Isayas 16:2 - Fanawbuid tagsibaliwas Fakayabian

² Muab fag ngay mangena tagsis fagdifean Arnun kata sik ngay manuk tungud at nafafadfarang at fakfak aroro e nafalimu siginan at fugad.

Isayas 16:2 Referans Kwoze

Fangatulun 27:8

Sik taw at nalao siginan at bale, kanya kata sik manuk tungud nu nyayu siginan at fugad.

Tagfangguna 11:18

Ay em ngay mangaguyang nalao sas talun at yud e taw. Ay nadalan furuan Edum ay Muab ay andasug sas Muab sfakamenitan baliwa fag tigyangan Liskung Arnun, ay sanya, kanya fagayu nawat at ngay bale ramit. Ay dewa katanya, wa nalangfe kafag datag, aroro kanya wan Muab at taba.

Eremyas 48:20

Ay kanya ro fagayu gbalus ayu te, ‘Muab anrasras wan ay anke fakaplaun. Uroi ay waywayi ay fadungugi sas Arnun te, talun Muab anrasras wan.’

Isayas 13:14

Tibak talun at taw tagbanwan sis talun Babilunya lumagyu ban, laman kafoli sat mesa talun kata nu e gfafalo sik arasyo. Kafag ngay taw ban guli kata sik ngay tupa at yud e galaga ya.

Uswe 13:16

kafag talun siginans Aruer sas tigyangan Liskung Arnun (kataip furuan sis wabilug datag) ay fagdaul datag Medeba,

Deuterunumyu 3:12

Gina tam nagbilug kafag talun, nafon au sas Rubin ay sas Gad at ngay kasugfunanan tagsibaliwas Aruer fag alvngvdan munakbang sis Liskung Arnun ay nafon kyangay sik wabilug sis Gilyad at fagagbilugun fag ngay buksul ay at ngay furuan.

Deuterunumyu 3:8

Nu katanya, naago tam siginan ngay taw Amur at fun fag dua, talun sis Liskung Urdan sas fakamenitan baliwa, siginans Liskung Arnun sitsigons Buksul Ermun.

Deuterunumyu 2:36

Yawi nagubuk antam gago Aruer fag furuan tagsis tigyangan Liskung Arnun ay anggan tagsanya fag furuan, ay anggan sitsigons talun Gilyad. We furuan at magaras at dingding alad tam nayud nakatu gsakbo.

Tap 21:29

Afanyuan wam ngay taw Muab! Am ngay tagseg Kemus, nababawan wam. Kemus nafabayan way lang at ngay sisian gina Sikun, ngay taw Amur at fun gtaban.

2 Fun 3:4

Mesa, talun Muab at fun, e ngay tupa. Aroro Israel tagagbilug at talun, galay banwa kafag fun gfon sas Israel at fun sadik sandank libuk tupa riangan at sigyu, ay sadik sandank libuk tama tupa.

Fangatulun 26:2

At mauri fag longan we tungkul sa sik yud e asalanan fag taw. At fagfaningun kata way sik manuk tungud taglayugan gugat at yud kaylat nangafun.

Eremyas 48:9

Muab nangus e fakfak tua laman ro kanya glayug wan kayayu, aroro at ngay furuan we fanambagun ya ay we gbanwan ya.

Eremyas 48:46

Ngay taw Muab, afanyuan am! Am fag ngay taw tagseg Kemus fag fagsegan, e nantaban wan ay ngay sisian.