Kulusas 1:13 - Fanawbuid tagsibaliwas Fakayabian

¹³ Ay kanya nafalangfe antam siginans fagmadulumun at fagmabalyananun ay nafalin antam sat fakesugun at Baguama at fagfagtainanan.

Kulusas 1:13 Referans Kwoze

Fakamulun 26:18

laman nanluang at ngay mata ay namafoli sasad mayamag siginan sad madulum ay gfafoli sas Dius siginans Satanas at fagmabalyananun, ay namalyam kafag ngay taw at asalanan ay gtap anya te, ku ngay nafili, aroro siginan at fagafanudun sa angku.’

Efesu 5:8

Ebi gbanwan am sis fagmadulumun, ay katsi tam Fun nafasa tua ayu sad mayamag. Ugalii at masine kata nu si am sad mayamag.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

Efesu 6:12

Aroro tam fawayan bunwa taw, nu bunway at mauri way fag ngay falad sis banwa, ngay tagfunan, ay ngay ke fagmabalyananun, ay ngay tagagbilug fagmadulumun ste swa daga.

1 Tesalunika 2:12

ugalii at matuyan sis Dius at daga salubangan. Kanya nauro ayu laman gfagtainan ayu ay laman mafabul am at fagmasineun.

Efesu 4:18

Kanya wa natogdungug, aroro siginan at fagyudun mamatanganan ay fakamaogatunun, takatanya fag taw we afud Dius at famonun fag leleg.

Ruma 14:17

Dius nu gfagtainan taw wa siginans fakonun ay fanginum, nu bunway siginan tua nu gbanwan matuyan ay manabayan, ay at ke fagusegananun siginan at Masine fag Falad.

1 Uan 3:14

Nasaful watam te, nlangfe watam siginans fakabulun ay andasug tua tam sas fagelelegun, aroro kedkesugan tua tam. Ay nusnga sinu nu dway kesug at faduksay, kanya si yays fakabulun at daga fagmabalyananun.

2 Kurintu. 4:4

Kafag ngay taw wa gafanud, aroro Satanas, tagfunan fagdaul daga, nafalikbug kafag ngay taw at amatanganan laman kafag ngay taw wa nalag at Masine fag Barita at yamag sabaliwa tam Fun Isus at fagmabalyananun. Tam Fun Isus wan Dius at aninu.

1 Uan 3:8

Ay fagayu tagfataglayun gasalanan, kanya Satanas way at taw. Aroro siginans fakasigadan Satanas gfakamulun gugat asalanan. Ay Dius at Baguama at fagindasugun, laman namamin Satanas at fakamulun.

Uan 5:24

“Matuyan nu glong au ayu te, nusnga sinu tagdungugan ku longan ay tagafanud sat nasugu angku, e leleg tua at yud e fakatabuan. Ay kanya di ban gafaurianan nu bunway anlangfe siginans fakabulun ay mul leleg at yud e fakatabuan.

1 Uan 2:8

Ay tuy fag suguan dewa ngaduge wan, kata yay gugat nu bagu, aroro ansure si tam Isus at fakamulun ay anggan si ay fakamulun. Fagmadulumun kalyam wan, ay at matuyan fag fagmayamagun gdamlag wan.

2 Pedru 1:11

Nu katanya, Isus, tam Fun ay tam Tagfalangfe, namaful ayu sat fagfagtainanan yud e fakatabuan ban kabavn.

Lukas 13:24

“Ugatani sakboi sa talay fag sakbawan. Amatangani, glong au sa ayu te, ngayu oma tagyasakboun sanya fag sakbawan, dewa katanya wa masakbo.

Isayas 42:1

Yawi nalong te, “Ste wan ku fagsuguan. Nafaksvn au at amatanganan, ay nafili au anya ay guseganan au anya. Nafatayuk au ku Falad sa anya, ay namae fagmatuyanun ban sas fagayu talun at taw.

Ebreu 2:14

Dakngani at ngay sisian sik taw fia, anggan Isus sik taw yangay fia, kanya, kata kafag ngay taw, e faknul ay e taguk, laman siginan at nabulanan nababo wan Satanas ke fagmabalyananun sas fakabulun.

Uan 17:24

“Mama, kaylat au am nafon angku fag ngay taw nu magamut ban si angku sa ku fagnangadasugan, laman ban kanya fagayu lumag am nafon angku fag fagmasineun, aroro kesug o angku siginan ngay nu yud e daga.

Lukas 22:53

Kayu menit si koma gugat Dius at bale magamut ayu, ay wam nagamat angku. Dewa katanya, katsi ya ay buknga gina fagmadulumun tagfunan.”

Mateu 3:17

Ay e naringang siginans banwa te, “Tuy wan ku fakesugun ku Baguama. Maksvn nu guseganan au anya.”

Mateu 25:34

“Ay arodi au, ay Fun, glong au sa tagsi ku siun te, ‘Ku Mama nafon ayu fagmasineun. Gewan, agbilugi at fagfagtainanan at nafalganan sa ayu siginan ebi fagdaul daga at fakasigadan.

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

Isayas 53:12

Siginan takatanya, namauseganan au anya kata at mabalyanan fag ngay taw, ay kanya namae fagusegananun yangay sat maseganama fag ngay taw, aroro nafon tua at leleg anggan sas fakabulun, ay ngay taw natap anya te, sik tagasalanan, kanya nainkidapan aroro sa sangay taw at asalanan, ay naet tua sas Dius te, falyami kafag ngay taw at ngay asalanan.”

Efesu 1:6

Fauseganani Dius, aroro kanya nafakamulun tua at madulo fag famonun sa antam siginan at fakesugun at Baguama.

Mateu 17:5

Ay gina Pedru garingang, sik linyabu masulo nasuklub anya fagayu. Ay sanya ginan sad linyabu e naringang te, “Kanya wan ku fakesugun ku Baguama. Maksvn nu guseganan au anya. Dungugani anya.”

Uan 3:35

Dius kesug at Baguama, ay nafon wan sa anya fagdaul at fagmabalyananun.

Isayas 60:2

Sik maksvn ban fag fagmadulumun sumuklub ngay talun sas fagdaul daga, dewa katanya, Yawi ban at fagmabalyananun tagyamag emu.

2 Kurintu. 11:14

Wa madulo takatanya. Aroro anggan Satanas mafaning yangay kata sik tagfae fagmayamagun fag tagbarita.

Efesu 5:5

Asafuli te, tagfanugtug ay at namatugtug ay tagfakamulun at mauri ay tagfanganuran, wa ban umful sa tam Fun Isus ay sas Dius at fagfagtainanan, aroro tagfanganuran kata yay nu gseg at yud matuyan fag ngay fagsegan.