Isayas 16:3 - Fanawbuid tagsibaliwas Fakayabian

³ Taw Muab nalong sa sangay taw Uda te, “Falui emi em fakamulun. Gubuki emi kata sik fun kayu nu glanbung swabilug menit. Nalagyu wami siginan em furuan, ay katsi wami e bale ya. Fasuksuani emi ay lag gfoyung te, ‘Ste ami.’

Isayas 16:3 Referans Kwoze

Isayas 32:2

Galay at sadi umkata sik fagsarirungan gina fulug andasug. Ay kanya fagayu umkata sik liskung tagfamilugan sas talun yud e taw, ay umkata sik tagbia fag gang at lanbung sit masugba ay at matat fag daga.

1 Fun 18:4

Gina Esebel gfabul Yawi at ngay taglong, Ubadyas nafasuksuan sadik sandank taglong sis duak luib, limak safulu galay sik luib, ay nafon sa anya fagayu fakonun ay fanginum.

Ebreu 13:2

Lag kalyam gfasakbo ngay betaw. E nafakamulun wan takatanya, ay kanya wa saful te, at nafasakbo fag ngay betaw Dius wa mangaro at ngay tagbarita.

Mateu 25:35

Aroro gina au kalunus, nafafangon tuam angku, ay gina au kadanum, nafainum tuam angku, ay gina au sik betaw, nafasakbo tuam angku,

Sakaryas 7:9

“Katatuy ku longan sa ku ngay taw, ‘Matuyani tua nu ginsaful am. E fagmasineuni tua ay e fakafanyuni sas galay am at sadi.

Daniel 4:27

Nu katanya, mesug fag fun, dungugani ku ngay fangatulun sa emu: faragangi wan am fagmauriun, ay fakamuluni at matuyan ay afanyui at ngay tagidapan. Nu nafakamulun tua ban o takatanya fagayu, manabayan tua ban o gugat.”

Eremyas 22:3

Fakamuluni tua at ke fagmanabayanun ay at ke fagmasineun. Gubuki at nafangkamulan, ay falangfei anya fagayu siginan tagfaidapan. Lag am gfauri ay ngay betaw, ay at yud e fagtainan ya, ay anggan ngay fagbubayun. Ay lag am gfabul ngay taw at yud e asalanan.

Isayas 56:8

Yawi tam Fun nafaful at natabanan fag ngay taw Israel, ay kanya glong te, “Namaful kyay ban tibak taw, saman ya ku nafaful ebi taguna.”

Isayas 25:4

O wan tagbalabag at ngay tagafalingunan ay tagfon at nayudanan gina e fagidapun fag buknga. O wan at fagsarirungan gina e fulug ay gina masugba. Aroro at madot fag ngay taw nu kadasug kata sik fulug nu gfalang sas alad,

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Isayas 1:17

Ananadi fakamuluni at masine, ay ugalii at matuyan. Ay gubuki fagayu tagafalingunan. Fasudsudani tua nu ggubuk am dewa sat yud e fagtainan ya. Ay lag gfabayan ngay fagbubayun nu gafalingunan.”

Tagfangguna 9:15

“Ay at madugi fag tanum nabalus te, ‘Nu kaylat am nu gfunan au ayu, sarirungi sa angku. Ay nu dway am kaylat, gfaduksun au afuy tagirug ngay kayu sidru sis Lebanun.’ ”

Isayas 58:7

Foni fakonun sas fagayu takalunus, fasakboi sa ay ngay bale at yud e kwa, foni lanbung sat yud e lanbung, ay gubuki ay ngay kalongan.