Kulusas 1:18 - Fanawbuid tagsibaliwas Fakayabian

¹⁸ Tam Fun Isus wan fagayu tagafanud at alfuyu, ay at bilug ngay tagafanud wan. Kanya at fakasigadan ay taguna gleleg siginan at fagmabulanan, nu katanya, kanya wan tagbilug sas fagayu.

Kulusas 1:18 Referans Kwoze

At Nafasure 1:5

ay siginan tam Fun Isus, at matuyan fag tagfatuyan, ay at taguna naleleg siginan at fagmabulanan, ay tagtungud fag Fun ste swa daga fag ngay fun. Kanya kesug tua antam, ay siginan at nabulanan nafalfas tua antam siginan tam ngay asalanan.

Fakamulun 26:23

Dius at nafili fag Fun nanginkidapan ban ay kanya ban taguna at nadog naleleg siginan at fagmabulanan, laman gfoyung ay gfayamag fakalangfean sas taw Udyu ay anggan sas yud Udyu fag ngay taw.”

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Alubad. 89:27

Gtuyan au sa anya te, sia wan ku baguama taguna, ay tagtungud ngay fun nu mabalyanan.

1 Kurintu 11:3

Ay kaylat au nu nasaful am te, tam Fun Isus wan mangama at fun. Ay mangama, kanya wan mangena at fun, ay tam Dius wan tam Fun Isus at fun.

At Nafasure 22:13

Au wan taguna ay taguyan, ay at fakasigadan ay at fakatabuan.

Efesu 5:23

Aroro mangama wan tagfangguna at mangena, kata tam Fun Isus nu gfangguna at ngay taw ay at nafalangfe anya fagayu.

At Nafasure 21:6

Ay kanya glong yangay fia sa angku te, “Anfasludan wan. Au wan taguna ay taguyan, ay at fakasigadan ay at fakatabuan. Nusnga sinu takadanum, gfainum au yud e bayad fag mamam tagsiginans bulbug tagfon leleg.

1 Kurintu 15:25

Aroro masine tam Fun Isus nu gfagtainan yakmay ban nafasa at daga darafa at ngay fawayan.

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”

At Nafasure 1:18

Au wan tagleleg. Ebi anbul au, dewa katanya damai, katsi gleleg kwan ay gleleg kban kabavn. Ay fakabulun ban ay anggan at kinbul at talun sa wa ku daga fagmabalyananun.

At Nafasure 1:8

Dius tam Fun tagleleg katsi ay ebi ay takadasug yay ban, ay at tiba tungud nu mabalyanan, glong te, “Au wan taguna ay taguyan.”

Kulusas 1:24

Katsi guseganan ktua dewa au gidapan aroro sa ayu, laman gfatabu au tam Fun Isus at nainkidapanan at yud yay antabu, laman at ngay taw, tuga at bilug, e tungkul tua.

Efesu 1:10

nu ndasug ban at nafalganan fag buknga. Siginan ebi Dius e algan namasadi sa tam Fun Isus fagayu tagsis banwa ay tagsis daga.

Uan 1:27

Kanya ban tagguyan angku, kwa masine nusdi at fagsuguan laman at nanluas at fansalod at lapak.”

Uan 1:16

Aroro kanya maksvn nu magalang ay matuyan, fagayu tam mul tam at fagmagalangun yud e fakatabuan.

Uan 1:1

Siginans fakasigadan, Longan sanya wan. Ay kafag Longan gufud Dius ay kafag Longan Dius.

At Nafasure 3:14

“Riruki sas tagbarita tagulit ngay tagafanud sis Laudisya te, “At ke ngayan te, Anud, ay at matuyan ay at mafanud nu e longan, ay fakasigadan Dius at awatan fagayu, kanya glong te,

1 Uan 1:1

Griruk ami sa ayu em nadungug sabaliwa Tagfon leleg fag Longan. Ay siginans fakasigadan kafag Longan sanya wan, ay nadungug ami fia, ay nalag ay nated anya.

Ruma 8:29

Dius nasaful wan at nafili fag ngay taw siginans fakasigadan, ay kanya yangay at nafalganan laman at namaning at Baguama, laman at Baguama wan ngayuk duksayan at kaka.

Mateu 23:8

“Ay am, lag am kaylat ay iba nu glong sa ayu te, ‘Takamoyung.’ Sadi yakman ay Takamoyung. Aroro fagayu am duksayan am.

Isayas 52:13

Yawi nalong te, “Ku fagsuguan ban gbabo. Kanya ban umsik takadungug ay mauseganan.

Sulumun at Alubad 5:10

Ku fakesugun fag mangama maseganama ay masine at bilug; ay dewa safuluk libuk mangama we kaseganama anya.

1 Kurintu 12:27

Ay am wan tam Fun Isus at bilug. Ay galay am at sadi tam Fun Isus am at afud.

Kulusas 2:19

Takatanya fag taw wa gfaning tam Fun Isus, tam alfuyu, tagfon fagmatagluun sas fagdaul at bilug siginan at ngay afud nu gsugfunan ay at ngay lalid. Siginan takatanya umkaksvn tam kata Dius at fakaylatun.