Isayas 1:23 - Fanawbuid tagsibaliwas Fakayabian

²³ Am nafili fag ngay tagfangguna sik ngay takamabo way, ay ansadi sa sangay tagfangkamul. Ay kanya fagayu kaylat gbul ngay famaylatan fag ngay famayad anggan ngay famonun. Ay wa ggubuk at yud e fagtainan ya, ay wa kasalag ngay fagbubayun nu nke fagidapun.

Isayas 1:23 Referans Kwoze

Mikas 7:3

Kanya fagayu annanad wan gfakamulun at mauri. At ngay tagfangguna ay at ngay tagwabilug gbul famayad laman namakamulun at mauri. Ay gfaning way at mabalyanan fag ngay taw at fakaylatun, ay masadi yangay laman gfayud e masuad fagmatuyanun.

Sakaryas 7:10

Lag am gfaidapan ngay fagbubayun, ngay taw tagsiginan tibak talun, ngay tagidapan ay at yud e fagtainan ya. Lag am gamatangan at mauri sas galay at sadi.’

Nu Galin 23:8

“Lag am gbul famayad nung way lang sik famaylatan, aroro tuy gfalyam taw siginan at matuyan, ay wa mafafon fagmatuyanun sas taw at yud e asalanan.

Lukas 19:46

Ay Isus nalong sanya fag ngay taw te, “E rirukan wa te, ‘Ku Bale sik bale daranginan.’ “Ay dewa katanya, nawat wayam ku bale ‘ngay tagfangkamul fag ngay taw at fagmafulan.’ ”

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Isayas 3:14

Kanya andasug laman namoyung te, sinu fag ngay tagfangguna at ke asalanan. Katatuy at longan sa kafag ngay tagfangguna, “Nafauri am ku tanuman wat ubas, at masuad te, ku ngay taw. Ay nafapnu am sa ay ngay bale nusnge wain ay nabul siginan at yud e kwa fag ngay taw.

Markus 11:17

Ay Isus nalong te, “E rirukan wa te, ‘Ku bale sik bale daranginan, laman fagayu talun at ngay taw gdarangin sanya,’ ay dewa katanya, nawat wayam ‘ngay tagfangkamul at fagmafulan.’ ”

Mateu 21:13

Ay Isus nalong sanya fag ngay taw te, “E rirukan wa te, ‘Ku bale sik bale daranginan,’ ay dewa katanya, nawat wayam ‘ngay tagfangkamul at fagmafulan.’ ”

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Usea 9:15

Dius nabalus te, “Fagayu ku ngay taw at fagmauriun gfasigad siginans Gilgal. Kanya fagayu gina sanya, kadotama au anya fagayu. Aroro siginan at fagmauriun, gaiyan kwa ban anya fagayu siginan ku fagbanwanan fag talun Israel. Ay kwa ban kesug ya anya fagayu. At ngay tagfangguna kamabo angku.

Usea 4:18

Kanya fagayu gina galangu, namataladan ngay mangena. Ay at ngay tagfangguna maksvn nu kaylat gfakamulun at mapla fag ngay fakamulun.

Eremyas 22:17

Dewa katanya, kabavn emu am fakaylatun gfandaya way o, ay namabul at yud e asalanan, ay nanfamalingun, ay namakamulun at mauri.

Eremyas 5:5

Nu katanya, glao au sat ngay tagfangguna laman namakamatoan. Anud kanya ro fagayu sumaful Yawi at ngay balyawvtan, at masuad te, sumaful at Dius at fakaylatun.” Ay dewa katanya, nu nafakamatoan au, kanya fagayu wa naylat gfaning Yawi at fagyafafakamulunun.

Isayas 33:15

At manamanwan sas Dius at salubangan, tagfakamulun tua at masine ay at yud kamuag, ay at yud galabian salapi, ay at yud get sik famayad. Ay at yud gfadiuganan tiba nu gfabul tibak taw, ay at yud gfakamulun fagayu nusnge wain at mauri.

Fangatulun 29:24

Sik taw nu gfadiuganan way ngay tagfangkamul, gfaurianan way at sadili. Ay dewa e glong sa anya te, “Longi at matuyan,” wa glong.

Fangatulun 17:23

At mauri fag taw gbul famayad laman fagmatuyanun wa kafasludan.

2 Krunika 36:14

Ay anggan fagayu tagfon fanggalangun ay fagayu taw Israel wa nafaning Dius. Kanya fagayu nafaning way tibak talun at ngay taw at ngay fakamulun at maksvn nu mauri, ay kanya fagayu nafasuya Yawi at bale, at nafili fag buknga at yud e malong sis Erusalem.

