Isayas 4:3 - Fanawbuid tagsibaliwas Fakayabian

³ Ay fagayu ban at kinsawad ay tagleleg yay sis Siun, at masuad, Erusalem fag furuan daul, Yawi ban gtuyan anya fagayu te, at matuyan fag ngay taw.

Isayas 4:3 Referans Kwoze

Lukas 10:20

Dewa katanya, lag guseganan te, at mauri fag ngay falad gfaning ayu. Useganani way aroro ay ngayan anriruk wan sas banwa.”

At Nafasure 21:27

Ay waban e gsakbo ya sanya nusnge wain at masuya, ay nusnga sinu fag taw tagfakamulun at maksvn nu mapla, ay fagayu takamuag. Tagsakbo ban sanya kayu way lang ban at ke ngayan at marirukan sis Tupa Riangan at fafil fagrirukan at ngay ke leleg ban.

Isayas 60:21

Ay am ngay taw ban umsik matuyan tua, ay kanya ban fagayu gagbilug at talun kabavn. Kanya fagayu nafakata au sik tanum ku natanum laman gfalag au ku fagmasineun.

Isayas 52:1

Furuan Siun, afuloi, alunggungi ay maksvni tua! Ay fasurei am fagmabalyananun, o at yud e malong fag furuan Erusalem, aroro at yud taw Israel, am natuyan te, masuya, wa ban gdog ya gsakbo sa emu.

Alubad. 69:28

Falyami wan at ngay ngayan siginan am fagrirukan, ay fasamani wan siginan am nafalangfe fag ngay taw.

At Nafasure 20:15

Ay nusnga sinu fag taw at yud marirukan at ngayan sis fafil fagrirukan at ngay ke leleg ban, e gukas yangay ban anya sas afuy daul.

At Nafasure 17:8

Am nalag ebi fag tagfangagat fag mela tagleleg, katsi anbul wan, dewa katanya, kanya ban gdog yay gleleg ay kasure ban siginan tangabasad fag lusung, ay kadasug way ban vtv sat maksvn fag faurianan. Ngay taw ban at yud anriruk at ngay ngayan sis fafil fagrirukan at ngay ke leleg ban, kanya ban fagayu lumag kafag mela daul. Siginan nu kawat fagdaul daga kafag ngay taw at ngay ngayan wa nriruk sanya fag fafil tagleleg. Ay kanya ban fagayu nu nalag kafag mela umdulo maksvn, aroro ebi gleleg ay anbul, dewa katanya nadog yay naleleg.

At Nafasure 13:8

Ay fagayu taw ste sfagdaul daga gseg ban anya. Ay siginan ngay fagdaul daga nu kafasigad, kanya fagayu at ngayan wa marirukan sis fafil fagrirukan at ngay ke leleg ban, kanya fag fafil, at kinbul fag Tupa Riangan at fagbakvdun.

At Nafasure 3:5

Nusnga sinu ban at nababo umke lanbung yangay malaksi, ay kdi ban grarus at ngayan sis fagrirukan at ke leleg tua ban kabavn. Nustua gfoyung kban sa ku Mama ay sat ngay tagbarita at daga salubangan te, kanya ku taw.

Ebreu 12:14

Ugatani ugalii manabayan sis fagayu taw at daga salubangan, ay dangay e malong, aroro nusnga sinu fag taw wa ban lumag tam Fun nu e malong way.

Kulusas 3:12

Nu katanya, aroro am wan Dius at nafili ay at nafasaman ay at fakesugun, masine nu kedkesugan tuam fia, ay nu magalang am, ay nu kamababaun am, ay nu malukme am, ay nu mafangagwanta am.

Filipus 4:3

Ay get kyangay sa emu, at matuyan ku taggubuk te, gubuki duena. Aroro kafag duena naugatan nagubuk angku nu gfarapyag au at Masine fag Barita, gadgaloan Kliminti ay e tiba yay ku ufud tagfakamulun, at ngay ngayan marirukan sis fagrirukan at ke leleg ban.

Ruma 11:5

Ay dasug katsi Dius at fagmagalangun katanya tua gugat e nafili yay gugat at matuyan sa anya.

