Isayas 2:7 - Fanawbuid tagsibaliwas Fakayabian

⁷ Talun Israel, ngayu at ngay salapi ay gintu, ay wa kamin at ngay ramraman. Ay ngayu yangay at kabayu, ay di katap at ngay faguyudan fangawayan.

Isayas 2:7 Referans Kwoze

Isayas 31:1

Afanyuan, fagayu am at nanget gubuk sas talun Igiptu. Gsarig am sat matarung fag ngay kabayu, ay at tangayu fag faguyudan fangawayan, ay at magaras fag ngay tagsaful gsakay sis kabayu. Dewa katanya, wam gseg Yawi, Israel at Dius at yud e Malong, ay wam nanget gubuk sa anya.

Isayas 30:16

Ay nalong am te, ‘Malagyu waymi siginan em ngay fawayan, aroro fagayu em ngay kabayu matarung tua.’ Anud, umlagyu wam fia, dewa katanya, at namafalo ayu amatarung yap tua.

Alubad. 20:7

E ngay taw tagseg at ngay kabayu ay at ngay faguyudan. Dewa katanya, itam, gseg tua tam Yawi, tam Dius.

Mikas 5:10

Yawi nalong te, “Ginanya ban fag ngay menit, gfabul kban ay ngay kabayu ay giklas ay ngay faguyudan fangawayan.

At Nafasure 18:3

Aroro fagayu talun at ngay taw anke fagmauriun kata kafag furuan, ay kanya fagayu kata nu galangu. Ay fagdaul daga at ngay fun ansadi sa anya, ay ngay tagfalao sas fagdaul daga anramraman siginan kafag mangena nu gbayad kafag ngay tagfalao at ngay famalaoun laman gfaning at sadili fakaylatun.”

Usea 14:3

Ay wami get ya fanggubukun siginans Asirya, ay wa yangay mi gseg ya em ngay tagfawayan tagsakayan sis kabayu. Ay wa yangay mi gngayan ya em nawat fag ngay fagsegan te, em ngay dius. Aroro anfanyu tuo emi kata sik ngay sisian at yud e fagtainan ya.’ ”

1 Fun 4:26

Fun Sulumun e ufatk safuluk libuk fagubungan kabayu laman sa sangay kabayu at ke faguyudan fangawayan ay e labi duak libuk tagakabayuan.

Isayas 57:17

Andotama au aroro ngay taw Israel gasalanan ay gfangalabian, nu katanya, nafaurianan kwan ay naiyan anya fagayu. Dewa katanya, kanya fagayu gfataglayun yay nu gasalanan.

Ub 3:15

Satu ro manabayan kwan kata ngay funan at nafapnu sat ngay bale gintu ay sanbung salapi.