Kulusas 1:10 - Fanawbuid tagsibaliwas Fakayabian

¹⁰ Katanya em darangin laman mafafaning tuam at masine ay at maylat sa tam Fun, ay laman diam e fagayudanun sat masine fag fakamulun, ay kaksvn tua nu katoglag am tam Dius.

Kulusas 1:10 Referans Kwoze

Efesu 4:1

Au sik maubungan aroro siginan nu gfaning au tam Fun, maksvn nu glong au ayu te, ugalii tua at masine kata Dius at ngay nauro.

Ebreu 13:21

Dius nangus gfon antam nusnge wain at masine laman namakamulun tam at fakaylatun, ay namakamulun sa antam nusnga setaw tagfauseganan anya siginan tam Fun Isus. Kabavn fauseganani anya. Anud.

1 Uan 3:22

Ay mabul tua tam tam fagetun sas Dius, aroro gfaning tua tam at ngay suguan ay gfakamulun tua tam nusnga setaw tagfauseganan anya.

Uan 15:16

Bunwam at nafili angku, nu bunway nafili au ayu laman glo am ay grawvg am, ay laman ay rawvg gbanwan kabavn. Ay ku Mama namon ayu nusnge wain ay fagetun sa ku ngayan.

1 Tesalunika 4:1

Em ngay faduksay, ebi nafoyung ami sa ayu te, fakamuluni at mauseganan sas Dius, ay nafakamulun tuam takatanya. Katsi, gurungan ami glong ayu te, sa tam Fun Isus at ngayan, faugati yap takatanya ay fakamulun.

Ebreu 13:16

Ay lag tam kalyam gfakamulun at masine ay ggubuk tam iba aroro kanya wan tam Dius at fagusegananun fag fanggalangun.

Uan 15:8

Gfafauseganan am ku Mama nu ngayu tua ay rawvg, ay nu katanya tua, gfatuyan am te, am wan ku ngay tagadal.

Titu 3:14

Ay foyungi sa tam ngay faduksay te, fakamuluni tua at masine laman fagayu di e gayudan, ay laman ban di nfangulan ay leleg.

2 Pedru 3:18

Fataglayuni nu kaksvn am si tam Fun Isus tam tagfalangfe at fagmagalangun ay at fagsafulun. Si wa anya fagmasineun katsi ay kabavn ban. Anud.

Fangatulun 16:7

Nu maylat tua tam sas Yawi, mafalukmeanan tua tam ngay fawayan, laman tam fagadgalangan ban.

2 Pedru 1:8

Nu kaksvn tua nu gugali am takatanya, di ban umyud e masuad ay natoglagan tam Fun Isus nu bunway e tungkul tua ban.

Kulusas 2:6

Dakngani gafanud tuam te, Isus tam Fun, fataglayuni tua nu gfaning am anya.

Mikas 4:5

Ngay taw ban dewa gfataglayun gseg at ngay fagsegan, ami ban gfataglayun tuami gugat gseg Yawi em Dius.

1 Tesalunika 2:12

ugalii at matuyan sis Dius at daga salubangan. Kanya nauro ayu laman gfagtainan ayu ay laman mafabul am at fagmasineun.

Kulusas 4:5

Mamatangani tua nu gfadgaloan am at yud gafanud ay lag gfangulan ay buknga.

Efesu 5:15

Nu katanya, amatangani tua te, tain ay ugali at masine. Dangay kata at yud e fagsafulun, nu bunway katai tua at ke fagsafulun.

Efesu 2:10

Dius nawat antam. Ay siginan tam fagmasadiun sa tam Fun Isus, ankawat tam laman gfakamulun tam at masine. Dius nafalganan takatanya sa antam siginan yay ebi taguna.

2 Kurintu. 2:14

Guseganan tam sas Dius aroro kanya gfosuk tua gugat emi sa tam Fun Isus at fagmababoun aroro masadi tua ami sa anya. Ay nusnga nday ami, Dius gagbilug emi laman gfatoglag ami tam Fun Isus sas fagayu taw. Takatanya em fakamulun kata nu gfarapyag ami sik famaebebanglu.

Ruma 6:4

Ansurung tam kata nu e nanamoli antam gasfuan anya gina anbul, laman nu setain Dius at fagmabalyananun nu nafaleleg tam Fun Isus siginans fagmabulanan, katanya yangay manamanwan tam sat bagu fag ugali.

Efesu 5:10

Rvbvyi tua te, inday fag ngay ugali tagfauseganan tam Fun.

Efesu 5:2

Ugalii ke fakesugun kata tam Fun Isus nu kesug antam. Kanya nafon at leleg sik mabebanglu fag fanggalangun sas Dius laman sa antam.

