Isayas 1:10 - Fanawbuid tagsibaliwas Fakayabian

¹⁰ Ay am fag ngay tagfangguna sis Suduma, dungugani fia Yawi at longan sa ayu, ay am fag ngay taw Gumura asafuli Dius at ngay faugali.

Isayas 1:10 Referans Kwoze

At Nafasure 11:8

Ay duama ban matangda way lang sisad dalan si takadungug fag furuan daul, kafag furuan nafangayan sa sik nafaydayuanan te, Suduma, ay Igiptu. Ay sanya wan fag furuan nu gtuktuk duama at Fun sas fasulungan kayu.

Esekyel 16:49

Am faduksay Suduma anke asalanan siginan nu kamatungudun. Kanya fag talnayan ngayu oma at fakonun ay doma e fagayudanun, dewa katanya, wa ggubuk at yud e kwa ay tagayudan.

Amus 9:7

Yawi nalong te, “Ngay taw Israel, nu gamatangan au ayu gsud way am ngay taw Etiupya. Matuyan, nafalfas au ayu siginans talun Igiptu, ay nafalfas kyangay ngay taw Filistia siginans Kaftur, ay ngay taw Aram siginans Kir.

Esekyel 16:46

Samarya tagsis fawalan baliwa kanya am kaka mangena gadgaloan at ngay baguina, ay Suduma tagsis fasiunan baliwa kanya am arian fag mangena gadgaloan yangay at ngay baguina.

Eremyas 23:14

Ay nalag kyangay te, sis Erusalem fag ngay taglong at nafakamulun nu mauri aksvn yap tua Samarya at ngay taglong at nafakamulun, aroro kanya fagayu wa matuyan sa angku ay kamuag. Kanya fagayu nafaksvn ngay taw mauri at ngay amatanganan laman gfataglayun gfakamulun at mauri, nu katanya, kanya fag ngay taw wa naubun at ngay fakamulun at mauri. Ngay taw Erusalem nu mauri gsud yay Suduma ay Gumura.”

Isayas 3:9

Ay katoglag sit ngay kamatan te, e ngay asalanan. Ay kanya fagayu wa kapla gfakamulun at mauri kata ngay taw Suduma nu yud gsuksuk at ngay fakamulun at mauri. Ida! Kanya fagayu afanyuan way lang! Kanya yay fag ngay taw at nafadasug faurianan sat sadili.

Deuterunumyu 32:32

Tam ngay fawayan nu mauri kaksvn furuan Suduma ay Gumura at fagmauriun, kanya fagayu kata sik wat ubas at rawvg at mayat ay at malangu.

Ruma 9:29

Ay Isayas nafoyung te, “Tam Fun at Mabalyanan nu dway ro nafae sawad ya antam fag kasugfunanan, matuyan satu ro ankata tam sfuruan Suduma ay Gumura.”

Amus 3:8

Sinu at yud kalimu liun nu nasubang? Ay sinu at yud nanfamoyung, Fun Dius Yawi nu nasugu?

Amus 3:1

Ngay taw Israel, Yawi nafalfas ay ngay mangaguyang siginans talun Igiptu. Dungugani at longan sabaliwa ayu:

Eremyas 9:26

ngay taw Igiptu, ngay taw Uda, ngay taw Edum, ngay taw Amun, ngay taw Muab, ay fagayu tagbanwan sa tangayayu fag ngay talun tagagangun. At matuyan, kanya fag ngay taw anggan ngay taw Israel kata way nu yud nafae fakatoglagan.”

Isayas 28:14

Nu katanya, dungugani Yawi at longan sa ayu, am takamalingun fag ngay tagfangguna Erusalem at ngay taw.

Isayas 8:20

Ay nu e gfoyung way yud gfadiuganan Dius at longan kata way sik ngay taw at yud yay nasaful at matuyan.

Fakasigadan 13:13

Ay tagsis Suduma fag ngay taw maksvn nu gasalanan sas Yawi.

Isayas 30:9

Aroro kanya fagayu sik ngay takamabo ay takamuagan, ay wa kaylat gdungugan ku foyungan.

Isayas 33:22

Katanya Yawi at fakamulun aroro kanya wan tam fun ay tam tagwabilug, ay takawat ngay suguan. Kanya wan tagfalangfe antam.

Esekyel 13:2

“Taw at baguama, nanlong o sat yud matuyan fag ngay taglong sis Israel te,

Mikas 3:1

Sanya ginan, Mikas nalong te, “Israel ay Uda at ngay fun, dungugani! O nunda bunwa am tagfafasludan at matuyan?

Esekyel 16:35

“ ‘Nu katanya, dungugani ku longan emu!