Esekyel 43:12

Tuy at maksvn nu mafanud fag faugali sabaliwa Yawi at bale: tuyani te, yud e malong fagdaul tungud buksul fagnangawatan Yawi at bale, anggan sat ligung fag talun.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

Efesu 1:4

Aroro siginan tam fagmasadiun sa anya, kanya nafili antam siginan yay nu yud nawat fagdaul daga, laman umsine tam ay di tam e malong sas Dius at daga salubangan. Aroro kesug tua antam,

Fakamulun 13:48

Ay at yud Udyu fag ngay taw nu nadungug Dius at longan, kanya fagayu guseganan ay gseg Dius. Ay Dius at nafalganan fag ngay taw laman sas leleg at yud e fakatabuan, gafanud tua.

Esekyel 13:9

Namaurianan kban kafag ngay taglong. Kwa ban gtoglag ya anya fagayu te, ku ngay taw, ay grarus kwa ban at ngay ngayan siginans fagrirukan Israel at ngay ngayan, ay kanya ban fagayu wa masine nanakbo sa sangay taw Israel at daga. Nu katanya, sumaful am te, au Fun Dius Yawi.

Isayas 1:27

Aroro sit kamatuyanan, furuan ban Erusalem, umlangfe, ay fagayu ban at nafababaun ay naubun at ngay asalanan umsik matuyan.

Ruma 11:4

Dewa katanya, setain Dius at famalus? “Nafasawad kyay fituk libuk mangama at yud gseg Baal.”

Alubad. 87:6

Gina Yawi griruk kafag ngay gaban taw, kanya nariruk te, “Kanya fagayu, ngay taw Erusalem wan.”

Isayas 28:5

Ginanya ban fag menit, Yawi at Mabalyanan umkata sik masine fag sangbo barugwak sas fagayu at kinsawad fag ngay taw.

Isayas 35:8

Ay umke dalan ban daul sas talun ay e gngayan te, “Yud e Malong fag Dalan.” Ay wa ban e glao sanya tagasalanan anggan at yud e nasafulan, nu bunway at ngay tagfaning way lang Yawi at balyawvtan.

Isayas 46:3

Akub at ngay kasugfunanan, am at sawad fag ngay taw Israel, dungugani angku. Nalaga au ayu siginan ngay nu kasalug am.

Isayas 62:12

Kanya ban kangayan te, “Yud e malong fag ngay Taw” ay “Yawi at Nafalangfe.” Ay Erusalem ban kangayan yangay te, “Mauseganan fag Furuan” ay “At Yud Mabaluanan fag Furuan.”

Uel 3:17

Yawi nalong te, “Ngay taw Uda, ginanya ban sumaful am te, au wan ay Dius Yawi tagbanwan sis Buksul Siun at yud e malong. Ay Erusalem ban umsik yud e malong, ay tiba bank talun at ngay tagfawayan wa manamawayan ya ayu.

Ubadyas 1:17

Dewa katanya, taw Israel ban e kasawad yay sis Buksul Siun, ay kanya ban umsik matuyan fag furuan, ay Akub ban at kasugfunanan gdog yay nangagbilug at daga.

Malakyas 3:16

Ay sanya ginan, ngay tagsuyu Yawi gkamatoan, ay Yawi nadungug. Kafag ngay taw at ngay ngayan anriruk sa sik fafil tagsis Yawi at daga salubangan, laman Yawi gamatang tua gugat fagayu tagsuyu ay tagtoglag anya.

Isayas 6:13

Ay dewa ban anke sawad yay sit talun at fasafuluk afud taw Israel, e namamin yay ban. Dewa katanya, e nafili kyay at kumsawad sanya. Kanya ban fagayu umkata sik bvtang at yud e malong, ay kata sik nagtudan kayu at natugbung yay.”

Sakaryas 14:2

Aroro ginanya ban Yawi namaful fagayu talun at ngay taw laman namawayan Erusalem. Ay kanya ban fagayu nangagbilug Erusalem, ay nangago fagayu nusnge wain sit ngay bale, ay namakamulun at mauri sa sangay mangena. Kanya fagayu nantaban sik wabilug ngay taw Erusalem sa tangayayu fag talun. Dewa katanya, at kinsawad ban gbanwan yay gugat sit furuan.