Isayas 13:12 - Fanawbuid tagsibaliwas Fakayabian

¹² Wa ban ngayu ya ngay taw at kumsawad. Kafag ngay taw ban wa kayu ya gintu tagsiginans Ufir.

Isayas 13:12 Referans Kwoze

Isayas 4:1

Ginanya ban fag buknga, wa ngayu ya at mangama. Nu katanya, fituk mangena gagoan sik mangama ay kanya ban fagayu glong te, “Adadwai sa emi fagfitu! Ay ami mandi ban tagbayad em fakonun ay em lanbung, laman ban wami gafaplan te, wami e indugan.”

Isayas 24:6

Nu katanya, Dius namauri wan fagdaul daga, ay at ngay taw umfaurianan aroro siginan at ngay asalanan. Ngayu bank taw umkirug ay wa ban ngayu at kumsawad.

Alubad. 137:9

Ay mauseganan yangay ban nusnga sinu at nanamul ay ngay sisian, ay at namafalang sa sangay gang.

Ub 28:16

ay amafanud yap at mafasinean fag gintu tagsiginans talun Ufir, ay gtungud yap tua tagridrirukun ay melo gladlaksiun fag ngay gang.

1 Fun 9:28

Ay kanya fagayu gfalao kafag ngay sakayan lino sas talun Ufir ay nabuba sanya ginan labi ufatk libuk fabudbungguan gintu ay nafadasug sas fun Sulumun.

Alubad. 45:9

Tagsim bale fag ngay mangena, tibak talun at fun at ngay baguina. Am fabubayan malindug sibaliwa am siun, ay e ngay famasine sit ngay afud bilug mawatan siginans gintu tagsiginans Ufir.

Isayas 6:11

Ay nainto au te, “Ku Fun, seduge tua ban kanya fagayu nu kamaogatun?” Ay nabalus angku te, “Yakmay ban yud e gbanwan ya sat ngay bale, ay gina ban at ngay furuan ay at ngay tanuman anrasras,

Isayas 6:12

ay yakmay kban naiyan ngay taw Israel sa tangayayu fag talun, ay gina ban at talun ansik tubas.

1 Krunika 1:23

Ufir, Abila ay Ubab. Kanya fagayu Uktan at ngay baguama.

Isayas 10:19

Wa ban ngayu ya at sawad ngay fun kayu sanya fag ngay araw. Ay dewa sik sisian sirut mafatap way lang.