Kulusas 1:17 - Fanawbuid tagsibaliwas Fakayabian

¹⁷ Ay kanya tua taguna sas nusnge wain, ay fagayu nusnge wain at kasinean siginan wa anya.

Kulusas 1:17 Referans Kwoze

Ebreu 1:3

Dius at fagmasineun at damlag kalag sit Baguama, aroro nu setain Dius, katanya yay anggan at Baguama. Ay at Baguama wan tagbakvd fagayu nusnge wain siginan at mabalyanan fag aringang. Ay kanya nu nafasine wan tam ngay asalanan, namalunggung sas banwa sat Mabalyanan fag Dius at siun.

1 Kurintu 8:6

nu sa antam sadi way tam Dius tam Mama at nawat fagayu nusnge wain, ay gleleg tam laman gfaning tam anya. Ay sadi way tam Fun, Isus, ay siginan anya ankawat fagayu nusnge wain, ay siginan yangay anya tam fagelelegun.

Fakamulun 17:28

Aroro siginan anya, gleleg tua tam ay maleleganan ay mafakamulun. Ay kata tibak taw tagsaful gfangkaturunan at nalong te, ‘Dius tam at ngay sisian.’

Uan 17:5

Nu katanya, Mama, fauseganani yangay angku sam day tigyangan kata gina ta magamut, gina yud ankawat fagdaul daga.

Uan 8:58

Isus gbalus te, “Matuyan nu glong au ayu te, gina Abrayam yud ansalug, Au, au wan.”

At Nafasure 1:8

Dius tam Fun tagleleg katsi ay ebi ay takadasug yay ban, ay at tiba tungud nu mabalyanan, glong te, “Au wan taguna ay taguyan.”

Kulusas 1:15

At Baguama, kanya wan yud kalag fag Dius at aninu, ay kanya wan tagfunan sas fagayu at awatan.

Isayas 44:6

Yawi wan Israel at Fun ay at Tagfalangfe. Yawi at Mabalyanan nalong te, “Au wan fagsigadan ay fakatabuan. We tibak dius sas day angku.

Alubad. 75:3

Gina ban fagdaul daga nauigan ay gina ngay taw kalimu, gfaogat kban fagdaul daga at fagtungkudan.

At Nafasure 1:17

Gina au nalag anya, anlub au sit daga salubangan ay kata wan nu nbul au. Ay kanya nafatayuk sa angku at siun fag daluap, ay nalong te, “Lag o kalimu. Au wan taguna ay taguyan.

Ebreu 13:8

Tam Fun Isus di gbadbalian. Nu setain kanya ebi, katanya yangay anggan katsi ay kabavn ban.

At Nafasure 2:8

“Riruki sas tagbarita tagulit ngay tagafanud sis Esmirna te, “At nalong te, au wan taguna ay taguyan, ay at nadog naleleg, glong te,

Mikas 5:2

Yawi nalong te, “Betleem Efrata, dewa o sik talay way fag furuan sis talun Uda, siginan ban emu, sik taw at namakamulun sa angku laman at namangguna taw Israel. Aroro at ngay mangaguyang sik takadungug siginan ebi.”

1 Samwel 2:8

Kanya ggubuk at maidap fag ngay taw siginans fagidapun. Yawi e fagmabalyananun gfae fanambagun at maidap fag ngay taw magamut ngay fun ay gfae fagusegananun. Yawi wan tagagbilug fagdaul daga at fagtungkudan.

At Nafasure 1:11

Ay nalong te, “Riruki ro fagayu am nalag ay fadasugi sas fituk furuan: sas Efesu, ay sas Esmirna, ay sas Pergamu, ay sas Tiatira, ay sas Sardis, ay sas Filadelfia, ay sas Laudisya.”