Isayas 26:2 - Fanawbuid tagsibaliwas Fakayabian

² Luangi wan furuan at ngay sakbawan laman masakbo at matuyan fag ngay taw tagfaning Yawi.

Isayas 26:2 Referans Kwoze

At Nafasure 5:9

Ay kanya fagayu galubad sik bagu fag alubad te, “O wan at masine gbul at mafabilugan fag fafil ay at malusi kafag ngay fandafut. Aroro anbul o, ay siginan am taguk nabayad o ngay taw laman sas Dius, siginans fagayu kasugfunanan, ay fagayu fangaringang, ay fagayu gaban taw, ay fagayu talun.

Alubad. 118:20

Tuy Yawi at bale at sakbawan, ay tagsakbo stae, at matuyan way lang fag ngay taw.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

Isayas 60:11

Kabavn am sakbawan maluangan tua laman gfasakbo ngay talun at ngay ramraman. Ngay fun gsugfunan gsakbo sa emu.

Isayas 62:10

Ngay taw Erusalem, duksuni siginan ay furuan at ngay sakbawan, ay falganani ay fasinei ay ngay kaiban at dalan. Buli wan ngay gang, ay fabati sik famasaful sa sangay taw te, Yawi gfauli wan at ngay taw.

Isayas 62:2

Furuan Erusalem, ngay taw ban sas fagayu talun ay at ngay fun lumag ban am fagmatuyanun ay fagmasineun. Ay Yawi ban namon emu sik bagu fag ngayan.

Fakamulun 2:47

ay gseg gugat Dius, ay galay at sadi guseganan. Ay kayu menit tam Fun gfamut ngay taw takalangfe.

Isayas 60:21

Ay am ngay taw ban umsik matuyan tua, ay kanya ban fagayu gagbilug at talun kabavn. Kanya fagayu nafakata au sik tanum ku natanum laman gfalag au ku fagmasineun.

Isayas 54:14

Ay umkaksvn tua ban o aroro am ngay taw ban at ugali matuyan tua. Ay am ngay fawayan ban lumagyu emu, nu katanya di ban am e fakalimuun ya, ay kanya ban fagayu wa manangakbang ya sa emu laman namalimu.

Alubad. 106:5

laman anggan au, kataip kyangay sam nafili fag ngay taw at fagmanabayanun, ay sat fagusegananun. Kaylat kyangay gfauseganan emu gfasfuan am nafili fag ngay taw.

Nu Galin 19:6

ay am wan ku nafili fag ngay taw, ay umkata ban am sik fagfagtainanan tagfon fanggalangun ay sik gaban taw at mafasamanan sa angku.’ Nanlong o tuy sa sangay taw Israel.”

At Nafasure 21:24

Fagayu talun at ngay taw glao ban sat yamag, ay fagdaul daga at ngay fun ayu daul namuba sanya at fagmaramramanun.

Sakaryas 8:20

Ngayu bank taw takadasug sas Erusalem siginan tibak furuan.

Isayas 58:8

Ay nu katanya tua ay fakamulun, dumamlag am kata nu bagu kamenit, ay namafia kwan ayu. Au Yawi at matuyan tagsi ay fagunan, ay siginan ku fagmabalyananun tagsi ay faguyanan, gdiri ktua ban ayu.

Udas 1:3

Ku ngay fakesugun, maksvn nu kaylat au griruk sa ayu sabaliwa tam fakalangfean. Dewa katanya, gtungud yay nu kaylat au griruk sa ayu sabaliwa tagfaksvn ay fagafanudun, laman mabakvd tuam sa ay nadungug fag foyungan, Dius at nafatigwanan sat nafili fag ngay taw.

2 Pedru 3:13

Ay dewa katanya kata Dius at fatuyanan, gfanya tam sik bagu fag banwa ay fag daga, at matuyan fag ngay taw at fagbanwanan ban.

Alubad. 24:7

Nanluang am Dius at bale at ngay sakbawan at yud ginbalian, laman at mabalyanan fag Fun gsakbo!

Alubad. 118:19

Luangi Yawi at bale, ngay taw matuyan at fagmafulan, ay gsakbo au, laman namauseganan au anya.

Isayas 45:25

Yawi gtap Israel at ngay kasugfunanan te, yud e asalanan, ay kanya ban fagayu sumeg anya.

Isayas 54:17

We mababo emu nusnga setaw fag famawayan, ay mabalus tuo nusnga sinu tagfalingun emu. Kanya wan ku famonun sa ku ngay fagsuguan, ay namababo kban anya fagayu. Au, Yawi, taglong tuy.”

Isayas 60:18

Di ban e gfangagras ya sim talun, ay wa ban e faurianan ya takadasug sa emu. Fakalangfeun ban gligung emu kata sik alad, ay fagayu ban tagsakbo sa emu gfauseganan ban angku.

Isayas 62:1

Aroro kesug au Siun, kwa ban gfaragang nu garingang au yakmay at fagmatuyanun ay at fakalangfean kalag kata sik salung tagdamlag.