Isayas 21:1 - Fanawbuid tagsibaliwas Fakayabian

¹ Katatuy at foyungan sabaliwas Babilunya: At ngay fawayan ban umdasug kata sik tagbaribungan fag tagmara. Kanya dumalan sas talun Negeb siginans talun at yud e taw siginan sik malimu fag talun.

Isayas 21:1 Referans Kwoze

Isayas 14:23

Ay fagdaul ban talun Babilunya namasik talun au ngay mela at fagbanwanan, ay kata sik bunaw tagamakmakun, ay rumasras kban kata nu e nawaris. Au, Yawi at Mabalyanan, taglong tuy.”

Eremyas 51:42

Talun Babilunya malubguban sit maksvn fag lugwak.

Isayas 13:1

Katatuy Yawi at foyungan sabaliwas talun Babilunya, at nafoyung sas Isayas, Amus at baguama:

Sakaryas 9:14

Yawi namasure at fagmabalyananun sat ngay taw, ay at banyas ban gdamlag kata limbad. Ay kanya ban namawang budyung ay kadasug gadgaloan fulug siginans fasiunan fag alvngvdan.

Isayas 17:1

Katatuy at foyungan sabaliwas furuan Damasku: “Dungugani! Wa ban glugo ya Damasku bunwa sik furuan ya aroro umrasras.

Daniel 11:40

“Sa bans fakatabuan, tagsis fasiunan fag fun namawayan tagsis fawalan fag fun. Dewa katanya, tagsis fawalan fag fun e ngay sakayan famawayan, ay e ngay tagfawayan tagakabayuan ay ngayuk tagfawayan tagsi sangay sakayan lino laman namawayan anya. Kanya fagayu namawayan ngayuk talun kata lugwak nu giklas.

Esekyel 31:12

Ay tagsiginan ban tangayayu fag talun at taw at madot namuan anya, ay gubun way lang ban. Ay at ngay sanga ban karabas ay umrapyag ban sa sangay buksul, sas datag ay sas liskung. Ay ngay talun ban tagsarirung si anya glo wan.

Esekyel 30:11

Fun Nabukudunusur ay at ngay tagfawayan maseganama, amaseganama yap tua sas fagayu talun at ngay tagfawayan ay nansugu au anya fagayu sas talun Igiptu laman namabul sanya fag talun at ngay taw. Ay kanya ban fag ngay tagfawayan namabul sanya fag ngay taw ay namarapyag at ngay nafabul sas fagdaul talun.

Ub 37:9

Fulug kadasug, ay anggan at marios fag tagmara kadasug yangay.

Isayas 5:28

At ngay fiso maglat, ay at ngay godun mafalganan wan. Ay fagayu at ngay kabayu at u katugas sik gang, ay at ngay faguyudan at ke balingkitan masakit kata sik tagbaribungan fag tagmara.

Esekyel 1:4

Kaduge au gdama, nalag au sik fulug kadasug siginans fawalan fag alvngvdan. Ay siginan sad linyabu maksvn nu glimbad, nu katanya, sit ligung maksvn nu mayamag. Ay at kaksvnan nu glimbad, masulo kata sik tansu.

Esekyel 38:9

Nu katanya, tabani am ngay tagfawayan ay am fadgaloan fag ngay talun at ngay tagfawayan ay namawayan am sas Israel kata sik fulug, ay nanligung am anya kata sik linyabu.’ ”

Isayas 13:13

Nanguig kban banwa ay fagdaul daga. Ay ginanya ban fag menit, namakamulun au takatanya laman namasure au ku maksvn fag dotama.

Isayas 14:1

At matuyan, Yawi ban kafanyu taw Israel ay gdog yangay nanfili at ngay taw, laman gdog yay namanwan sa ebi at talun, ay e ngay taw siginan tibak talun at magamut sanya.

Isayas 14:14

Nangabat au sas tungud linyabu, ay umkata au Tiba Tungud fag Dius.’

Isayas 47:1

Yawi nalong te, “Babilunya, umlunggung ban o sasad lukbu, ay wa ban o e fagfagtainanan ya. Ebi kata oma o sik maylat fag baguina, ay katsi wo katanya ya.

Eremyas 51:1

Kata tuy ya Yawi at longan sabaliwas talun Babilunya: “Gfabulun au sat madot fag tagfawayan namawayan talun Babilunya ay at ngay tagbanwan sanya.

Eremyas 51:51

Nalong am te, ‘Kapla ami, gafalingunan ami ay gafaplan, aroro tagsiginan tangayayu fag ngay taw nafasuya Yawi at bale.’