Kulusas 1:7 - Fanawbuid tagsibaliwas Fakayabian

⁷ Nasaful am takatanya siginans Epafras, em fakesugun em faudgufudan, ay tam Fun Isus at fagsuguan at matuyan, ay em kaungbus tagsibo ayu.

Kulusas 1:7 Referans Kwoze

Kulusas 4:12

Epafras tagsiginan ayu, tam Fun Isus at fagsuguan at sadi, glong ayu te, O manabayan tuam? Kabavn kanya maksvn nu gdarangin ayu, laman maksvn tua ay matuyan nu gfaning am tam Dius at fakaylatun.

Filemun 1:23

Epafras ku ufud ste at maubungan aroro sa tam Fun Isus glong emu te, O manabayan tuo?

Ebreu 2:17

Nu katanya, Isus ansik taw kata antam sas fagayu at kayaunanan, laman ban kanya at mafangafanyu fia ay at matuyan tam Tiba Tungud fag Tagfon Fanggalangun sis Dius at daga salubangan, ay mafon fanggalangun famalyam fagayu taw at asalanan.

Kulusas 4:7

Tam fakesugun tam faduksay Tikiku at namadungug sa ayu sabaliwa angku. Kanya at matuyan fag fagsuguan ay ku faudgufudan sa tam Fun at fakamulun.

Ebreu 3:2

Tam Isus matuyan tua sat nafili anya, kata Muisis nu matuyan fia nu gfangguna Dius at ngay taw.

2 Timuteu 2:2

Am ngay nadungug siginan angku sisad fagngayuan taw, foyungi yangay sat matuyan fag ngay taw at makatu gfoyung sa tibak taw.

Filipus 2:25

Ay namatangan au te, gfauli kwa sa ayu Epafruditu, ku faduksay sa tam Fun Isus, ay ku faudgufudan yangay sa ku fakamulun, ay ay nasugu laman taggubuk angku.

2 Kurintu. 11:23

O kanya fagayu tam Fun Isus at ngay fagsuguan? Au amatuyan kyap tua kanya fag ngay taw nu sik fagsuguan au. Nalong au takatanya kata sik tagfansaful, aroro nu gfakamulun au gtungud tua kanya fag ngay taw nu gfakamulun. Ngayu ginan au kaubung, ay kwa mafatap ya te, kayu ginan nya nu gafalangan au. Ay ngayu ginan au gsalubang sas fakabulun.

1 Kurintu 4:2

Ay sik fagfatigwanan matuyani tua fia nu gfakamulun at fanambagun.

1 Timuteu 4:6

Nu gfoyung tua ban o takatanya sa tam ngay faduksay, tam Fun Isus o at matuyan at fagsuguan. Ay gina ban o kamoyung, kabitsug yangay o siginan tam fagafanudun at fagmatuyanun, ay siginan am fagfaningun fag ngay foyungan at matuyan.

Efesu 5:21

Am fadfaningani tua sik fakatoglagan te, gfaning am tam Fun Isus.

1 Kurintu 7:25

Ay sabaliwa at yud yay e mangena ay e mangama, kwe faluan longan tagsiginan tam Fun. Ay dewa katanya, aroro sik fagfatigwanan au siginan tam Fun at fakafanyun, katatuy ku amatanganan:

1 Kurintu 4:17

Kanya wan ku fagnasuguun sanya Timuteu, ku fakesugun ku sisian ay at matuyan sa tam Fun. Kanya ban tagfamatang ayu sabaliwa ku ugali siginan ku fagmasadiun sa tam Fun Isus, ay katanya yangay fag ugali ku nafoyung sas fagayu tagafanud nusnga nday fag furuan.

Mateu 25:21

“Ay at tagfayafun nalong anya te, ‘Masine tua am fakamulun. Masine ay matuyan o fag fagsuguan. Matuyan tuo sa talay fag fakamulun. Ay katsi ban namalaga kyay fia sa emu at kayuan gtungud yay ban fia ebi. Ay katsi, useganani fasfuani angku, am tagfayafun.’

Mateu 24:45

“Katatuy at matuyan ay at mamatanganan fag fagsuguan. At tagfayafun nasugu anya te, ‘Alagai ku ngay fagsuguan ay fafangoni tua anya fagayu galay fanfangonan.’

Tap 12:7

Dewa katanya, di katanya nu gfakamatoan au ku fagsuguan Muisis, takamangguna ku ngay taw.

Mateu 18:29

“Ay at ke bedan fag fagsuguan namalub ay get te, ‘Anin ngatu, foni yap angku sik buknga, ay namayad kyay ban ku bedan sa emu.’

Kulusas 4:9

Kanya gfaudgufudan Unesimu, tam faduksay at matuyan ay tam fakesugun, ay ay kaiban. Ay duama ban at namadungug sa ayu takafasludan ste.