Deuterunumyu 16:19

Kanya nangus fagayu nu gfawabilugan di gfainbalian at matuyan, ay di e fagfadiugananun. Ay lag gbul famayad, aroro takatanya gsalag way at ke fagsafulun, ay gfaurianan at matuyan, ay gfaylatan sat ngay algan.

Lukas 24:27

Ay Isus gfataglayun gfayamag sas duama sabaliwa at sadili siginans Muisis ay anggan Dius at ngay taglong at rirukan sabaliwa anya.

Santiagu 1:27

At matuyan fag fagafanudun at yud e malong sas Dius tam Mama at daga salubangan katatuy tua: ggubuk tam at yud e fagtainan ya, ay ngay fagbubayun nu e fagidapun, ay gdiri tua tam tam sadili laman di tam gafaylatan ste swa daga fag ngay mauri.

Isayas 1:22

Furuan Erusalem, am sanbung salapi ankata sik gang, ay am fanlangu, anke suglat mamam.

Isayas 5:23

Wam naubung at ke asalanan fag ngay taw aroro nabul am famayad siginan anya, ay wam gfakamulun at matuyan sat yud e asalanan fag ngay taw.

Isayas 30:1

Yawi nalong te, “Afanyuan ku ngay sisian takamabo. Kanya gfalganan sik ngay algan deyud gfadiuganan angku, ay nanangasadi sa tibak taw dewa yud au e longan. Takatanya at fakamulun gfayu way at asalanan.

Isayas 65:2

Gfanya au gugat ku ngay taw takamabo ay yud gfaning at masine fag ugali, ay at fagfaningun at sadili way fakaylatun.

Eremyas 4:17

Kanya fagayu naligung furuan Erusalem kata ngay taw tagalaga tanuman, aroro kafag furuan nafamabo angku. Au, Yawi, taglong tuy.

Eremyas 32:32

Ngay fun, ay ngay tagfangguna, ay ngay taglong, ay ngay tagfon fanggalangun tagsiginans Israel ay Uda nafadotama angku siginan nu gfakamulun at mauri.

Esekyel 12:2

“Taw at baguama, namanwan o sa sangay taw takamabo. Kanya fagayu e mata oma, dewa katanya, wa glag, ay e talinga oma, dewa katanya, wa gdungug, aroro kanya fagayu sik ngay takamabo way.

Usea 5:10

Uda at ngay tagfangguna kata sik taw at nafalin at taba daga aroro naago ngay taw Israel at daga. Nu katanya, gfadasug kban sa anya ku dotama takata sik lugwak.

Amus 5:12

Aroro saful kway at kayuan ay nu se aksvn ay ngay asalanan. Gfalingun am ngay taw at yud e asalanan ay gbul at ngay salapi. Ay wa gsud nu gfawabilugan am sat yud e kwa.

Mikas 3:9

Am fag ngay tagfangguna sis Israel ay sis Uda, dungugani! Wam gfafasludan fagmatuyanun ay wam gfae masuad at matuyan.

Mikas 6:12

Ay am fag ngay taw at maramraman, madot am, ay kamuag.

Tap 22:7

Nu katanya, Muab ay Midyan at ngay fagtainan nalao gbuba at famayad sas Balaam laman namainsaful. Kanya fagayu nafoyung Balak at longan sa anya.

1 Samwel 8:3

dewa katanya, wa kata at mama. Aroro kafag dua gfangalabian salapi, ay gbul ngay taw at famayad siginan nu gfadiuganan dewa yud matuyan, ay gsaruy at matuyan.

Isayas 1:17

Ananadi fakamuluni at masine, ay ugalii at matuyan. Ay gubuki fagayu tagafalingunan. Fasudsudani tua nu ggubuk am dewa sat yud e fagtainan ya. Ay lag gfabayan ngay fagbubayun nu gafalingunan.”

Isayas 1:18

Yawi glong te, “Wainyayam, gyadyamagan watam! Dewa maksvn ay fagmauriun namalaksi au ayu, kata nu gbakbak at masuya fag ramit ay at kinfegus wan, laman umkata am sik dingin at barugwak nu malaksi.

Isayas 28:14

Nu katanya, dungugani Yawi at longan sa ayu, am takamalingun fag ngay tagfangguna Erusalem at ngay taw.

Eremyas 5:6

Nu katanya, at ngay fawayan namaurianan anya fagayu kata sik idu talun, ay kata sik mela tagfanya at fagnangonun tagduksun siginans furuan. Umfasludan takatanya sa anya fagayu aroro ngayu ginan gtalyuyan Yawi.

Esekyel 22:27

Ay kafag ngay taw at fun kata sik ngay idu talun. Kanya fagayu nanfamabul laman kae salapi.