Isayas 19:4 - Fanawbuid tagsibaliwas Fakayabian

⁴ Namafagtainan kban sa anya sik madot fag fun.” Katanya tam Fun, Yawi at Mabalyanan at longan.

Isayas 19:4 Referans Kwoze

Isayas 20:4

Aroro Asirya at fun tumaban ban talun Igiptu ay Etiupya at ngay taw, dewa sisian ay dewa fagtainan. Fagayu ban gasifayanan way ay wa galapakan. Masure ban fagayu at ngay balitang, ay kanya ban fag ngay taw Igiptu umkapla.

Esekyel 29:19

Ay au, Fun Dius Yawi, glong au te, namagbilug kban talun Igiptu sas Nabukudunusur, Babilunya at fun. Kanya ban gago talun Igiptu at ramraman fagayu laman at famayad sat ngay tagfawayan.

Eremyas 46:26

Namon kban anya fagayu sas nusnga sinu takaylat gfabul anya fagayu, sas Nabukudunusur, Babilunya at fun, ay sat ngay tagfangguna. Dewa katanya, kadasug yangay ban at buknga, ngay taw nu gdog namanwan sas talun Igiptu kata ebi taguna. Au, Yawi, taglong tuy.

Isayas 19:2

Yawi nalong te, “Namae awayan au ngay taw Igiptu: sik duksay ban nangawayan, ay tagfasabale nangawayan yangay, ay anggan sik furuan namawayan ban tibak furuan, ay sik fagfagtainanan namawayan ban tibak fagfagtainanan.

Alubad. 31:8

Di o nafababawan angku sa ku ngay fawayan, nu bunway nafalangfe tuo angku siginans faurianan.

1 Samwel 23:7

Ay Saul nu nasaful te, Dabid sis furuan Keyla, kanya nalong te, “Dius naylat wan nu nanggamat au Dabid, aroro kanya kata nu naubung at sadili si sik furuan at ke faningding sakbawan sanbung.”

Esekyel 30:12

Namalanggang kban Liskung Nilu ay namagbilug kban talun Igiptu sat mauri fag ngay taw. Gagbilug kban ngay taw tagsiginan tangayayu laman nanrasras fagdaul talun Igiptu ay fagayu tagsanya. Au, Yawi, taglong tuy.”

Naum 3:10

Dewa katanya, ngay taw Tebes gdog yay natabanan sa tibak talun, ay e nafafalang at ngay sisian sa sangaba dalan. Ay takadungug fag ngay taw masiukan salambitan, ay mesa e nafagsuguan.

Isayas 20:3

Yawi nalong te, “Ku fagsuguan Isayas glodloan gasifayanan ay wa galapakan kaduge tuluk banwa. Kanya sik famasaful sas talun Igiptu ay sas Etiupya at ngay taw.