Filipus 1:27

Nu katanya, ugatani nu gfaning am tam Fun Isus at Masine fag Barita. Aroro, nu katanya tua ay fakamulun, umdasug kman sanya ay duan, antuyan kwa fia te, takadungug si ayu maksvn nu masadi am ay nu ggudgubukan am gfabadbaboan laman ban tibak taw gafanud sat Masine fag Barita,

Filipus 1:11

ay anggan si tua ayu tam Fun Isus at fon at masine fag ugali, laman gfae fagmasineun ay gfauseganan Dius.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.

Titu 3:1

Famatangani sanya fag ngay taw te, faningi tam fun ste swa daga ay at ke ngay fagmabalyananun. Faningi anya fagayu, ay mafalganani fia fakamuluni at masine.

Kulusas 3:20

Ngay sisian, faningi tua ay ngay fagtainan sas fagayu ay fakamulun, aroro kanya tua tagfauseganan tam Fun.

Efesu 4:13

Takatanya fag balyawvtan, umsadi tua tam sas fagafanudun ay tumoglag tam Dius at Baguama, laman umtuyan fia tam kaugalian kata tam Fun Isus nu matuyan.

Abakuk 2:14

Aroro nu setain mamam nu mapnu sis dagat, umkayu yangay ngay taw at fagsafulun sabaliwas Yawi at fagmabalyananun.

Ebreu 11:5

Aroro Inuk gafanud tua sas Dius, wa nadalan fakabulun aroro Dius nabuba anya sas banwa. “We nalag ya anya aroro Dius nabuba anya.” Ay gina yud yay nabuba anya, Dius guseganan tua anya.

2 Timuteu 2:4

Sik tagfawayan wa kasalag ste swa daga nusnge wain, laman kanya gfon fagusegananun sat fun.

Kulusas 2:19

Takatanya fag taw wa gfaning tam Fun Isus, tam alfuyu, tagfon fagmatagluun sas fagdaul at bilug siginan at ngay afud nu gsugfunan ay at ngay lalid. Siginan takatanya umkaksvn tam kata Dius at fakaylatun.

Filipus 4:18

Aroro siginan ay fanggubukun, Epafruditu at nafosuk sa angku, nasawe yay sa ku day fagayudanun. Ay famonun sik mabebanglu fag fanggalangun, at maksvn nu masine ay nu maylat sas Dius.

Efesu 1:17

ay get au gugat sa tam Fun Isus at Mama at mabalyanan laman siginan at Masine fag Falad at gubuk, gfae fagsafulun ay gfae fagmayamagun ayu, sabaliwa nu gtoglag am fia Dius.

2 Kurintu. 9:8

Aroro Dius makatu gfon sa ayu fagayu nusnge wain, laman kabavn diam e fagayudanun, ay magubuk tuam ay ngay iba.

Uan 17:3

Katatuy sik taw nu e leleg at yud e fakatabuan: nu natoglag emu te, o wan at matuyan fag Dius, ay nu natoglag yangay angku am nasugu, Isus, am nafili fag Fun.

Daniel 12:4

Daniel, faluti yap tuy fag fafil ay lag yap o gfoyung sa sangay taw tuy fag longan yakmay ban andasug at fakatabuan. Kaduge tuy fag longan masuksukan, ngayu bank taw takaylat gyasafulun takafasludan.”

Isayas 53:11

Ay nu nlangfe ban nu gidapan, kanya ban lumag at naidapanan at rawvg ay guseganan ban. Yawi nalong te, “Ku fagsuguan matuyan, ay siginan at fagsafulun ngayu ban at kumtap kata nu yud e asalanan, aroro kanya ban nanginkidapan laman sa sangay taw at asalanan.

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

Ruma 4:12

Kanya yangay at ke ngay fakatoglagan at mama, ay bundi lang nafae fakatoglagan, nu bunway gafanud yangay kata tam mangaguyang Abrayam nu gafanud, gina kanya yud yay nafae fakatoglagan.

Ruma 1:13

Ku ngay faduksay, kaylat au gfasaful sa ayu te, ngayu ginan koma gasanyaun. Dewa katanya, dasug katsi e gsalag yay gugat angku. Kaylat au nantaban tibak taw si ayu laman gafanud yangay sas Isus, kata ku nafakamulun sa sangay Udyu fag ngay taw si tibak furuan.

2 Kurintu. 5:9

Nu katanya, katsi em fakaylatun gfauseganan ami fia anya dewa ami ste yay swa daga ay anggan gina ban ami sit day tigyangan.

3 Uan 1:6

Ay kanya fagayu nafoyung sa sangay tagafanud ste sabaliwa nu kesug o. Gubuki anya fagayu sa takafauseganan tam Dius, laman kanya fagayu mabayan nu gtaglayun glao.