Kulusas 1:29 - Fanawbuid tagsibaliwas Fakayabian

²⁹ Gugatan au gfakamulun takatanya siginan tam Fun Isus at fon angku fag fagmabitsugun.

Kulusas 1:29 Referans Kwoze

1 Kurintu 15:10

Ay dewa katanya, siginan tam Dius at fagmagalangun, ansik nasugu kyangay. Ay di nfangulan Dius at nafon angku, nu bunway naugatan ktua nafakamulun gtungud yay ku ngay ibama at nafakamulun. Dewa katanya, bunwa siginan ku sadili fagmakatuun, nu bunway siginan tua tam Dius at fagmagalangun sa angku.

Efesu 1:19

Ay gdarangin au te, sumaful am nangus fia Dius at fagmabalyananun yud e gfasud laman sa antam fag ngay tagafanud.

Efesu 3:7

Siginan Dius at fagmagalangun ay at fagmabalyananun, kanya nafili angku laman gfoyung at Masine fag Barita.

Filipus 2:13

aroro Dius tua tagfakamulun gugat sa ayu laman makatu am gfaning at fakaylatun.

Ebreu 13:21

Dius nangus gfon antam nusnge wain at masine laman namakamulun tam at fakaylatun, ay namakamulun sa antam nusnga setaw tagfauseganan anya siginan tam Fun Isus. Kabavn fauseganani anya. Anud.

Kulusas 2:1

Kaylat au nu sumaful am te, se aksvn nu gugatan au gfakamulun laman sa ayu, ay sas fagayu tagafanud sis Laudisya ay anggan yangay sas fagayu at yud batang glag angku.

2 Tesalunika 3:8

Wami gbul nusnge wain fag fakonun nusnga ndaginan fag taw nu dway mi nabayad. Gugatan tuami gfakamulun kayu menit ay yabi laman dimi gfaidapan nusnga sinu si ayu.

1 Tesalunika 2:9

Em ngay faduksay, gamatang yay ro am em nainlufuyan ay em nainkidapanan. Nafakamulun ami fagngabak menit ay yabi laman dimi nafaidapan sas nusnga sinu si ayu kaduge ami gfoyung Dius at Masine fag Barita sa ayu.

Kulusas 4:12

Epafras tagsiginan ayu, tam Fun Isus at fagsuguan at sadi, glong ayu te, O manabayan tuam? Kabavn kanya maksvn nu gdarangin ayu, laman maksvn tua ay matuyan nu gfaning am tam Dius at fakaylatun.

Filipus 2:16

kaduge am gbakvd tagfon leleg fag longan. Ay nu katanya tua ay fakamulun, e fakamatungudunun kban gina tam Fun Isus gdog kafoli, aroro saful au te, di ban umfangulan ku ngay nafakamulun sa ayu.

1 Kurintu 12:11

Ay dewa katanya sadi wayk Falad tagfafakamulun anya fagayu, ay kanya nafon sas galay at sadi gfaning at fakaylatun.

Ruma 15:20

Ku algan kaylat au namoyung at Masine fag Barita sat yud yay batang gdungug fag talun at ngay taw sabaliwa tam Fun Isus, laman kwa namoyung sa tibak taw at batang wa e nanfamoyung.

At Nafasure 2:3

Saful kyangay te, gugatan tuam gagwantan dewa ngayu fag fagidapun aroro galo am angku, ay diam kamomuy.

2 Timuteu 2:10

Ay nu katanya, gagwantan au fagayu nusnge wain laman sas Dius at nafili fag ngay taw, laman siginan tam Fun Isus kanya fagayu umlangfe ay mul at yud e fakatabuan fag fagmasineun.

Filipus 1:30

Katsi, ansadi am sa angku gfabadbaboan kata ay nalag ku fagidapun ebi ay ay nadungug fag fagidapun tagsi yay gugat angku dasug katsi.

Filipus 1:27

Nu katanya, ugatani nu gfaning am tam Fun Isus at Masine fag Barita. Aroro, nu katanya tua ay fakamulun, umdasug kman sanya ay duan, antuyan kwa fia te, takadungug si ayu maksvn nu masadi am ay nu ggudgubukan am gfabadbaboan laman ban tibak taw gafanud sat Masine fag Barita,

Efesu 3:20

Tam Dius mafafakamulun tagtungud yay fagayu tam fagetun ay tam amatanganan, siginan at fagmabalyananun tagfunan antam.

2 Kurintu. 13:3

Gfakamulun kban takatanya laman tagfatuyan sa ayu te, tam Fun Isus garingang sa ayu siginan angku. Tam Fun Isus di mamomuy nu bunway mabalyanan tua nu gfae fagmatuyanun ayu.

2 Kurintu. 11:23

O kanya fagayu tam Fun Isus at ngay fagsuguan? Au amatuyan kyap tua kanya fag ngay taw nu sik fagsuguan au. Nalong au takatanya kata sik tagfansaful, aroro nu gfakamulun au gtungud tua kanya fag ngay taw nu gfakamulun. Ngayu ginan au kaubung, ay kwa mafatap ya te, kayu ginan nya nu gafalangan au. Ay ngayu ginan au gsalubang sas fakabulun.

2 Kurintu. 6:5

Nafalangan ami lubid, ay ankubung ami, ay ngay taw nafabadbaboan emi. Gfakamulun yay mi deyud fanfakamulunan ya, ay tibaginan wami gtiug ya fagngabak yabi, ay tibak menit wami gfangon ya.

2 Kurintu. 5:9

Nu katanya, katsi em fakaylatun gfauseganan ami fia anya dewa ami ste yay swa daga ay anggan gina ban ami sit day tigyangan.

1 Kurintu 12:6

Dius at fon sa antam fag ngay fakamulun saman wa saman, ay dewa katanya sadi way tam Dius tagfafakamulun antam.

Ruma 15:30

Ku ngay faduksay, siginans Isus tam Fun ay siginan at Masine fag Falad at fon fag fakesugun, maksvn nu get au sa ayu te, gubuki angku siginan nu gdarangin am sas Dius laman sa angku.

Lukas 13:24

“Ugatani sakboi sa talay fag sakbawan. Amatangani, glong au sa ayu te, ngayu oma tagyasakboun sanya fag sakbawan, dewa katanya wa masakbo.

Ebreu 12:4

Yam e nagdalanan sak nafaugwag ay taguk, aroro siginan nu gfawayan am asalanan.

Kulusas 2:12

Siginan nu kasurung am sasad mamam, kata wan nu nbul am, ay nafoli ayu gfasfuan anya, ay nafadog nafaleleg ayu gfasfuan yangay anya aroro gafanud am sas Dius at fagmabalyananun at nafadog nafaleleg tam Fun Isus siginans fagmabulanan.