Isayas 39:3 - Fanawbuid tagsibaliwas Fakayabian

³ Ay Isayas fag taglong nalao sas fun Esekyas ay nainto te, “Daginan kanya fag ngay taw ay nataw at algan?” Ay Esekyas nabalus te, “Kanya andasug siginans tangayayu fag talun, siginans Babilunya.”

Isayas 39:3 Referans Kwoze

Deuterunumyu 28:49

Yawi ban namafawayan ayu sa sik gaban taw tagsaman ayu at fangaringang, tagsiginan sik fungfung daga. Kanya ban fagayu namawayan ayu kata sik bio nu gyukfu at ngay fagnanggamatun.

Eremyas 5:15

Yawi glong te, “Ngay taw Israel, namadasug au sa ayu sik gaban taw tagsiginan tangayayu fag talun laman namaurianan ayu. Kanya sik gaban taw taglugo wan nu gbanwan sit talun, ay ay fagyudun togdungug at fangaringang.

2 Krunika 16:7

Ginanya fag buknga, Kanani fag taglong nalao sas Asa talun Uda at fun, ay nalong te, “Aroro nafanud way o sas Aram at fun, abat ngate, sas Yawi am Dius, wam anke buknga ya namabul talun Aram at fun at ngay tagfawayan.

2 Samwel 12:1

Nu katanya, Yawi nasugu at taglong Natan sas Dabid. Ay Natan nu ndasug sas Dabid, nalong sa anya te, “E duak taw gbanwan si sik furuan, at sadi maramraman ay at sadi sik yud way e kwa.

Isayas 38:5

“Loi sas Esekyas ay longi anya te, ‘Katatuy am mangaguyang Dabid at Dius, Yawi at longan: Nadungug au am darangin ay nalag au am liasun. Nu katanya, namamut kyay am leleg labi lima yak banwa.

Isayas 38:1

Ginanya, Esekyas anke fakasaitun ay arvs anbul wan. Ay Dius at taglong Isayas, Amus at baguama, nananlag anya ay nalong te, “Yawi nalong wa te, ‘Fadantei yap am ngay kalongan aroro wa kafia ya am fakasaitun, ay umbul wo.’ ”

2 Krunika 25:15

Siginan takatanya, Yawi maksvn nu kadotama Amasya. Ay nasugu at taglong sas Amasya ay nalong te, “Wain am fagnasegun sa kafag ngay fagsegan at yud mafalangfe at ngay taw siginan emu?”

Uswe 9:9

Kanya fagayu gbalus te, “Siginan ami tangayayu fag talun. Nastie ami aroro nadungug ami ay Dius Yawi at nafakamulun fagayu sas talun Igiptu,

Uswe 9:6

Sanya ginan, kanya fagayu andasug sas Uswe ay sa sangay taw Israel at ngay bale sit fagmafulan sis Gilgal, ay nalong sas Uswe ay sa sangay taw Israel te, “Andasug ami stie siginans tangayayu fag talun laman nanget ami sa emu te, awati sik nasadian sa emi laman wam gfauri em ngay taw.”

2 Krunika 19:2

Ay Yeu, Kanani fag taglong at baguama nafablang anya ay glong te, “Wain am fagnagubukun at mauri fag taw ay am fakesugun tagfawayan Yawi? Siginan takatanya Yawi kauri emu.

Isayas 39:4

Ay Isayas gdog yay nainto te, “Nataw at nalag sim bale?” Ay Esekyas nabalus te, “Kanya nalag wan fagayu nusnge wain si ku bale daul. Kwe nasuksuk fagayu ku fagmaramramanun; nafalag kwan.”

Eremyas 4:16

Kanya nasugu kafag ngay tagfosuk longan laman namadasug famararang sa sangay talun ay sas furuan Erusalem te, e ngay fawayan siginan tangayayu fag talun takaylat namawayan Uda at ngay furuan.

Eremyas 8:19

Dungugani! Ku ngay kaiban gwayway kadungug sas fagdaul talun, ay glong te, “O nunda Yawi naubun wan furuan Erusalem? O nunda Siun at fun wa sanya ya?” Yawi nabalus te, “Wain ay fagnafadotamaun angku, siginan nu gseg am tibak fagsegan?”