Kulusas 1:27 - Fanawbuid tagsibaliwas Fakayabian

²⁷ Dius kaylat gfasaful sa anya fagayu sabaliwa at algan at maksvn nu madulo, ay kaylat yangay gfasaful sa ayu, yud Udyu fag ngay taw. At masuad, siwa ayu tam Fun Isus, ay siginan anya nabul am ay fagsegun gfaudgufudan anya sat fagmasineun.

Kulusas 1:27 Referans Kwoze

Uan 14:20

Ay ginanya ban fag menit sumaful am te, si au ku Mama, ay si wam angku, ay si kyangay ayu.

Ruma 8:10

Ay dewa katanya, tam Fun Isus nu si tua ayu, ay bilug dewa nbul aroro sa ay asalanan, at Masine fag Falad gfaleleg ayu aroro antap am kata nu yud am e asalanan.

1 Uan 4:4

Ku ngay sisian, am wan Dius at ngay taw, ay nababo wam takamuagan fag ngay taglong, aroro at Masine fag Falad tua tagsi ayu. Kanya amabalyanan yap tua tagsis fagdaul daga at taw fag falad.

Galasya 2:20

Ay kata nu nbul au sas fasulungan kayu gasfuan tam Fun Isus, ay katsi ku ugali gfaning ktua tam Fun Isus. Ay kaduge au gleleg ste swa daga, gafanud au sas Dius at Baguama at nesug angku ay at nafon at sadili laman sa angku.

1 Kurintu 3:16

O yam nasaful te, am wan Dius at bale, ay at Masine fag Falad gbanwan si ayu?

At Nafasure 3:20

Malindug au sis lod bale sakbawan ay katuk au. Nusnga sinu at nadungug ku aringang ay at naluang at sakbawan, gsakbo au ay gfasfuan au anya gfangon.

Uan 14:17

Kanya fag Tagfasun, Dius at Falad tagfoyung sabaliwa at matuyan. Ngay taw tagfaning fagdaul daga at ugali wa gfaning anya, aroro wa glag ay wa gtoglag anya. Ay am, toglag wam anya aroro gbanwan si ayu ay gufud ban gugat ayu.

Galasya 4:19

Ku ngay sisian, gdog au gidapan kata sik mangena tagafasalugun yakmay kban nalag te, siwa ayu tam Fun Isus at ugali.

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

1 Timuteu 1:1

Au, Pablu, tam Fun Isus at nasugu, gfaning Dius tam tagfalangfe at suguan, ay tam Fun Isus tam fagsegun.

Kulusas 2:3

Dius at fagmamatanganun ay at fagsafulun masuksukan si tam Fun Isus.

Uan 14:23

Ay Isus glong te, “Takesug angku gfaning tua ku longan, ay ku Mama kesug anya, ay gbanwan ami magamut si anya.

2 Kurintu. 6:16

Ay Dius at bale wa masine namadgaloan sat yud matuyan fag ngay fagsegan. Itam wan tagleleg fag Dius at bale. Ay Dius yangay at nalong te, “Gbanwan kban ay galo kanya fag ngay taw. Au ban kafag ngay taw at Dius, ay kanya ban fagayu ku ngay taw.”

Kulusas 3:11

Nu katanya, fagayu taw gsud way, dewa taw Gresya, ay taw Udyu, ay at ke fakatoglagan, ay at yud e fakatoglagan, ay at nafoyungan fag taw, ay at yud yay nafoyungan, ay sik fagsuguan, ay yud fagsuguan. Tam Fun Isus way lang at mafanud, ay kanya tagsi ayu fagayu.

Uan 17:26

Nafatoglag kwan emu sanya fag ngay taw ay gfataglayun kyay ban gfatoglag laman am fakesugun sa angku gbanwan si anya, ay au si kyangay anya.”

Efesu 2:22

Ay siginan yangay ay fagmasadiun sa tam Fun Isus, kanya gfasfuan yangay gfalindug ayu laman Dius am at Masine fag Falad at fagbanwanan.

Uan 6:56

Ay nusnga sinu takon ku bilug ay taginum ku taguk kanya masadi tua si angku, ay si ktua anya.

Efesu 1:7

Siginan tam Fun Isus at taguk, anlangfe tam, ay nalyam wan tam ngay asalanan. Nu katanya, Dius nafon sa antam at maksvn fag fagmagalangun,

Filipus 4:19

Ay ku Dius yangay tagfon ayu ay fagayudanun fagayu, siginan at fagmaramramanun ay at fagmasineun at yud kamin kabavn siginan tam Fun Isus.

Ruma 9:23

Dius nafakamulun katanya laman gfalag sat fakafanyun fag ngay taw te, kamabalyanan nya. Siginan yay ebi, Dius nafili anya fagayu laman at fagnamausegananun.

Ruma 5:2

Aroro siginan anya nabul watam tuy fag fanggalangun ay guseganan tam aroro e fagsegun tua tam te, namaudgufudan ban tam Dius sat fagmasineun.

Kulusas 1:5

E fagafanudun tuam ay e fakesugun aroro e fagsegun tuam ay fagnamulun at mafalganan sis banwa. Nasaful wam sabaliwa ay fagfanyaun, gina nafadungug sa ayu at matuyan fag longan, at Masine fag Barita

2 Kurintu. 4:17

Em ngay fagidapun wa maksvn ay wa ngaduge. Ay kanya gfosuk emi sat yud e fakatabuan fag famonun at yud e gfasud.

Lukas 17:21

Ay wa ban e malong te, ‘Ste wan,’ ay ‘Sanya wan.’ Duan. Aroro Dius gfasigad gfagtainan ayu katsi.”

Mateu 13:11

Ay Isus nabalus te, “Aroro Dius kaylat nu sumaful am at ngay masuksuk sabaliwa nu gfagtainan, ay sa anya fagayu, duan.

2 Kurintu. 2:14

Guseganan tam sas Dius aroro kanya gfosuk tua gugat emi sa tam Fun Isus at fagmababoun aroro masadi tua ami sa anya. Ay nusnga nday ami, Dius gagbilug emi laman gfatoglag ami tam Fun Isus sas fagayu taw. Takatanya em fakamulun kata nu gfarapyag ami sik famaebebanglu.

Ruma 11:33

Maksvn tua Dius at fagmagalangun ay at fagmamatanganun ay at fagsafulun. We taw nasaful Dius nu gfili, ay we taw matogdungug at ngay balyawvtan.

Ruma 2:4

O gfae yud o e tungkul sa emu Dius at fagmalukmeun ay at fakesugun ay at fagmagwantaun? O nunda yo nasaful te, Dius at fagmalukmeun tagtaban emu laman gubun o am fagmauriun?

Ebreu 6:19

Tam fagbakvdun fag fagsegun, kanya wan at mogat ay at maksvn, tagfatawad tam leleg. Kanya ndasug tsiuy baliwa fantaba fag ramit, sat Mafasamanan fia fag Suluk.