalimuun sa anya, aroro kanya fagayu nasaful te, fun Sulumun anke fagsafulun siginans Dius sa nu gfawabilugan.

Mateu 13:11

Ay Isus nabalus te, “Aroro Dius kaylat nu sumaful am at ngay masuksuk sabaliwa nu gfagtainan, ay sa anya fagayu, duan.

Lukas 1:1

Fagtainan Teufilu, ngayuk taw nariruk sa baliwa at kinfasludan wan si antam.

Ruma 2:4

O gfae yud o e tungkul sa emu Dius at fagmalukmeun ay at fakesugun ay at fagmagwantaun? O nunda yo nasaful te, Dius at fagmalukmeun tagtaban emu laman gubun o am fagmauriun?

1 Kurintu 14:31

Aroro fagayu at ke fagmakatuun gfayamag Dius at longan masine nu gungbusan tua, laman fagayu tagafanud umke fagsafulun ay umkaksvn at fagafanudun.

Efesu 1:7

Siginan tam Fun Isus at taguk, anlangfe tam, ay nalyam wan tam ngay asalanan. Nu katanya, Dius nafon sa antam at maksvn fag fagmagalangun,

Efesu 3:3

Dius nafasure sa angku at algan at masuksukan, kata ku nariruk sa ayu aro.

Efesu 3:16

Gdarangin au sa anya te, siginan at maksvn fag fagmabalyananun, kanya nangus gfabitsug ay amatanganan siginan at Masine fag Falad.

Kulusas 1:26

at ngaduge wan nu masuksukan sas fagayu taw ay katsi ansure sa at ngay nafili.

Kulusas 2:19

Takatanya fag taw wa gfaning tam Fun Isus, tam alfuyu, tagfon fagmatagluun sas fagdaul at bilug siginan at ngay afud nu gsugfunan ay at ngay lalid. Siginan takatanya umkaksvn tam kata Dius at fakaylatun.

Kulusas 4:3

Ay darangini yangay emi laman tam Dius gfon emi ngayuk buknga nu kamoyung ami Dius at algan at masuksukan sabaliwa tam Fun Isus. Kanya wan ku fagmaubunganun katsi.